Афсусланаманми?

Баъзан қарор қабул қилишга қийналаман:

- Сотиб олайми, пулимни тежайми?
- Жазолайми, кечирайми?
- Таваккал қилайми, тинчгина яшайверайми?
- Борайми, дам олайми?
Ва ҳоказо.

Кунлаб ўйлаб юраман..

Шу ҳолатга Морган Ҳоусел'дан зўр маслаҳат эшитдим. Иккиланаётганда ўзингга савол бер:

Бу қароримдан ўлим тўшагида ётганимда афсусланаманми йўқми?

- Уйимни ҳашаматли таъмирламаганим учун афсусланаманми?

- Тўйимга қиммат машина айтмаганим учун-чи?

- Балки сўнгги русумдаги телефон ишлатолмаганимга ачинарман-а?

Албатта ундай эмас!

Лекин афсусланишимиз мумкин:

- Яқинларимизга етарлича вақт ажратмаганимиздан;
- Таваккал қилмаганимиздан;
- Комфорт зонада, бир хилликда ҳаёт кечиришимиздан;
- Соғлиққа беэътибор бўлганимиздан;
- Илм олмаганимиздан.

Нега айнан ўлим тўшагини ўйлаш?

Ўлим — ҳақ. Ҳақиқатларни очиб беради. Ҳақиқатлар эса тўғри қарор қабул қилишимизга ёрдам беради.

Хуллас, иккиланиб юрган қарорларинг бўлса, ўйлаб кўр:

Ўлим тўшагида афсусланасанми ё армон қиласанми?

Ёдингдан чиқарма:

Армоннинг дарди — афсусдан кучли!

@Ustoz_kundaligi