Ummu Zaynab

private channel

Channel's geo and language: Uzbekistan, Uzbek

Category: Blogs

Murojaat uchun : @ummu_zaynab_bot

Related channels

Channel's geo and language

Uzbekistan, Uzbek

Ummu Zaynab

15 Feb, 15:09

Forward from: Tanal arabic (Tayyorlov kursi) التنال العربي

Assalomu alaykum! 🎀

Eslatib o’tamiz, arab tili gramatika kurslarimiz endi (uzoq kutuvlardan so’ng) bolalar uchun ham guruh ochmoqda💐

👩‍👦‍👦. ➿Tanal bolajon➿ guruhi:

✅ 9-13 yoshdagi
✅harf tanib, o’qiy oladigan
✅arab tilini o’rganishga qiziqadigan
✅uy vazifalarini bajaradigan...

👧xullas... aynan sizning tirishqoq bolajoningiz uchun!

✉️Darslar haftadada ikki marotaba bo’ladi [boshlanishiga harflar ham takrorlab ketiladi va gramatika o’tiladi (fonetika emas)]

💻Ertaga Yakshanba kuni (16.02) kechki vaqt birinchi sinov darsi bo’ladi, bolajonlarimizni darsga taklif qilamiz!

Unutmang, ilm olish va yaxshi odatlarni shakllantirib borishning hozir ayni vaqti !🌷
Ramazonni qo’ldan boy bermang …

Murojaat uchun @tanal_admin
Guruh: https://t.me/+nG-ACdi6qRIzYzRi

Tanal bolajon

Tanal U invites you to join this group on Telegram.

1.3k 0 8 10

Ummu Zaynab

15 Feb, 12:30

Bugun Zaynab bilan 4 soat ko'chada yurdik. 3, 4 ta ishimizni bitirdik.
Katta qiz bo'lib qoldi deb, oyda 1 marta aylantirib kelaman bir o'zini.
Dildan suhbat quramiz, bolalik, kelajak haqida gaplashamiz.
Mendan, yoshligingizda kim bo'lishni orzu qilardingiz, deb so'radi.
Men esa, qondan qo'rqmaysanmi, jarroh bo'la olaman deb o'ylaysanmi, deb so'radim.
Jarroh bo'lolmasam kerak, qondan qo'rqqanimdan emas, xato qilib, kimnidir hayotini tugatib qo'yishdan qo'rqqanimdan, dedi.
Hayotlar faqat xatolar sabab tugamaydi, Allohni yozgani bo'ladi. Sen qo'lingdan kelgan eng yaxshisini qilsang-u, shundayam bemor vafot etsa, bu xato hisoblanmaydi.
Hamma xato qilishdan qo'rqadigan bo'lsa, dunyoda jarrohlar yetishib chiqmasa, yanada ko'proq hayotlar erta tugab qolmaydimi dedim.
O'ylanib qoldi...

Siz meni o'rnimda nima degan bo'lardingiz ?

1.9k 0 12 36 211

Ummu Zaynab

15 Feb, 08:31

Kecha Abdulbosit juda chiroyli tabiat manzarasini chizib, bu qayer, toping aya, deb kelibdi. Rasmda yashilliklar, tog'lar, bulutlar, gullar, daryolar bor.
Tog' desam, yo'q dedi.
O'rmon desam, yana yo'q dedi.
Tabiat desam, yana yo'q dedi.
Teparoqqa chiqing, deyaveradi tinmay.
Everestmikin, debam o'yladim.
Oxiri topolmay, o'zing aytaqol dedim.
Jannat-ku, shuniyam bilmaysizmi deydi. Uzr-a, bilmay qolibman, dedim.
Jannatni chizgan bolam, tasavvurlaringdan aylanay.

2k 0 0 9 311

Ummu Zaynab

14 Feb, 15:58

Yoshligimizda bir xolam bo'lardilar, hafta oxirlari biznikiga qarashgani kelib turadigan.
Issiqligidan tutuni chiqib turgan kir tog'orada kir yuvardilar.
Chovgumdagi suv qaynasa, sochiqsiz ushlab quyib olardilar.
Qo'llarida tilingan, shilingan izlar bo'lardi, lekin shu holatda ham juda tez ish qilardilar.

Bu ayolni qo'li temirdanmi, qanday qaynoq suvga qo'l solyaptilar ekan, deb hayron bo'lib kuzatardim.
Bir kuni so'radim, xola, qo'lingiz qaynoq suvda kuymaydimi, nega sochiq va qo'lqop ishlatmaysiz, deb.
Kuymaydi, bu qo'llar mehnatda qotgan, sen issiq deyotganing, men uchun iliq, dedilar.
Rosa hayron bo'ldim, o'zimcha ulardek choy damlamoqchi bo'ldim, qo'lim kuydi. Ulardek yara qo'lim bilan kir yuvgandim, voy-voylab butun uyni boshimga ko'tardim.
Xullas, issiq suv bilan bevosita ishlashlari siri, sirligicha bolaligimda qolib ketdi.

Kecha choy damlab tursam, Zaynab savol beryapti: aya, choy damlaganingizda, nega sochiq ishlatmaysiz ? Qo'lingiz kuymaydimi ? Men sochiqsiz damlolmaymanku ?

Yigirma yil avvalgi javobsiz savolimga, bir zumda javob topdim. Xayolan xolamni yonlariga, bolaligimga, o'sha iliqqina ota uyimga borib qaytdim.
Mehnat qilgan qo'llar kuymaydi, sen ham mendek bo'lsang, qo'ling kuymaydigan bo'ladi, deb Zaynabga ham javob berib qo'ydim. Tushunmadi, yuzimga qarab kulib qo'ydi.

Kechagina bola edim, mehnatda qotgan qo'lni nimaligini ham tushunmaydigan.
Bugun esa onaman, bu narsani farzandiga tushuntirayotgan.
Qachon, qayerda ulg'aydim bilmayman. Ammo ulg'ayibman.

Ummu Zaynab

2.4k 0 18 10 343

Ummu Zaynab

14 Feb, 08:49

Agar sizga semiz lab yarashganida, Alloh sizni o'sha lab bilan yaratardi.
Agar sizga qalin qosh yarashganida, Alloh sizni o'sha qosh bilan yaratardi.
Agar sizga kichik burun yarashganida, Alloh sizni o'sha burun bilan yaratardi.
Agar sizga qiyiq ko'z yarashganida, Alloh sizni o'sha ko'z bilan yaratardi.

Alloh, siz-u biz bilmaydigan narsalarni biladi. Alloh adashmaydi, xato qilmaydi. Koinotni o'lchov bilan yaratgan buyuk Zot, sizni tanangizdagi a'zolarda xato qilishi mumkinmi ?
Albatta, yo'q.

Sizning yuzingizda, tanangizda olib borilayotgan o'zgarishlar sizga yarashganida edi, ishoning, siz onangizni qornidan shunday tug'ilgan bo'lardingiz. Chunki Alloh biladi, biz bilmaymiz. Chunki Alloh xato qilmaydi, biz qilamiz.

Batahqiq, Biz insonni eng yaxshi suratda yaratdik. 95:4

Ummu Zaynab

3.4k 1 155 8 337

Ummu Zaynab

13 Feb, 08:57

Bu o'yinchoqni, 2017- yil boshida Saidaxonga deb Dubaydan olib kelgandilar. Sakkiz yil bo'libdi.
Qayerga borsa ko'tarib yuradi, hech usiz uxlamaydi.
Samalyotda uchsa ham, qo'lidagi sumka ichida albatta ushbu morj bo'ladi.
O'tgan kuni aytib qoldi, aya, shu o'yinchog'im 8 yosh bo'ldi, men bilan 8 yil yashadi. Menimcha, umrimni oxirigacha men bilan qolsa kerak, deb.

Abdulbositga dunyoni o'yinchog'ini olib berganmiz, birortasini shunaqa avaylab, asramaydi. Qaysi birini, kim olib berganini ham eslolmasa kerak.
Qiz va o'g'il farzandning orasidagi nozik farq ham aynan shu yerda.
Qizlar qalbi bilan, yigitlar aqli bilan harakat qiladi.
Qizlar, otasidan olgan buyumga, esdalik deb qaraydi.
Yigitlar esa, o'ynash kerak bo'lgan buyum deb.

Ummu Zaynab

2.8k 0 20 37 289

Ummu Zaynab

12 Feb, 18:24

2 soatcha avval, ikta qiz tepishib yotgan ekan. Taekwandoga borganidan beri, oyoq bilan gaplashadigan bo'lib qolishgan.
Sparing tushyapti shekilli, deb indamadim.
Bir qarasam kulgan ovoz kelyapti, yaxshilab eshitsam, yig'layotgan ekan ikkalasiyam.
Kirsam, bir-biriga chirmashib ketgan, ajratolmadimam.
Xullas, bular urushishayotgan ekan.
Ikkalasiyam bir-birini bo'ynidanmi, sochidanmi ushavolgan, shunga yig'layapti.
Davleniyam chiqib ketdi-da, qaysi birinidir qo'liga urdim, qo'yvorishi uchun (qattiq emas). Keyin ajralishgandi, Saidaxonga urganimni bilib, Zaynabniyam qo'liga uraqoldim, adolat qilib.
Ikkalang ham alohida xonaga kirib o'tiringlar, deb chiqib ketdim.

Hozir qarasam, ikkalasi hangoma qilib, hiringlab, mazza qilib gaplashishyapti xonalarida.
Shunda hozir men, bekorga qizlarimni urib, ularni hayolida katta travma yaratganimcha qolib ketdimmi, deb o'tiribman.

Opa-singil urishi, doka ro'mol qurishi. )))

2.9k 0 6 25 322

Ummu Zaynab

9 Feb, 12:31

Rangim qoracharoq bo'lgani uchun, ba'zan, nega men qoraman, uyimizda hamma oqku, derdim buvimga.
Agar oq bo'lganingda edi, juda go'zal bo'lib ketarding. Odamlar ko'zini ololmasdi, keyin ko'z tegib, kasal bo'larding. Alloh buni bilgani uchun, seni biroz to'qroq rangda yaratgan, go'zalligingni shunday qilib yashirgan-da, degandilar.
Menam bu gaplarga laqqa tushib, oq bo'lsam, ko'z tegib ketarkan, deb o'zimga o'zim xursand bo'lib yurganman ancha vaqt.

Psixologiyani insonga ta'sirini qarang, bir so'z bilan oyog'ingiz yerdan uziladi, bir so'z bilan esa, osmondan yerga tushasiz.
Shuning uchun aytaman, diningizni yaxshi bilmay turib, psixologiyaga kirib ketmang, deb.
Hamma aytilgan gapni to'g'ridan to'g'ri qabul qilmaslik, ma'joziy ma'nosida tushunish uchun ham ilm kerak.

Bo'lmasa, o'zingni sev desa, turmushini buzvoradiganlar;
Sen hech narsaga majbur emassan desa, qaynona qaynotani qarovsiz qoldiradiganlar;
Rasm chizsang pul keladi desa, kunu-tun rasmdan pul tug'ilishini kutib turadiganlar soni ko'payeveradi.

Ummu Zaynab

5k 0 29 40 313

Ummu Zaynab

8 Feb, 13:46

Kecha bolalardan bittalab so'rab chiqdim, eng ko'p kimdan qo'rqasan, deb.

Zaynab: sizdan, lekin negaligini bilmayman.
Saidaxon: adamdan.
Abdulbosit: adamdan, chunki remen bilan uradilar.

Zaynabni javobi rosa o'ylantirdi. Sizdan qo'rqaman, lekin sababini bilmayman, deyapti. Chunki qatiqqo'l emasman, urmayman, ko'pam tergamayman ham.
O'ziyam biladi.
Sababini o'zi bilmasa ham, men bildim, biram vijdonim qiynaldi.
Birinchi farzand bo'lgani uchun, og'ir kunlarimdagi asabiy holatlarimga guvoh bo'lgan. O'sha vaqtlarda, alamimni bilib-bilmay undan ham olganman.
O'zi eslolmaydi, ammo tanasini, zehnini xotirasida qolib ketgan ekan.
Katta farzandlarga doim qiyin, ayb onalarda ham emas, vaziyatlarda bo'lsa kerak. Bizni uydayam eng ko'p men kaltak yerdim, ayamgayam oson bo'lmaganini, juda yaxshi tushunaman.
Nega meni urardingiz, deb savol berganimda, bilmayman, degandilar ayam ham.

Har qanday vaziyat bo'lmasin, alamingizni bolalardan olmang. Kuchingiz faqat ularga yetgani uchungina ularga baqirmang. Bu ham zulm, unutilmaydiganidan.

Ummu Zaynab

5k 0 59 11 340

Ummu Zaynab

8 Feb, 12:46

Sulton Ahmad va Aya Sofya masjidi.
Uch yildan beri, birinchi marta kechqurun bordim. Go'zallikdan ko'zim quvnadi.
Sizga ham ilindim.

3k 0 10 12 110

Ummu Zaynab

7 Feb, 13:39

Zaynab sabzavot yaxshi ko'rmaydi. Oxirgi vaqtlar majburlayapman, yemasang nimjon bo'lib qolasan, bular vitamin, deb.

Bir kun ovqatlanib o'tirsak, falon narsani yesam bo'ladimi, deb so'rab qoldi. Nega so'raysan, yeyaver, yeyishga qo'yilgan-u desam, hozir yesam, oldin salat yeb ol, demaysizmi deyapti.

Men sanga qachon shunaqa dedim, shunchaki foydali ma'lumot aytdim, uyam bo'lsa, seni foydang uchun, salomatliging uchun desam, uch marta aytdiz, shunga so'rayapman, deydi.
Qachon aytganimni ham sanab berdi.
Biz ekanda, kunda ayamizdan kaltak yesak ham sanamagan, salat ye deganimni sanab yurgan bo'lsang, biz nima deylik endi, dedim menam.

O'ziyam xijolat bo'ldi shekilli, darrov tuzatishga tushib ketdi: siz ko'p kaltak yegan bo'lganizga sanamagansiz, agar kamroq yeganizda, sanardiz. Sanash mumkin bo'lgan narsalar sanaladi. Demak, siz meni kam urushasiz, shunga sanalib qolgan deb tushunsayiz bo'ladi, deydi.

Rostdanam, ovqatlanayotib 2 burda non yedim deymiz, lekin 100 ta guruch, 70 ta mosh yedim demaymizu, mayli, kechirdim devordim.

Bolalar katta bo'lgan sari, ajoyib gaplar gapirib qolishadi. Bu so'zlarni qachon, kimdan o'rgangan ekan-a bolam, deb anqayib turgunimcha, yana g'izillabgina keyingi yil kelib qolyapti. Qariyapmiz...

Ummu Zaynab

3.7k 0 5 10 267

Ummu Zaynab

6 Feb, 11:22

Online do'konlardan topolmagandim.
Jiyanim topib, men uchun olibdi.
Judayam xursand bo'ldim.
Meni sevintirgani uchun, Alloh uni doim suyuntirsin, ajrini ko'p-ko'p qilib bersin.

3.4k 0 1 9 121

Ummu Zaynab

4 Feb, 14:11

Farzandlaringiz kitobni yaxshi ko'rishlari uchun, siz ham kitoblarni yaxshi ko'ring.
Farzandlaringiz gadjetlardan uzoq turishlari uchun, siz ham uzoq turing.
Farzandlaringiz ijtimoiy tarmoqqa qiziqmasliklari uchun, siz ham qiziqmang.

Farzandim kitobga qiziqmaydi, meni bolam o'qimaydi-da, deb yozganlarga, menam savol bergim keladi:

Siz qancha vaqt oralig'ida yangi kitob olib o'qiysiz ?
O'qigan kitobingizdan olgan yangi ko'nikmalaringizni, uyda kim bilan bo'lishasiz ?
Uyda soatlarcha kitoblardan, yangi bilimlardan gaplasha oladigan yaqiningiz bormi ?
Uyda sizni tinglashadimi ?
Sizchi ? Farzandlaringizni tinglaysizmi ?
Kitobga muhabbatli bo'lishlari uchun, kitob sotib olib berishdan, o'qi deyishdan boshqa, yana qanday tashabbuslar bilan chiqqansiz ?
Kitob o'qishlari, sizga nima uchun kerak ?
Kitob o'qimaslikning oqibati, kelajakda nimalarga olib keladi, deb o'ylaysiz ?
Oxirgi savolim, uyingizda, aynan sizga tegishli nechta kitob bor ?

Ummu Zaynab

5k 1 67 13 141

Ummu Zaynab

3 Feb, 13:06

Ilonga bir yil asal ichirishibdi, baribir zahar qusibdi.
Xoin inson xoindir, nonko'r inson no'nko'rdir.
Berganlaringiz bilan o'zgartirolmaysiz, o'zingizni qiynamang.

Ummu Zaynab

4.6k 0 60 10 226

Ummu Zaynab

2 Feb, 07:45

Bursa/Ulucamii

3.7k 0 0 3 110

Ummu Zaynab

1 Feb, 16:25

00:12

Video is unavailable for watching

Show in Telegram

Buniyam sizlarga ilindim.

Uludag'

4k 0 11 14 124

Ummu Zaynab

1 Feb, 16:21

Men Bursani ajoyib yoqtirdim. O'zimni Toshkentdaman deb o'ylayapman. Insonlari ham istarali, o'zbeklardek.
Ketgim ham kelmay qoldi.
Uydagilarga bu gaplarimni aytsam, mengayam shunaqa tuyildi, hatto mehmonxonada osh bersa-ya, deb hayol ham qildim deyishdi.
Sharqona odob tirik shahar ekan, yoqimli.

3.6k 0 6

17 last posts shown.