Ҳудуддаги Раҳматилло Очиловлар оиласи эса ўз иш фаолиятини қулупнай етиштириш билан давом эттирмоқда. Бу ердаги 2 сотих майдонда ана шундай сархил маҳсулот билан белгиланган муддатларда нафақат ўз хонадонини, балки маҳалладошларини ҳам таъминлаш режалаштирилмоқда. Ушбу хонадондаги 10 га яқин оила аъзоларининг барчаси иссиқхонадаги кунладик юмушлар билан банд. Хонадон соҳибларининг йиллик даромади 100 млн. сўмни ташкил этмоқда. Улар келгусида мавжуд 2 сотих ерда шифобахш лимон мевасининг “Тошкент” навини ҳам етиштиришни кўзламоқдалар.

Яқинда оила бошлиғи Р.Очиловнинг шижоатли меҳнати муносиб тақдирланиб, унга “Намунали томорқачи” кўкрак нишони топширилди.

А.Хаитовнинг МФЙ фаоллари ҳамда пешқадам томорқачи хонадонлар соҳиблари билан ўтказган учрашувлари очиқ ва самимий руҳда бўлиб ўтди. Партия етакчиси томонидан уларга фойдали маслаҳат ва амалий тавсиялар берилди.