Har bir ayolning ichida bitta Najiya yashashi kerak!)
Shayx Rog'ib ayoli bilan ajrashmoqchi boʻlganida, birinchi marta unga
—"ota-onangni uyiga ket!" dedi.
Najiya esa;
—"Men hech qachon ota onamning uyiga qaytmayman, va bu uydan tirik chiqmayman!" deb javob berdi.
Shayx:
—"Men seni javobingni berdim, menga kerak emassan, ket uyimdan!" dedi.
Najiya:
—"Ketmayman! İdda vaqtim tugamaguncha, meni haydashga haqqingiz yoʻq va siz meni taʼminlashingiz kerak!" dedi.
Shayx:
—"Bu hudbinlik, behayolik va qoʻpollik!" dedi.
Najiya:
—"Men sizni Allohning soʻzlaridan kam darajada jazolamayman" dedi va
Ey Nabiy! Agar ayollarni taloq qiladigan boʻlsangiz, iddalari uchun qiling va iddani hisoblang va Allohga taqvo qiling. Ularni uylaridan chiqarmanglar va oʻzlari ham chiqmasinlar, illo, ochiq-oydin fohisha ish qilgan boʻlsalar (chiqarilurlar). Va ana shu narsalar Allohning chegaralaridir. Kim Allohning chegarasidan chiqsa, haqiqatda oʻzi oʻziga zulm qilibdi. Sen bilmayssan, shoyadki Alloh undan keyin biror ishni paydo qilsa.
oyatlarini oʻqidi.
[Taloq surasi, 1-oyat]
Shunda shayx, chakmonini jaxl bilan qoqib, teskari qarab oldi.
Najiya esa, tabassum qildi va hech narsa boʻlmagandek oʻzini qoʻlga olib, har kuni atayin, uyni yoqimli iforga toʻldirar, eng goʻzal liboslarini kiyar, mushki anbarlarga burkanar edi.
Eri uyga kirib chiqsa, uning qarshisiga oʻtirib olardi.
Shayx besh kun ham sabr qilolmay, ayoliga qaytmoqchi boʻldi.
Kunlarning birida, Najiya nonushtani tayyorlashda biroz kech qoldi, shayx esa, jaxl bilan:
—"Bu vazifalaringga va mening haqlarimga nisbatan masʼuliyatsizlik, bu muslima ayolga toʻgʻri kelmaydi!" dedi.
Najiya:
—"Dini bir boʻlgan birodaringiz uchun, 70 ta hayrli sabab qidiring, inson haqida yaxshi gumonda boʻlish, insondagi eng yaxshi sifatlardan biridir, bu qalb sokin va pokizaligidan darakdir.
Kim insonlar haqida yaxshi gumonda boʻlsa, ularning muhabbatiga erishadi!" deb javob berdi.
Shayx:
—"Bu gaplar sening masʼuliyatsizligingni oqlamaydi, nahotki men nonushta qilmay chiqib ketishimga rozi boʻlsang?" dedi.
Najiya:
—"Mo'minning eng yaxshi sifatlardan biri–Alloh berganiga qanoat qilishdir, garchi u juda oz boʻlsa ham!
Rosululloh sollallohu alayhi vasallam;
İslomni qabul qilib, Alloh berganiga rozi boʻlgan kishi saodatdadir deganlar" deb javob qaytardi.
Shayx:
—"Men hech narsa yemayman!" dedi.
Najiya:
—"Siz hali ham, saboq olmapsiz" dedi, shayx ayolining gaplariga eʼtibor bermay, uyidan gʻazabda chiqib ketdi.
Uyga qaytgach ham, ayoli bilan gaplashmadi.
Tunda esa, alohida yerga joy solib yotdi.
Shu holat 10 kechayu, 10 kunduz davom etdi.
Ayoli kunduzi unga ovqat pishirib, uy ishlari bilan mashgʻul boʻlar, tunda esa, ziynatlanib, xushboʻylanib, biror ogʻiz gapirmay, uxlashga yotar edi.
11 chi kechada, shayx odatdagidek yerga joy solib yotdi va hech qancha vaqt oʻtmay yotoqqa chiqib oldi.
Najiya kulib yubordi va:
—"Nega tepaga chiqib oldingiz?" debdi.
Shayx:
—"Yiqilib tushdim" dermish.
Najiya:
—"Ammo, odatda tepadan pastga yiqilib tushishadi, pastdan yuqoriga yiqilib tushish mumkinligini eshitmagandim" debdi.
Shayx tabassum qilib:
—"Yotoq ustidagi magnit yerning tortish kuchidan koʻra kuchliroq ekan" debdi.
Biroz oʻtgach quvonch bilan:
"Agar hamma ayollar sen kabi boʻlganida edi ey Najiya, erkaklar ulardan ajrashmas edilar va uydagi muammolar esa, tez yechim topardi.
Sen menga Allohni rozi qilishimda katta koʻmakchi boʻlding ey Najiya, Alloh seni eng ulugʻ ajrlar bilan siylasin va bizni hech qachon ayirmasin" dermish.
***
Bu hikoyadan keyin o'zimizning holimiz ko'z oldimga keldi..
Bizga juftimiz ket deyishi ham shartmas, araz va gina bizning qoidamizga aylanib qolgandek go'yo. Bir nima bo'lsa, ketamanga tushib olish, kunlab gaplashmaslik, ayollik vazifasini bajarmaslik..
Vallohi, Allohga bo'lgan muhabbat barcha narsadan ustun.
Agar biz ayollar, haqiqatan ham Allohning rizoligini istasak, bizning g'ururimizni hech narsa sindirolmaydi.
Hikoyaning qahramoni Najiyada g'urur bo'lmagan deysizmi?
Bo'lgan, ammo u ko'proq Allohga oshiq edi..
Allohim barchamizga Najiyadek fahm farosat bersin..)
©Farohun
©Saabilah
