وجه القمر Vajhulqomar

1 ta joy qoldi! Darslar dushanbadan boshlanadi.

Blog yuritish haqida hech tasavvur ham qilib ko'rmagandim. "Kanal oching, qizlar mendan so'rayverishadi, kanaliz bo’lsa, guruh ochganizda e'lon qilib turasiz", deb Marvarid ochtirgan. Bu yerdagi ayol-qizlarning aksariyati uning tavsiyasi bilan qo'shilgani uchun Marini tanishtirishga hojat yo'q bo’lsa kerak.

Arab tilidan dars berishni 2020-yil 1-kursni bitirganimda boshlagandim. Bolalarga individual dars o'tardim. O'zim juda qisqa vaqt bir o'quv markazida online o'qiganman. O'sha markaz ishga taklif qilgandi. Hatto taklifni qabul qilganimda ham o'qituvchi bo'laman, deb o'ylamasdim. Miyamning bir chetida Cambridge universitetida o'qish fikri doimiy "propiskada" edi.

Dars berish bo'yicha metodlarni bilmasdim, dars beradigan tanishlarim, kursdoshlarim ham yo'q edi maslahat olishga. Ko’p repititorlarga borganim, turli ustozlarning turli metodlari bo'yicha o'qiganim juda qo'l kelgan.

Avvalo, o’zim qaysi metodda yaxshi o'rgangan bo'lsam, o'shani qo'llashga, o'qituvchilarda men uchun xato ko'ringan uslublardan qochishga harakat qilganman. Ikkinchidan, uslublarni tajribada qo'llab ko'rardim, tez-tez metod o'zgartirardim.

Shunda ham kurslarimda xatolar kam emas. Lekin shu paytgacha ko'pchilikka foydali bo'lib kelyapti. @vajhulqomar_students kanaliga ba'zi fikrlarni joylab boraman. Eng avval o’zim o'qib chiqib xursand bo'laman, shukr qilaman. U natijalarga doim 3 sababni aytaman:
1. Allohning menga, o'quvchiga bergan fazli.
2. O'quvchining tirishqoqligi.
3. Qo'ldan kelgancha bergan ta'limim.

Ro'yxat boshidagilardan qay biridir bo'lmasa, 3-sababning o'zi hech nima qilib berolmaydi.

Assalomu alaykum va rohmatullohu va barokatuh.

Ustoz darslariz judayam ajoyib, manga judayam yoqadi, qunt bilan o'rganaman.

Mari sizdan o'rganishni boshlaganda darslarizni maqtardila, "qattiqqo'lla", talabchan, oson usulda o'rgatadi, xotiram sust bo'sayam manam o'rganvoldim derdi😁. O'shanda qachondir manam arab tilini shu ustozdan o'rganaman deb niyat qilgandim. Allohga shukur nasib qilganakan. Mana ikkinchi oy darslarimiz davom etyapti hozir, hech ham afsuslanmadim. Harflarni ham juda oson, esda qolishga qo'l keladigan qilib, guruhlarga bo'lib o'rgatdiz. Bu metodlar hammasini judayam yaxshi eslab qolishga yordam berdi.

In sha Alloh siz bilan oxirigacha shu tilni o'rganish niyatim bor.
Alloh doim kuch-quvvat bersin. Ilm berishda charchamang🌷.

"Arabic from Alif" kursi talabasi

Baxtli yashagan odam o'z baxtini hech kimga ko'z-ko'z qilmaydi.

Shoira Isakova

Fikrlashaylik derdimu, lekin qisqa, lo'nda haqiqat, izohga hojat yo'q bo'lgan gap ekan.

Ba'zida ayol uchun eng yoqimli savol "o'zingizni qanaqa his qilyapsiz?" yoki shu ma'nodagi savol bo’lsa kerak deb o'ylab qolaman. "Yaxshimisiz?" emas, uni har kim so'raydi, lekin javob aslo qiziq emas, shunchaki suhbatning kirish so'zi xolos.

"O'zingizni qanday his qilyapsiz?" degan savolni eshitgan ayol ich-ichidan o'kinib yig'lashi faqat kinolarda bo’lmaydi. Har birimizda bunday holatlar bo'lgan, bo'lib turadi. Lekin unday savol beradigan odam topilmagani uchun ichimizda qolib ketaveradi.

Yana kinolarga murojaat qilamiz (oxirgi 5 yildan beri umuman kino ko'rolmayman). Hayotida qanaqadir qiyinchilikka uchragan ayol jamiyatdagilarga shu sohada yordam beruvchi qahramonga aylanadiyu, masalan, chekka qishloqdan kurashlar bilan to'siqlarni yengib o'tib o'qishga kirgan, o'z yo'lini topgan qiz boshqa ayollarning ta'lim olishi uchun kurashadi.

Menda jaa bunchalik emasu, shunga o'xshash kichkina holat paydo bo'libdi. Onalik davriga endi kirgan barcha tanishlarimdan chin dildan hol so'rashni xohlayman, yolg'iz emasligini, hozirgi holati o'tkinchi ekanligini aytgim keladi. Tug'ruqdan keyingi kunlarini yashayotgan ayollarga uning muammolarini yechib berasizmi, yo'qmi, bu muhimmas. Muhimi undan hol so'rashingiz, uni tinglovchi bir yaqini borligini his qildirishingiz, deb fikri ojizimni shu joyida yakunlayman.

P.s.: aynan tug’ruqdan keyingi davrni aytganimning sababi:
1) yaqin davrda boshimdan o'tgani;
2) qizlik, kelinlik bir taraf, onalik umuman boshqa taraf, ya'ni umuman yangi bosqich ekan. Shunga ko'pchilikda ko'nikish davri, gormonlar deganlaridek.

*Lekin ayniqsa shu safar qayta-qayta so'rayverganlar uchun ochdim. O'zi deyarli har doim kamida 10—15 talab, odam so'raydi, ochildi deb e'lon berganimda esa guruhda asosan avval so'ramagan qizlarni ko'raman.

Shu joyiga bir she'r:

Har bahorda shu bo'lar takror,
Har bahor ham shunday o'tadi...

So'radingiz ochdik* — "Arabic from Alif" kursiga yangi guruh

⚡️Bu tilni ilk harfidan boshlab to erkin o'qish va yozishgacha o'rganmoqchi bo'lganlar uchun

2 oy davom etadi.

Bir oy uchun to'lov: 290 ming so'm

💻Haftada 2 ta video dars
2 ta qo'shimcha mashg'ulot
1 marta online jonli dars

📝Har bir talabadan vazifani o'zim qabul qilib olaman. Yubormasangiz "vazifa qani?" degan xabar kelaveradi.

✅Qabul qilinadi: 10 nafar talaba

📆Boshlanish sanasi: 10-fevral

🔍Qo'shimcha ma'lumotlar bu yerda: https://t.me/c/1560658029/2322

📲Sinov darsi mavjud. Murojaat uchun: @vajhulqomar_admin

📍Bitiruvchilar fikrlari: @vajhulqomar_students

Kanalda na bir xarita bor, na hashtag, na tizim, na marketing. Bir yo'q bo'lib ketaman, bir ketma-ket yozaman. Ayniqsa, oxirgi paytlar bir narsa yozishni o'ylasam, 3-4 kunlab o'ylab yuraman, fikrim o'zgarmasa yozaman. Ko'p postlar o'ylashning o'zida tug'ilmasdanoq o'lyapti. Lekin yozganlarimning ko'pi chin dildan chiqqan so'zlar bo'ladi. Barchasiga qaramay, kuzatishda davom etayotganingiz uchun rahmat🤍

Aytgancha, endi kanalda nafaqat smayliklar, izoh yo'q, balki tarqatish qismini ham o'chirib qo'ydim. Kimgadir ilingan narsangiz bo'lsa, linkni shu yerdan olishingiz mumkin: @vajh_ulqomar

Hozirgi dunyoqarashim bo'yicha top3 "psixologlar":

🔹 G'azzoliy
🔹 Oiz Qarniy
🔹 Shayx Muhammad Sodiq Muhammad Yusuf

P.s.: Ro'yxatning ko'rinmas boshida turadigan 2 tasini yozmasam ham bilasiz)

Bir kursdosh dugonamiz bor. U qizni taniganimdan beri hayotini Qur'oni Karimni o'qish, o'rganish bilan yashaydi deb, bilaman. Yumshoq fe'lli, ko'ngilchan, samimiy. Yuzidagi nurni ko'rmaslik qiyin.

Yaqinda u qizda men avval hech e'tibor bermagan jihatni topdim — hissiyotga beriluvchan bo'lishiga qaramay psixologik kurs yoki konsultatsiya so'ragani, shu haqida gapirganini eslolmadim.

Qur'on bilan yashasak, psixologga ishimiz tushmaydimi? Menimcha, ha! Shunday deb o'ylab qoldim. Lekin 5 oy avval shu fikrim bormidi? Bor bo'lsa ham, uning kuchi bilan o'zimni qo'lga olib, isloh qila olarmidim? Yo'q! Yuqoridagi fikrga kelishimga oxirgi o'qigan kursim — haqiqiy psixologiya bilan tanishuv yordam berdi. Bir tanishimiz aytgandi, agar bir musulmon tug'ilganidan boshlab chin Islomda ulg'aysa, hech qanday psixologga ishi tushmaydi, deb. Ha, lekin nafsni tarbiyalash, farzand tarbiyasi bo'yicha ilmlar endi ommalashyapti. Jamiyatimizda sof Islomda katta bo'lgan shaxslarni topish juda qiyin.

Ko'p holatlarda boshiga musibat kelgan bir musulmon yo'lini yo'qotib, nima qilishini bilmay qoladi. Shunday vaziyatlarda yana o'z yo'limizga qaytishimiz yoki to'g'ri yo'lni topishimizga psixologiya bir ko'prik vazifasini o'taydi.

Endi psixologiyaning o'ziga kelsak, uning haqiqiysini botilidan ajratib olish bugungi kunda juda mushkul. Fitratimizga yaqinlashishga yordam beradigan psixologiyani topib olishimiz kerak. Strelkalar aylanib ham, o'rgilib ham O'sha yo'lni ko'rsataverishi kerak. O'zini sevish, oynaga qarab nimadirlarni e'tirof etish, o'ziga ishonchni oshirish, o'tmishdagi travmalar va unga sabab bo'lgan insonlarni kechirish mashqlari, shukronalik yozish kabilarni uqtiradigan psixologiyani emas.

Hech qanday quvonch, xursandchilik yetuk farzand yetishtirgan onaning quvonchi, xursandchiligichalik bo'lolmaydi.

Yo'lda radio to'lqinlarida shu jumlani eshitib qoldim. Kun oxiriga yetib, farzandim uxlagandan keyin o'sha kun uchun belgilagan rejalarimni ko'zdan kechiraman, ulgurganlarim ba'zan ko'p, ba'zan hammasini bajaraman, ba'zan juda kam chiqadi. Shunda g'alati tushkun kayfiyat paydo bo'ladi. Qilgan ishlarimni sanasam bir qo'limning barmoqlarini ham to'ldirmaydi. Keyin e'tibor bersam, faqat kitob o'qish, dars qilish, dars berish kabi amallarni hisobga olar ekanman.

Keyin fikrlashni sal o'zgartirdim. Har bir qilgan ishim - uy ishlari, bola bilan o'ynash, yuvintirish, ovqatlantirish, parvarishlash kabi oddiy ko'ringan kundalik ishlarni ham eslab, "shunchasiga ulguribmaney" deya boshladim. Bunaqa paytda, ayniqsa, yaqinlarimizning so'z bilan qo'llab-quvvatlashi, farzand tarbiyasi eng muhim katta bir ishligini eslatishlari ko'p yordam beradi.

Ertaga fevral oyi boshlanadi. Yaqinda Yahyo qori 1 yoshga to'ladi. Bugun mittivoyligida uxlashini tomosha qilib o'tirishlarim yodimga tushdi. Ko’pincha ayni vaqtdan zavqlanishni unutib qo'yamiz. Shoshilib yashaymiz. Prioritetlarni to'g'ri qo'ymaymiz.

Masalan, oxirgi paytlarda uxlaydigan paytini kutish, tezroq ishlarimni qilib olishga shoshilish kabi odatlar paydo bo'lgandi. Odamda xotirjamlik bo'lmas ekan bunaqada. Qo'l-oyoq bir ish bilan band, xayolda esa boshqa ishlarni bajarish fikri. 2 karra charchatarkan insonni.

Stop! O'zi menga muhimi nima? Qaysi ishni hozir qilishim shart, qayta imkon bo'lmaydi? Qaysilarini keyinchalik bajarsam ham bo'laveradi? Shu narsalarni o'zimga tez-tez eslatib turishim kerak ekan.

Xoliqiga vafosi bo'lmagan kimsaning maxluqotga safosi va foydasi sira bo'lmas!

Mahmud As'ad Jo'shonning "Haqiqiy sevgi (Alloh sevgisi)" asaridan.

Anchadan beri kanalga qaramadim. Shaxsiy hayot, darslar, kitoblar, xotirjamlik, ortiqcha mas'uliyatlardan xoli kunlar bo’ldi. Avvaldan aytaman, ilhom kelmagan payti shunchaki yozmayman. Lekin ichim to'lib ketganda asosiy "daftarim" shu yer.

Postni o'qiyotgan kitobimdan parcha bilan boshladim. Chunki ba'zi qismlarini daftarga ko'chirishni xohladim, keyin sizlarga ham ilindim.

Oxirgi yangiliklardan:

Ona sifatida ilk marta uyqusiz tun mazasini totib ko'rdim, qorimiz ilk marta gripp bo'ldilar. Undan oldin serharakatligidan charchayotgandek bo'lgandim. Noshukurlik oqibatini ko'rdim.

Islom akademiyasida magistr bosqichidagi o'qishimni akademik ta'til bilan saqlab qoldik. Alloh oson qilsa hech gap emas ekan. Magistr sifatida stipendiya olish ham nasib qildi.

Gavhar ustozning kurslarida 3 bosqichdan oxirgisiga o'tdik. Ko’p narsa o'rgandim, endi eng asosiysi, ya'ni amalda qo'llash qismi qoldi. Bu bosqichni online davom ettirsam kerak.

Aytgancha, ahvol so'rab yozganlarga rahmat. Kurslarni kutayotganlarga aytgan so’zim ham esimda. Fevral oyida yangi guruhlar ochiladi, nasib qilsa.

G’araz

Arab tilida “غَرَضٌ” so’zi “maqsad”, “qiziqish” kabi ma’nolarni bildiradi. O’zbek tilining izohli lug’atida esa “g’arazli” so’ziga quyidagicha ta’rif berilgan:

“G’arazi bor, yomon maqsad ko’zda tutilgan”.

Ma’raka

Arab tilidagi مَعْرَكَةٌ, ya’ni ma’raka so’zi xalq orasida “marosim”, “yig’in” ma’nolarida keng qo’llaniladi. Arab tilidagi ma’nosi esa “jang”, “urush” hisoblanadi. O’zbek tilining izohli lug’atida bu so’zning 3 xil ma’nosi yozilgan:

1. Motam marosimlarining yig’indisi va ularning har biri.
2. To’y, tomosha va shu kabilar munosabati bilan o’tkaziladigan yig’in, marosim.
3. Jang maydoni, jang.

Qizlar, shu kunlarda admin akkauntga ham, botga ham o’zim qarayapman. Barcha murojaat qilganlarga kechroq javob beraman. Ungacha kurs haqidagi kanalda berilgan ma’lumotlar bilan tanishib chiqishingizni iltimos qilaman. Murojaatingizda qaysi kursda o’qimoqchiligingizni aniq ko’rsating. Hozir qabul ochiq kurslar haqida yana bir qisqa ma’lumot qoldiraman:

🌙“Arabic from Alif” — “arab tilida nolman” deganlar uchun.
Boshlanadi: 16-dekabr
Narxi: 270 ming
To’liq ma’lumot: https://t.me/c/1560658029/2322
Sinov darsi uchun: @Vajhulqomar_admin

🌙Boshlang’ich arab tili A1 — arab tilida erkin o’qiy oladigan va yozadiganlar uchun.
Boshlanadi: 16-dekabr
Narxi: 370 ming
To’liq ma’lumot: https://t.me/c/1560658029/2360
Sinov darsi uchun: @Vajhulqomar_admin

🌙Davom ettiruvchi A2 — boshlang’ich grammatikadan xabardor, bazaviy so’z boyligiga ega talabalar uchun.
Boshlanadi: tez kunda
Narxi: 440 ming
To’liq ma’lumot: https://t.me/c/1560658029/2348
Sinov darsi uchun: @Vajhulqomar_admin

Biroz vaqt avval turmush o’rtog’imga xafa bo’lib aytgandim: “Nega mening ishlarimga aralashaverishadi, men ularnikiga qiziqmayman hamku”. Hozir darslarni kanspekt qilib o’tirgandim zo’r gap keldi.

Yana Gulnoza Saidovadan iqtibos:

“Ichkaridan o’zini nazoratga olgan odamda tashqaridan boshqalarni nazorat qilish kamayadi”.

Hayotimizdagi har bir hodisa bizga saboq bo’lishi uchun sodir bo’ladi. Xafa bo’lgan insonlarim orqali tushundimki, o’zimizni isloh qilish bilan band bo’lganimizda boshqalarning dilini og’ritishdan, ortiqcha gap-so’zdan, ayniqsa, g’iybatdan xalos bo’lamiz ekan.

Fuqaro va miskinlar

Arab tilida yuqoridagi ikki so’zni ham “kambag’al” ma’nosida ishlatamiz.
◽️مِسكِينٌ — مَسَاكِينُ
◾️فَقِيرٌ — فُقَرَاءُ

Ma’lumki, arab tilida bir xil ma’noda ishlatiladigan so’zlar o’rtasida ham albatta nozik farq bo’ladi. Bu so’zlardagi farq esa shunda:

◽️Bunday shaxsda pul ishlab topish manbayi mavjud, daromadi bor lekin sarf-xarajatlari ancha ko’p, ularga yetkazish esa qiyin.

◾️Bu so’zni esa pul topish manbayi yo’q bo’lgan, juda nochor insonlarga ishlatish mumkin.

Endi ikkala so’zning ham Qur’onda kelishiga nazar solaylik:

{أَمَّا السَّفِينَةُ فَكَانَتْ لِمَسَاكِينَ يَعْمَلُونَ فِي الْبَحْرِ}
“Kemaga kelsak, u dengizda ishlaydigan miskinlarniki edi” (18:79)

Ya’ni ularning daromad manbayi — kemasi bor, lekin undan keladigan foyda juda kam.

{إِنَّمَا الصَّدَقَاتُ لِلْفُقَرَاءِ وَالْمَسَاكِينِ}
“Albatta, sadaqalar faqirlarga, miskinlarga” (9:60)

Bu oyatda esa “faqirlar” so’zi “miskinlar” ga nisbatan oldinga chiqarilgan. Sadaqa ko’proq muhtoj bo’lganlar faqirlar emasmi?

#arabic_is_magic 🤍
#arabic