Sanitariya talablariga javob bermaydigan savdo nuqtasi aniqlandi

Aholi, ayniqsa bolalar o‘rtasida o‘tkir yuqumli ichak va parazitar kasalliklar, ovqatdan zaharlanish holatlari hamda botulizm kabi kasalliklarning oldini olishda amaldagi sanitariya-gigiyena talablarini bajarilishi katta ahamiyat kasb etadi.

‼️Shu sababli, Sanepidqo‘mita Toshkent shahar boshqarmasi Bektemir tumani bo‘limi mutaxassislari tomonidan tuman hududida navbatdagi profilaktik o‘rganishlar o‘tkazildi. O‘rganishlar davomida Bektemir tumani Bilol Nozim ko‘chasida yakka tartibdagi tadbirkor tomonidan amaldagi sanitariya-gigiyena talablariga zid ravishda tashkil etilgan oziq-ovqat mahsulotlari savdo nuqtasi aniqlandi.

✅Profilaktik o‘rganish davomida ushbu savdo nuqtasi tumandagi umumtaʼlim maktablaridan biriga yaqin joylashgan bo‘lib, tadbirkorning tomonidan oziq-ovqat mahsulotlari savdosi bilan shug‘ullanishi va ushbu tadbirkorlik faoliyati davomida amaldagi talablarga zid ravishda freyzer muzqaymog‘i, fast-food mahsulotlari tayorlab sotishi aniqlandi. Ushbu savdo nuqtasining asosiy mijozlarini maktab o‘quvchilari tashkil etishi maʼlum bo‘ldi.

Tadbir davomida mutaxassislar tomonidan yakka tartibdagi tadbirkorga aniqlangan kamchiliklarni bartaraf etish bo‘yicha tegishli tavsiyalar berildi va tadbirkorlik faoliyatiga aralashmagan holda profilaktik suhbatlar o‘tkazildi va ogohlantirish choralari ko‘rildi.

✅Ushbu aniqlangan holat yuzasidan tuman prokuraturasiga maʼlumotnoma kiritildi.

Sanepidqo'mita Toshkent shahar boshqarmasi
Axborot xizmati

Telegram | Instagram |Web sayt