Bugungi gurunglar

#kundalik

Sen uchun Vaqt to'xtab qolgandaymi? Unda bir yilda qilishing kerak bo'lgan muhim ishlaring va maqsadli rejalaringni tuz! O'shanda vaqtning qanchalar shiddat bilan ayovsiz o'tib borayotganini his etasan.

✍ @kopirayter_xonasi

Yomon xulq-atvor(xarakter)ni ko‘rish oson.

Yaxshisini ko‘rish qiyin.

Sababi, yaxshi xulq asosan qilinmagan ishlardan iborat.

Qilinmagan g‘iybat, xo‘mraymagan chehra, aytilmagan so‘kish, qaralmagan nazar…

Buning ustiga ular “mening fe’lim chiroyli” deb yurmaydi ham.

Demak, chiroyli fe’llik odamlar kamligidan tashqari, ularni sezib olish ham qiyin.

Bundan 2 ta xulosa shuki:

Yaxshi fe’llik deb o‘ylagan odamlarimiz, biz o‘ylagandan yaxshiroq bo‘lishi ehtimoli yuqori.

Shundaylarni topganlarning vazifasi – qo‘yib yubormaslik bo‘ladi.

✍ Manba: Aziz Rahimov blogidan olindi!

📚 Oxirgi marta qaysi kitobni o'qidingiz?

Javobingiz men uchun qiziq ⬇️

Xayrli kun, yaxshilar!
Boshlangan kuningiz xayli o'tsin ❤️

Bugun biz ertalabki odatlar haqida gaplashamiz. Chunki bular kun davomida sizga samaradorlikni ta'minlab beradi, tanangiz va ruhingizni tetiklashtiradi! 🧘‍♀

Qani ketdik! ⬇️

✍ Kopirayterlikka qanday kirib keldim?

Har bir yo‘l qandaydir bir sabab bilan boshlanadi. Mening kopirayterlikka kirib kelishimga dekretdagi kunlarim sababchi qildi. Ustozim E’zozxonning kanalini bir yildan ziyod vaqtdan buyon kuzatib yurardim. Undagi postlar, #Alhamdulillah heshtegidagi o‘quvchilar hikoyalari meni o'ziga tortardi. Ammo kursga yozilishdan qo‘rqardim: “Ish topa olamanmi? Eplab ketamanmi?” - degan ikkilanishlar bor edi. Lekin "dekret" bu ikkilanishlardan ustun keldi 😊

Kopirayterlikkacha o'zimni uyda o'tirib ishlash mumkin bo'lgan Onlayn savdo va boshqa sohalarda ham sinab ko‘rmoqchi bo‘ldim, lekin qiziqishim yo'qligi va fe'limdagi tortinchoqlik sababli bularni qila olishimga ko'zim yetmasdi. Va nihoyat, E’zozxonning foydali postlari va “Alhamdulillah” heshtegi menga kuch berdi.

Kursga yozildim va shuni angladimki, bu qarorim men uchun eng to‘g‘risi bo'lgan. Darslarda o‘rganganlarim kutganimdan ham ortiq bo‘ldi. Kopirayterlik endi nafaqat mening ishim, balki sevimli mashg‘ulotimga aylandi.

✅ Siz ham hozir biror yangi sohani o‘rganmoqchisiz-u, lekin ikkilanayotgan bo‘lsangiz, kechiktirmang! O'zingizni sinab ko‘ring! Balki muvaffaqiyat qozonarsiz, balki yo‘q, lekin bir kun: “Nega urinib ko‘rmadim?” – deb afsuslanmasligingiz aniq.

❓Xo'sh, siz ayni paytda qanday sohani o‘rganishni istaysiz?

⬇️ Izohda yozib qoldiring!

Buni hech o'ylab ko'rmagan edim...

Institutda filologiya fakultetida o'qiganligimiz uchun tez-tez shoir, yozuvchilar bilan uchrashuvlar uyushtirilar edi. Shunday uchrashuvning birida yozuvchiga kitobi haqidagi savol berildi. Savolni eslolmayman, ammo kitob nomi meni qiziqtirdi. Nega shunday nom, nima haqida ekan kabi savollar ichimga chuvalangan ilonday tushdi-yu albatta, o'qiyman dedim.

Ammo dangasa tomirim tortdimi, ishqilib o'zimga bergan mutolaa va'dasi bajarilmadi. Yillar o'tdi, institutni bittirdim. Alloh oq yo'l berib yana bir bor talaba bo'ldim! Endi adabiyotshunoslik yo'nalishida edim. Bir qattiqqo'l domla o'qishimiz kerak bo'lgab kitoblar ro'yxatini berdi.

Ro'yxatga qaradim-u "va'daning vaqti kelibdi" deb kulib qo'ydim. Eng avval o'sha kitobdan boshladim. Muqovadagi "Muvozanat" nomi meni hali ham o'ziga tortardi. Kitobni ikki kunda o'qib chiqdim! Ammo kitobning yarmida bir voqeada yig'i kelavergani uchun bir kun qo'limga ololmadim. Uchinchi kunda kitob tugatildi.

Endi anglagandim, nega "Muvozanat", nimaning muvozanati u. Kitobdan tushundimki, hayotimizda barcha narsada muvozanatni ushlash lozim — munosabatda, bilimda, pulda, kamtarlikda xatto diniy qarashlarda ham. Asarda uchta hayotidagi "oltin o'rtalik"ni ushlolmagan insonlar taqdiri ko'rsatib berilgan edi. "Insonni o'z hayotining muvozanati haqida o'ylantiradigan, ko'zgu tutadigan asarni nega shu paytgacha o'qimadim" deya o'zimni koyib ham qo'ydim.

📒 Agar siz ham mendek vaqtni orqaga suryotgan bo'lsangiz, Ulug'bek Hamdamning "Muvozanat" asarini bugunoq boshlang. Ishoning, ketgan vaqtingizga achinmaysiz! Ha aytgancha, asaxiy.uz da bu kitobni bir kunda qo'lingizga olishingiz mumkin. Bu mendek, yillarni boy bermasligingiz uchun imkoniyat!

To'g'ri tanlovni hoziroq amalga oshiring:
🔗 asaxiy.uz

Kopiraytingga endi kirganlar yo'l qo'yadigan 3 ta xato

Kopirayting sohasiga yangi kirib keldingiz va bu kasbda eng yaxshilaridan bo'lishni istaysiz. Siz o'zingizdagi bu 3 xatoni tog'rilamay yaxshi kopirayter bo'lishni kutmang!

1⃣ Sarlavhani noto'g'ri tanlash

Sarlavha matn o'qilishini 70 foizga ta'minlovchi vosita. Agar sarlavhangiz qiziqarli va e'tiborni jalb qiluvchi bo'lmasa, matnga bir kitob mazmunini singdirsangiz ham foydasi yo'q. Va, albatta, sarlavha matn mazmuniga mos bo'lishi lozim: Sarlavha Alining bog'idan, matn Valining tog'idan bo'lmasin.

2⃣ Matnda foydani emas, xususiyatni keltirish

Auditoriya sizdan mahsulotni emas, foydani sotib oladi. Matnda ming mahsulotni tanishtirsangiz-u undan keladigan foydani keltirmasangiz, matningizdan hech qanday qiymat kutmang.

3⃣ Mazmun emas shaklga e'tibor qaratish

Matningiz birinchi o'rinda mazmunni, maqsadni ochib bersin. Mayli u AIDA, ODC, PMHS yo boshqa formulada yozilmasin, qisqa yoki uzun hajmda bo'lsin, muhimi auditoriya kutgan narsani bera olsin.

🌝 Xo'sh, bu ma'lumotlar siz uchun foydali bo'ldimi?
Unda 🔥 chani bosishni unutmang!

Kim aybdor? 🤷‍♀️

Hech o'ylab ko'rganmisiz? Boshimizga tushadigan salbiy holatlarda nega birinchi shu vaziyatdan chiqish yo'lini emas, aybdorni izlashga tushamiz?
Masalan, hozir moddiy tomondan qiynalyapsiz, ruhiy siqilgansiz, o'zingizni keraksiz, foydasiz insondek his qilyapsiz. Ammo siz biror harakat qilmasdan vaqtingizni "qaniydi shunday bo'lganda, bundoq qilib yuborardim" degan o'yga sarflayapsiz.

✋️ Holatingiz aybdorlari va qulay sharoit izlashni bas qiling. Yechimni izlang! Yechim esa faqat o'zingiz. Maslahatgo'y yaqinlaringiz, 10 varaq kamchiligingizni yozdiradigan psixolog, puldor bo'lishi kerak deb hisoblanadigan er ham emas, sizsiz yechim!

Rivojlaning, o'z ustingizda ishlang, qiziqish, qobilyatlaringizni aniqlang, zamonaviy kasblarni o'rganing. Hozir texnologiyalar asri: uyda o'tirib, chang bosgan diplomsiz ham rivojlanish, daromad qilish mumkin.

Chatlashganda "qiyqiriq" so'zlar, kreativ gaplar bilan "yorib" tashlaysiz, instagramda video tomosha qilasiz, "vay, rostdan mendayam shunday" deya layk bosib qo'yasiz. Ba'zan sizda ham ajoyib hayotiy g'oyalar paydo bo'ladi: "o'sha holatniyam ko'rsatsa, rosa tomoshapob bo'ladida" deysiz.

💡Mana sizga har kuni vaqt sarflaydigan, o'zingiz ham sezmagan zamonaviy sohaga — kopirayterlikka qobilyatingiz! Faqat buni kopirayting kursida bir oygina o'qib rivojlantirish kerak, xolos. (Agar rostdan rivojlanishni istasangiz!) Qarabsizki, kerakli bilim, doimiy izlanish bilan insonlarga qiymat berib, so'zlarini pullay oladigan kopirayterga aylanasiz!

Bu sizni qiynalgan, hamma ezib tashlagan, tinmay aybdor izlaydigan "jertva" pozitsiyangizdan olib chiqish uchun bir yo'l edi. Bunday yo'llar hayotda eheeee siz o'ylagandan ko'proq!
Ustozim Ezozxon Sarvarovna aytganlaridek:

💯 Rozi bo'lganimizga loyiqmiz!