Yangiyo‘l shahar hokimi R.Raimov boshchiligida viloyat IIBB To‘rtinchi mintaqaviy muvofiqlashtirish markazi boshlig‘i D.Tursunbayev, viloyat Milliy gvardiya Qo‘riqlash boshqarmasi boshlig‘i o‘rinbosari A.Radjabov, shahar sektor rahbarlari, hokim o‘rinbosarlari, adliya bo‘limi boshlig‘i A.Umarov, mahalla "yettiligi", Milliy gvardiya Yangiyo’l shaharlararo Qo’riqlash bo’limi boshlig‘i S.Karimov, tegishli tashkilot rahbarlari ishtirokida seminar o‘tkazildi. Seminar davomida "2025 yilda respublika mahallalarida xavfsiz muhitni yaratish va huquqbuzarliklarning barvaqt oldini olish tizimi samaradorligini yanada oshirish bo‘yicha chora-tadbirlar to‘g‘risida"gi Prezident qarorning mazmun-mohiyati, mahallalarga kuzatuv kameralarini o‘rnatish, qo‘riqlash pultiga ulash, profilaktik hisobda turuvchi shaxslar bilan profilaktik suhbatlar o‘tkazish kabi masalalar yuzasidan tegishli masʼullarning hisoboti tinglandi. Seminar yakunida jinoyatchilik va huquqbuzarliklarni oldini olish yuzasidan chora-tadbirlar belgilab olindi.