DILOROM RAIMXOJAYEVA - "DIL OROMI"

Hozirgina facebookda kitobxonlar guruhida ko'rib qoldim, qanaqadir samimiy tuyuldi, shunga Sizlarga ham olib keldim.☺️👇

Kitobxon qiz hikoya qiladi...
"Bir yigit bilan internetda tanish qoldim va uzoq vaqt yozishib yurdik. Nihoyat uchrashuv belgilandi. Birinchi uchrashuvimizda u gulsiz, orqasida katta ryukzak ko'targancha keldi. Mayli, har kim o'z qarashlariga ega dedim. Bir oz aylandik, bir oz valaqlashdik, u meni uyimgacha kuzatib qo‘ydi. Uyimga yaqinlashayotganimizni bilganidan so'ng u xijolat tortgancha: "Sizga sovg‘a olib kelgandim," dedi va to‘satdan ryukzakidan "Garri Potter" haqidagi kitoblar bilan to‘ldirilgan paketni chiqaradi. Ma’lum bo‘lishicha, men u bilan yozishmalarimda har doim ushbu kitobni butun seriyasi olishni orzu qilganimni aytgan ekanman, ammo bu kitoblarni olishga hech ham imkon topa olmayotgan edim. U esa bu so'zlarimni hammasini eslab qolgan ekan va shuncha vaqt 8 ta kitobni orqasida ko'tarib yurgan ekan. Ha, do'stlar, bu haqiqiy muhabbat edi..."

P/s: bugun 21:00 da psixologik texnikalar va platsebo haqida jonli efir🌷

Davomi...

Moliyaviy erkin bo'lay desangiz...

✔️Hech qachon nasiya yoki kreditga nafsingiz xohlagan narsani sotib olmang. Nasiya savdo va kredit bu zamonaviy qullik. Farqi shaxslarga emas, banklarga qulsiz. Nimadir olishni istasangiz, pul jamg'arib olishni o'rganing, ham pul yig'ishni, ham teng yarim narxida olib foyda qilishni o'rganasiz.

✔️Oylik daromadingizning bir qismini doimo yig'ib boring, hech bo'lmasa, 10-20%ini va bu pullarga tegmang, qarabsizki, biroz vaqtdan keyin anchagina jamg'armangiz bo'ladi.

✔️Topgan daromadingizdan har oyda hech bo'lmasa, 1% ini ehson qilib turing, bu baraka kaliti. Ehson baraka, sababini bilmayman, lekin unda ilohiy baraka bor.

✔️Betartib pul ishlatsangiz, xarajatlaringizni yozib boring, shunda asta-sekin tartibli ishlatishga o'rganasiz.

✔️Har oyda aniq umumiy xarajatlaringiz bo'ladi, qo'lingizga pul tushganda 1-kapitalingizga ajratib, qolganini xarajatlaringizga bo'lib chiqing.

✔️Orzu, xohish, niyatlaringiz, sayohatlaringiz uchun alohida kichik summada bo'lsa ham, pul jamg'arib boring.

✔️Birinchi o'zingga to'la, qoidasiga amal qiling. Bu kapital uchun sarmoyangizga pul ajratishdir.

✔️Kapitalingiz ma'lum summaga yetganda passiv daromad keltiruvchi biron narsaga sarflang, masalan, yer yo uy yoki mashina olib, ijaraga berish. Natijada har oy passiv daromad kelib turadi. Yer va uy bo'lsa, mulk narxi oshgan sayin boyib boraverasiz.

✔️Tillani taqinchoq shaklida emas, yombi shaklida yig'ing, hozir Markaziy Bank chiqaryapti, uni narxi faqat oshadi.

✔️Nafsingiz xohlaganini qurbingiz yetganida olsangiz, hech kimga qaram bo'lmaysiz. Hech narsasiz qolganingizda ham eng kamida 2 oy yashashingizga yetadigan moliyaviy yostig'ingiz bo'lsin. Mabodo ishingizni yo'qotsangiz ham, qadringizni yo'qotmaysiz.

✔️Pul kelsa, sovurib, xarajatlardan o'zingizni tiyolmasangiz, terapevt bilan maslahatlashing, buning ostida boshqa psixologik sabablar bo'lishi mumkin.

✍@Dilorom_Raimxojayeva

Moliyaviy erkin bo'lay desangiz...

Har doim moliyaviy erkinlik, pulni boshqarish haqidagi kitoblarni o'qib boraman va bir yilda hech bo'lmasa, bir marta moliyaviy erkinlik, pul psixologiyasi bo'yicha kurslarda o'qiyman. Shu vaqtgacha bu bilimlardan faqat va faqat foyda ko'ryapman.

Pul ham munosabatning bir shakli va biz u bilan munosabatimizni yaxshilab borishimiz kerak.

"Mo'jizaviy rivoj" kursimning bir darsini ham aynan shu mavzuga bag'ishlaganman, undan tashqari konsultatsiya va terapiyalarda ham moliya mavzusida o'z aqlim, bilimlarim doirasida tavsiyalar berib ketaman. Har doim bu tavsiyalarim rahmat olib keladi.

Yaqindagina rahbarning ishchisiga qo'pol muomalasiga oid xabarlar internet bo'ylab tarqab ketdi va xodim nega ,ishing boshingdan qolsin, deb ketvormay chidab turganligi ko'pchilikda savol uyg'otdi va javobni ham xalqning o'zi berdi.

Juda ko'pchilik odamlar nasiya, kredit botqog'iga botib qolgan, ishdan ketsa, nasiya va kreditlarini to'lolmaydi, shuning uchun boshliqning urushganini un oshi, so'kkanini so'k oshi deb, chidab yuraverishadi.

Agar moliyaviy savodxonlik va pul bilan munosabatlar yaxshi bo'lsa, odam qul kabi xorlikka chidamasdan har bir joyda qadrini tikka ko'tarib yurgan bo'lardi. (Albatta, boshqa sabablar ham bor)

Bugun sizlar bilan pul va moliya bo'yicha tavsiyalarimni bo'lishmoqchiman.

Davomi birozdan so'ng...

✍@Dilorom_Raimxojayeva

Suqrotning juda zo'r gapi bor ekan:

"Shukr qiladigan nodondan, norozi bo'ladigan dono yaxshi"

Chunki norozi dono nimanidir o'zgartirishga harakat qiladi. Lekin eng yomoni noshukr nodon bo'lsa kerak.

✍@Dilorom_Raimxojayeva

Bugun o'zim haqimda yozaman

Bir necha yillar avvaldan kitob yozishga qiziqib, yozishni boshlab qo'ygandim, keyinchalik fikr-saviya o'sgandan keyin, bu kitoblarni to'xtatgandim.

Uyda bo'lgan vaqtim davomida ham bir nechta kitoblar yozish g'oyasi keldi va yozishni boshladim, hozir 4 ta kitobni boshlab qo'yganman, 5-xayolda, lekin... faqat bittasiga diqqat qaratib, yozolmadim, ustozlarim tavsiyasi bilan ilmiy ishimga alqador mavzudagi kitob yozishga chog'landim, lekin yuragim boshqa mavzularni tanla, dedi, oqibatda hammasi chala...

Qaysi kitobni yozib, tamomlashim haqida qaror qilvolishim kerak. Qaysidir ma'noda hozir men uchun mana shuning o'zi katta psixologik yuk, ba'zan kechalari uxlatmaydigan.

Hozircha bo'sh kunlarimda uyda hech kim bo'lmagan vaqtda bir sahifadan bo'lsa ham, yuragim xohlaganini yozib yurmoqchiman, kitobimga kiradigan materiallarning ba'zilarini post qilib ham yozganman va bundan keyin ham kanalimda yozib ketaveraman.

Bilasizmi, kitob yozishni boshlaganimda menda shaxsiy rivojlanishga oid kitoblar yozadigan yozuvchi bo'lish orzusi borligini payqab qoldim.

✍@Dilorom_Raimxojayeva

Vaqti keldi

Aytganimdek, bu yildan uy bekalikdan bo'shab, ishga chiqdim. Bilasizmi, bu yil sentabrdan ishlayman, deb niyat qilgan edim, niyatim xolis bo'lib, ko'p joylardan yaxshi takliflar keldi. Lekin men u takliflarni qabul qilmadim. Chunki ish boshlaganimdan erkatoy ishchi bo'lib, maksimal erkinlikka o'rganganim uchun ishdagi muhim narsa - erkinlik men uchun.

Universitetda ishlaganimda ham mazza qilib, erkin, hech qanday qog'oz-hujjat, byurakratiyasiz, o'quv markazda ham, mazza qilib, erkin, yonib-energiya oshirib, ishlaganman. Buning uchun menga imkoniyat bergan ustozim Ulbo'sin opamga, dekanimga, rahbarim Oydin opaga katta rahmat, deb qolaman.

Bu yildan esa birga yonma-yon xonada ishlagan qadrli hamkasbimning o'quv markazida va shu markazning variativ sinfida ish boshladim. (Izoh uchun: O'quv markaz variativ sinfi bilan maktablardagi variativ sinflarning osmon bilan yercha farqi bor)

Nima uchun bu yerda ish boshladim?!
Birinchidan, o'zim sevgan ish-dars berish, ikkinchidan, men bilgan, tanigan, sinashta, qadrdon odamlar davrasi, uchinchidan, maksimal erkinlik, to'rtinchidan, uyimga yaqin, beshinchidan, yaxshi oylik, oltinchidan, kam kunli va kam soatli. Alloh xayrli qilsin🤲

Ilmiy ishlarimni yoqlab olganimdan so'ng, albatta, universitetda dars beraman. Menimcha, yo O'zbekiston Milliy universitetida yo xususiy universitetlarning birida psixologiya va filologiya fakultetlarida psixo-lingvistika fanidan.
Ilmiy ish yoqlamaguncha, universitetda ishlash yaxshi qaror emas.

Aytganimdek, rivojlantiruvchi psixologik kurslarimga e'tibor qarataman, jonli uchrashuvlar ham tashkil qilaman.

✍@Dilorom_Raimxojayeva

Ruhiyatingizni yengillashtiring

Oldingi offisizmizda 3 farrosh ayol bo'lardi, hammasi ham shu yaqin atrofda yashaydigan kattaroq yoshli ayollar. Keyin bittasi ishdan bo'shadi va o'riniga yangi yana bir kattaroq yoshli ayol ishga keldi.

Yangi ishchi har kuni chiroyli uzun kostyum-shimlar, kastyum-yubkalar kiyib kelardi va ish boshlashdan oldin kiyimlarini almashtirib, tozalash ishlarini qilib, keyin yana chiroyli kiyimlarini kiyib ketardi.

Bir kuni gaplashib qoldik va ular har doim o'qimishli, chiroyli offislarda ishlaydigan ayollarga, ularning chiroyli kiyinib yurishlariga havas qilganlarini, lekin oilaviy holati sababli o'qishga, hunar o'rganishga imkoni bo'lmaganlarini, uzoq yillardan beri turli joylarda farroshlik qilib ishlaganlarini, topgan pullariga qizini o'qitib, oliy ma'lumotli qilganini, qizi o'qishni bitirib, ishlashni boshlaganini, bunday kiyinishga ham qizi ruhlantirganini aytib berdilar.

Har bir ayolning o'zining eng yaxshi versiyasi bor va har bir ayol o'sha eng yaxshi versiyasini ro'yobga chiqarishni iataydi. Ehtimol, ayol o'zgartirolmaydigan, balki bilimi, balki imkoni, balki saviyasi yetmaydigan joylari bo'lishi mumkin, muhimi imkoni qadar, o'zi xohlagan versiyaga intilish, ichida soya bo'lib qolib ketgan qismlarini tashqariga olib chiqish.

Xususan, bu ayol ham chiroyli offislarda ishlaydigan ayollarning yurish-turishlariga, kiyinishlariga havas qilgan va qiziga o'z orzularini aytgan va qizi bilan birga offisga xos liboslar sotib olib, kiyishni boshlagan. Shundan keyin hatto boshqa farrosh ayollar ham chiroyli kiyinishni boshlashdi.

Aytmoqchimanki, orzular armonga aylanganidan ko'ra, ichimizga bostirib, o'zimizni cheklagandan ko'ra imkonimiz qadar o'zimiz uchun nimadir qilib, ruhiyatimizga yengillik berishimiz mumkin. Hattoki bu oddiygina libos bo'lsa ham.

✍@Dilorom_Raimxojayeva

Yaxshi qaror bo'libdi, faqat lekinlari bor. Birinchidan, psixologlarga sertifikat berilishi boshqa kasb egalari assestatsiyasiga o'xshab poraxo'rlikka aylanib ketadi. Ikkinchidan, psevdolar o'zini psixolog deb atamasdan ham kurs o'taveradi, masalan, kouch deb yoki motivator yoki qobilyatlarni ochuvchi yoki ayollarni rivojlantiruvchi va h.k. Uchinchidan, oliy ma'lumotli psixologlarning ko'pchiligi, ha aynan juda ko'pchiligi psixoterapiya o'tqazish, psixologik xizmat ko'rsatish layoqatiga ega emas, bunga koooo'p guvoh bo'lyapman. Natijada shundoq ham muammoli soha battar muammoga to'lib ketadi.

Shu majlisga meni chaqirishmaydimi-ey😎