Ba'zan kopirayting bo'yicha vakansiya ko'rsam, portfolio tashlab turaman. Bugun shunday e'lon ko‘rib, yozdim. Odatda bunday vaqtlarda imloga e’tibor beraman, chunki murojaatdayoq yaxshi taassurot qoldirish muhim.

Bir vaqt ish beruvchidan javob keldi: "Boshqa kishini olib bo'ldik. Yozganingizda xato bor ekan. E’tiborli bo‘lsangiz yaxshi bo‘lardi." Tezda xabarimga qaradim, "bo‘Yicha" o‘rniga "bo‘Gicha" deb yuborganimni ko‘rdim. Ichimda "Ha, e’tiborsizlik qilibmanda" deb qo'ydim.

Lekin qiziqib, ish beruvchining Blogini ochib ko‘rsam, o‘z postlarida imloviy xatolar judayaaam ko‘p ekan. Avval maslahatini to‘g‘ri qabul qilgandim, lekin shundan keyin biroz jahlim chiqdi...

Xulosa: Insonlarga boshqalarning kichik xatolari yarq etib ko'rinadi. O'ziniki afsuski, doim ham ko'rinmaydi!