Muallif ushbu asarini yaratishda ko‘zda tutgan asosiy maqsadini shunday ifodalaydi: “Tarixi Farg‘ona”ni yozmoqdin maqsad izhori hunar yoki musannif qatoriga kirmak yoki ta’mini tiriklik yo‘lida bo‘lmay, balki bani basharni(ng) tiriklik qilish, sanoat va ziroatlari, madaniyat va badaviyatlarini xalqlarga ko‘rsatmak, bizdan keyin keladurganlar o‘tganlarni(ng) turmush va qilmush va bilmush ishlaridan ibrat olsun. O‘z zamoni bilan o‘tgan zamonni tarozu qilib, vaznini bilsun uchun va ham ilmi ta’rix bir ilmi ta’rifdur. Ilmi sharif va ilmi najib ekani, ilmlik va fikrlik insonlarga oshkor va ravshan ekani ma’lum uchun Farg‘ona tarixini yozmoqqa taraddud ayladim”.
(Is’hoqxon Ibrat. Tarixi Farg‘ona. Qo‘lyozma. O‘zRFASHI Qo‘lyozmalar xazinasi, inv. 11080, 3-4-betlar)