Oyna, oyna, menga ayt-chi dunyoda eng go'zali kim?

Ertakdagi Oppog'oyning o'gay onasi har safar oynadan dunyoda eng go'zali kim ekanligini so'raganida oyna unga Oppog'oyni ko'rsatishi aslida ramziy tasvir.

Shunchaki ko'pchilik o'z hayotiga bir nazar tashlasa, ehtimol, Oppog'oyning o'gay onasi obrazi o'zi ekanligini anglab qolar.

Oyna bu o'zi bilan yuzlashuvchi odamning motivi, inson o'zi bilan yuzlashganida xayoliga "falonchi mendan omadli, tugunchi mendan baxtli, pismadonchi mendan ko'ra yaxshi hayotda yashaydi" kabi solishtirishlarga to'la fikrlar keladi va odamning ichki oynasi go'yoki undan ko'ra o'zgalar yaxshiroq hayotda yashayotganini tinmay takrorlaydi.

Keyin ko'rolmaslik, hasad, baxtsizlik, to'liqsizlik yoqimsiz ravishda insonning ich-etini qamrab oladi.

Aslida ertakdagi o'gay ona har bir insonda mavjud bo'lgan ichki uchrashuvlarning motivi bo'lsa ajabmas.

Agar odam faqatgina o'zi uchun baxtli, xotirjam yashashni istasa, o'z ichki oynasidagi aksiga boqsin, ichingizdagi oyna Sizga nima haqida gapiryapti, undan dunyodagi eng go'zal kim ekanligini so'raganingizda nima deb javob beryapti?!

Va ehtimol, ichki oynangizga boshqacha savol berish vaqti kelgandir. Ya'ni "Men o'zimning eng yaxshi versiyamni yaratish uchun nima qila olaman?!"

Bu savol bilan ishlab ko'ring‼️

✍@Dilorom_Raimxojayeva