#olis_yaqin_ovozlar

SAVOL

Bilmaysizmi, dunyoni qayta
Yana barpo qiladimi Haq?
Yana quyosh otilib koʻkka
Tun va kunni qiladimi hal?

Yana olam ocharmi chiroy?
Tuproq quchib unadimi gul?
Yana toʻqay madhini kuylab,
Tomoq yirtib sayrarmi bulbul?

Oy yuzini suyib, erkalab,
Subh koʻzidan sizadimi nur?
Yana yerda muhabbat, hasrat
Koʻngillarga solarmi gʻujur?

Siz-chi, qayta tugʻilasizmi,
Meni izlab kelasizmi? Yo
Yana Tangrim Lavhul mahfuzda
Ismimizni yozarmi ayro?

Masihulloh

Yoshlikjurnali.uz
@yoshlikjurnali