Film oilasi Erondan Hindistonga, keyinchalik Londonga ko'chib kelgan Freddi haqida. Uning atrofidagi muhit uning dunyoqarashiga ta'sir qiladi, va shu bilan sarguzasht boshlanadi.

Ko'p spoyler qilib o'tirmayman, asosiy mavzuga ko'chsak. Freddi yaxshi odam bo'lmagan, bu aniq, lekin uning va "Queen"ning musiqa industriyasi va umuman butun dunyoga qoldirgan me'rosini haqiqiy muxlislar hech qachon unutmaydi, "Uembli"dagi emotsiyalar va ko'z yoshlar hech qachon unutilmaydi. Rok, opera, disko va boshqa janrlardan hammaga birday yoqqan miksni hosil qilish bilishim bo'yicha Queen'dan boshqasining qo'lidan kelmagan shu paytgacha.

Har bir ishtirokchisi alohidadan guruh uchun katta plyus olib kelolgan albom yozgan yagona guruh ham Queen, noneym bo'lib kelib industriyada Elton Jon, "Bitlz", Bob Dilan kabi nomlar bilan ko'z yumib raqobat qilolgan ham Queen, hech qaysi ishtirokchisi sahnaga chiqmay butun stadionga o'z qo'shig'ini boshidan oxirigacha kuylata olgan ham Queen.