📌 1 июлдан паспорт ва бошқа ҳужжатларнинг электрон шакли расман тан олинади

🪪 2025 йил 1 июлдан бошлаб шахсни тасдиқловчи ва бошқа ҳужжатларнинг электрон шакли расман тан олина бошланади. Бу ҳукуматнинг «Аҳолини ижтимоий қўллаб-қувватлашда «ижтимоий карта» тизимини жорий этиш чора-тадбирлари тўғрисида»ги қарорида назарда тутилган.

☑️ Ҳужжатга мувофиқ, «Рақамли ҳукумат» тизими идоралараро интеграциялашув платформаси доирасида шахсий ҳужжатларнинг унификацияланган рақамли сервислари жорий этилади.

Ягона интерактив давлат хизматлари порталининг аниқлик киритишича, эндиликда my.gov.uz даги шахсни тасдиқловчи, ҳайдовчилик гувоҳномаси ва бошқа ҳужжатларнинг рақамли (электрон) шакллари расман тан олинади.

✅ Бунда my.gov.uz да ушбу рақамли сервислардан фойдаланиш имконияти яратилади ва улар Ўзбекистон ҳудудида мажбурий тартибда қабул қилинади.

➡️ Батафсил

🌐 https://t.me/AOKA_Surxondaryo