Ҳурматли Фарғона вилоятида яшовчи фуқаролар ва вилоятимиз меҳмонлари!

Аҳолининг ижтимоий муаммоларини хал этиш, давлат ташкилотлари томонидан аҳолига кўрсатилувчи интерактив хизматлар кўламини янада кўпайтириш мақсадида Фарғона вилояти ҳокимлиги томонидан аҳоли манфаатлари учун мўлжалланган “Менинг Фарғонам” интерактив портали ташкил этилган.

Порталнинг “Онлайн назорат” тизими орқали фуқароларга маиший муаммоларини давлат ташкилотларига тўғридан-тўғри етказиб бериш ва иш жараёнини кузатиб бориш имконияти мавжуд.

Тизимдан фойдаланиш учун веб браузердан my.fergana.uz манзилини киритинг ёки телефонингизга порталнинг мобил иловасини юклаб олинг, бундан ҳам осон йўли телеграм иловаси орқали onlaynnazorat_bot ҳаволасига ўтинг.