Камбағаллар қашшоқланишда, ўртаҳоллар камбағаллашишда, бойлар эса бойишда давом этмоқда

Марказий банк “Турмуш даражаси ва инфляция” мавзусида ўтказилган респондентлар сўрови ва унинг натижалари бўйича таҳлил натижаларини эълон қилди.

2 миллион сўмгача даромадга эга бўлган қуйи сегмент улуши 8%дан 21%га етган. 4-8 миллион сўмлик даромадларга эга сегмент эса 44%дан 32%гача камайган. Айни пайтда, 10 миллион сўмдан ортиқ даромадга эга қатлам улуши 4%дан 7%га ошган.

"Сўровномада иштирок этган жами респондентлардан 56 фоизи пандемия сабабли оилавий даромадларининг камайганлигини таъкидлаган бўлса, 15 фоизи даромадсиз қолганлигини билдирган.
Шунингдек, респондентларнинг 48 фоизи пандемия натижасида оилавий жамғармалари камайганлигини, 28 фоизи эса оилавий жамғармасиз қолганлигини таъкидлаган".

"Уй хўжаликларининг гўшт маҳсулотлари учун ўртача ойлик харажатлари II чоракда олдинги чоракка нисбатан сезиларли даражада қисқарган".

2020 йилнинг биринчи ярмида ҳудудлар кесимида энг юқори инфляция Тошкент шаҳрида қайд этилган - 10,5% (Республика бўйича 5,2%).