“Maxtumquli Firog‘iy” filmining Nyu-York shahrida premyerasi bo‘lib o‘tdi

🗺 2025-yilning 21-yanvar kuni TURKSOY xalqaro tashkilotining Doimiy Kengashi tashkilotchiligida AQSHning Nyu-York shahrida O‘zbekiston Respublikasi Prezidenti Shavkat Mirziyoyev tashabbusi bilan O‘zbekiston va Turkmaniston kinoijodkorlari hamkorligida suratga olingan “Maxtumquli Firog‘iy” badiiy filmining taqdimoti bo‘lib o‘tdi.
Unda O‘zbekiston, Turkmaniston, Turkiya konsulliklari va elchixonalaridan vakillar, Amerikadagi jamoat birlashmalari, kino va televideniye mutaxassislari ishtirok etishdi.
📽 Mazkur tadbirda O‘zbekiston tomonidan “Maxtumquli Firog‘iy” badiiy filmi bosh rejissyori Muzaffarxon Erkinov, bosh rol ijrochilaridan biri Boir Xolmirzayev, filmning montaj rejissyori Dilshod Ibragimov, Turkmaniston tomonidan bosh rol ijrochisi Axmed Amandurdiyev va boshqa ijodkorlar qatnashishdi.
Tadbirni Turksoy tashkilotining raisi Sulton Raif ochib berdi. Film tadbir ishtirokchilari tomonidan juda iliq kutib olindi. Tadbir so‘nggida film ijodkorlariga Turksoy tashkiloti raisi Sulton Raif tomonidan “Tashakkurnoma”lar topshirildi.

Eslatib o‘tamiz, “Maxtumquli Firog‘iy” badiiy filmi Turksoy xalqaro tashkiloti tomonidan 2024-yilning noyabr oyida Turkmanistonning Ashxobod shahrida o‘tkazilgan “Qo‘rqut ota” IV xalqaro kinofestivalida eng oliy sovrin – “Eng yaxshi film” nominatsiyasida g‘olib bo‘lgan edi.

🎬 Kinematografiya agentligi Axborot xizmati

🌐 Website 🔵Facebook 📷Instagram 🚀Telegram❕