Shaharses.uz | Rasmiy kanal

@toshsanepid

Channel's geo and language: Uzbekistan, Uzbek

Category: Other

Sanepidqo'mita Toshkent shahar boshqarmasi rasmiy telegram kanali - @toshsanepid
Rasmiy sayt: www.shaharses.uz
Instagram: https://instagram.com/shaharses.uz?igshid=MzNlNGNkZWQ4Mg==
Facebook: https://www.facebook.com/profile.php?id=100089118229071&mibex

Related channels | Similar channels

Channel's geo and language

Uzbekistan, Uzbek

Shaharses.uz | Rasmiy kanal

23 Feb, 16:51

❓Bolalar o'rtasida sog‘lom ovqatlanishni qanday yo‘lga qo‘yish mumkin?

Farzandlarimizning sog‘lom va baquvvat bo‘lib ulg‘ayishi uchun ularning to‘g‘ri ovqatlanishiga e’tibor qaratish juda muhim. Quyida bolalar o‘rtasida sog‘lom ovqatlanish madaniyatini shakllantirish bo‘yicha foydali maslahatlar bilan bo‘lishamiz:

1️⃣Oilaviy ovqatlanish odatini shakllantiring

Farzandingizni sog‘lom ovqatlanishga o‘rgatishning eng samarali yo‘llaridan biri – oilaviy dasturxon atrofida birga ovqatlanishdir. Oilaviy ovqatlanish bolalarda to‘g‘ri ovqatlanish tartibini shakllantirishga yordam beradi.

2️⃣Ratsionni vitamin va minerallarga boy qiling

Bolalar kunlik taomnomasida quyidagi mahsulotlar bo‘lishi kerak:

🍒🥕Meva va sabzavotlar – tabiiy vitamin manbai;
🥛Sut va sut mahsulotlari – suyaklar mustahkamligi uchun;
🫘Don mahsulotlari – energiya manbai;
🥩🍗Go‘sht, baliq va dukkakli mahsulotlar – oqsil va temir manbai.

3️⃣Fast-food va shirinliklar iste’molini kamaytiring

Zamonaviy bolalar shirin ichimliklar, gazaklar va tez tayyorlanadigan mahsulotlarni ko‘p iste’mol qiladilar. Bunday oziq-ovqatlar semirish, diabet va boshqa sog‘liq muammolariga olib kelishi mumkin. Shirin gazlangan ichimliklar o‘rniga tabiiy sharbatlar, mevali choy yoki oddiy suvni tanlash tavsiya etiladi.

4️⃣Bolalarni o‘zlari ovqat tayyorlashga jalb qiling

Bolalar o‘zlari tayyorlagan ovqatni iste’mol qilishni xush ko‘radilar. Shuning uchun ularni yengil salatlar, mevali kokteyllar yoki nonushtalarni tayyorlashga jalb qiling. Bu ularning sog‘lom ovqatlarga qiziqishini oshiradi.

5️⃣To‘g‘ri ovqatlanishga o‘rnak bo‘ling

Bolalar ko‘proq ota-onalarining odatlariga taqlid qiladilar. Agar siz o‘zingiz sog‘lom ovqatlansangiz, farzandingiz ham shunday odatni shakllantiradi.

6️⃣Majburlash o‘rniga motivatsiya bering

Bolani sog‘lom ovqat yeyishga majburlash o‘rniga, uni rag‘batlantiring. Masalan, unga sabzavotlarni qiziqarli shakllarda kesib bering yoki taomlar dizaynini o‘zgartiring. Shuningdek, sog‘lom ovqatlanishning foydalari haqida qiziqarli hikoyalar aytib bering.

7️⃣Suv ichish odatini shakllantiring

Ko‘pchilik bolalar yetarli miqdorda suv ichmaydi. Har kuni kamida 6–8 stakan oddiy suv ichish bolalarning metabolizmini yaxshilaydi va energiyasini oshiradi.

Farzandlaringizning sog‘lom o‘sishi uchun ularni to‘g‘ri ovqatlanishga o‘rgatish juda muhim. Buning uchun ularga mazali va foydali taomlar tayyorlang, oilaviy ovqatlanish madaniyatini shakllantiring va o‘zlaringiz ham sog‘lom ovqatlanishga harakat qiling.

‼️Farzandlarimiz sog‘lom bo‘lsa – kelajagimiz ham yorqin bo‘ladi!

Sanepidqo'mita Toshkent shahar boshqarmasi
Axborot xizmati

Telegram | Instagram |Web sayt

198 0 3

Shaharses.uz | Rasmiy kanal

23 Feb, 16:50

186 0 2

Shaharses.uz | Rasmiy kanal

22 Feb, 15:26

#bilasizmi
#foydali_maslahat

⚡️⚡️Go'zallikka erishaman deb hayotingizni xavf ostida qoldirmang!

Go‘zallik salonlari va sartaroshxonalar faqat chiroyli ko‘rinish uchun emas, balki mijozlar salomatligi uchun ham mas’uldir! Shu sababli, ushbu maskanlarda gigiyenik talablar qat’iy bajarilishi shart.

‼️Asosiy gigiyenik talablar:

✔️ Sterillik – ishlatiladigan asbob-uskunalar har bir mijozdan keyin dezinfeksiya qilinishi shart!
✔️ Shaxsiy gigiyena – ustalar qo‘l yuvish qoidalariga rioya qilib, toza ish kiyimida bo‘lishi kerak.
✔️ Sifatli materiallar – kosmetik vositalar va bo‘yoqlar sog‘liq uchun xavfsiz bo‘lishi lozim.
✔️ Ventilyatsiya – xonada toza havo almashinuvi yaxshi yo‘lga qo‘yilgan bo‘lishi kerak.
✔️ Quritish va dezinfeksiya vositalari mavjudligi – sochiqlar, taroq va boshqa vositalar qayta ishlatilganda to‘liq tozalanishi shart.
✔️Har bir mijozga xizmat ko'rsatuvchi xodim har 6 oyda tibbiy ko'rikdan o'tib turishi kerak.

⚠️ Unutmang! Gigiyena qoidalariga rioya qilinmagan salonlar turli infeksiyalar, xususan, OIV infeksiyasi, gepatit B,C,D turlari va parazitar kasalliklarning tarqalishiga sabab bo‘lishi mumkin.

✅Sog‘ligingizni asrang, faqat sanitariya talablariga javob beradigan salonlarga murojaat qiling!

Sanepidqo'mita Toshkent shahar boshqarmasi
Axborot xizmati

Telegram | Instagram |Web sayt

289 0 6 2

Shaharses.uz | Rasmiy kanal

22 Feb, 15:25

246 0 2

Shaharses.uz | Rasmiy kanal

22 Feb, 13:01

Iste'mol uchun xavfli bo'lgan mahsulotlar savdosiga chek qo'yildi

Hech qanday hujjatsiz savdoga qo'yilgan, uy sharoitida tayyorlangan 14 kg qiyma, 23 kg lag'mon xamiri, 6,5 kg tuzlama va ikkilamchi idishlarda saqlanayotgan 24 litr miqdoridagi sut mahsulotlari savdosi aniqlandi.

‼️Ushbu holat bugun Sanepidqo'mita Toshkent shahar boshqarmasi Yunusobod tuman bo'limi hamda Veterinariya-sanitariya ekspertiza laboratoriyasi mutaxassislari tomonidan Yunusobod dehqon bozorida o'tkazilgan nazorat davomida aniqlandi.

✅Iste'mol uchun yaroqsiz va xavfli bo'lgan oziq-ovqat mahsulotlari o'rnatilgan tartibda savdodan olinib, yo'q qilish choralari ko'rildi.

✅Eslatib o'tamiz, bozor rastalaridan mahsulot xarid qilayotganingizda mahsulot xavfsizligini tasdiqlovchi hujjatlari borligi hamda to'g'ri sharoitda saqlanayotganligiga alohida e'tibor qarating.

Sanepidqo'mita Toshkent shahar boshqarmasi
Axborot xizmati

Telegram | Instagram |Web sayt

257 0 1

Shaharses.uz | Rasmiy kanal

22 Feb, 11:33

#bilasizmi
#foydali_maslahat

⚠️🦠Poliomiyelit – oldini olish mumkin bo‘lgan xavfli kasallik!

Poliomiyelit – asosan bolalar orasida tarqaladigan, nerv tizimini zararlab, falajga olib kelishi mumkin bo‘lgan o‘ta xavfli virusli kasallik. Ushbu infeksiya og‘iz orqali yuqadi va ichaklar orqali butun organizmga tarqaladi.

❓Kasallikning xavfi nimada?

🔹Orqa miya nervlarini shikastlab, butun umrga falaj qoldirishi mumkin.
🔹 Yashirin kechishi va tez tarqalishi bilan xavfli.
🔹 Dori bilan to‘liq davolab bo‘lmaydi, faqat oldini olish mumkin.

🛡 Himoyalanish yo‘li – vaksinatsiya!

Poliomiyelitga qarshi emlash eng samarali himoya vositasi bo‘lib, bolani ushbu og‘ir kasallikdan asrashga yordam beradi. Vaqtida olingan vaksina umrbod immunitetni hosil qiladi.

👩‍⚕️ Farzandingiz sog‘lig‘i o‘z qo‘lingizda! Poliomiyelitga qarshi emlashni o‘z vaqtida qildiring va ularning kelajagini himoya qiling!

Sanepidqo'mita Toshkent shahar boshqarmasi
Axborot xizmati

Telegram | Instagram |Web sayt

276 0 5

Shaharses.uz | Rasmiy kanal

22 Feb, 10:11

01:16

Video is unavailable for watching

Show in Telegram

Hashar – obodlik va birlik ramzi! 🌿🧹

‼️Bugun Toshkent shahar Sanitariya-epidemiologik osoyishtalik va jamoat salomatligi boshqarmasi jamoasi hamjihatlik va fidoyilik bilan hashar o‘tkazdi!

✅Birgalikda atrof-muhitni tozalash, obodonlashtirish va yanada ko‘rkam muhit yaratish yo‘lida mehnat qilish – nafaqat majburiyat, balki barchamiz uchun sharafdir! Har bir inson ozodalik va tartibga hissa qo‘shsa, shahrimiz yanada chiroyli va fayzli bo‘ladi.

✅Hasharda barcha xodimlar faol ishtirok etib, tashkilot hovlisini obod qilish uchun o'z hissalarini qo'shdilar. Keling, tozalikni nafaqat bugun, balki har kuni qadrlaylik va asraylik!

Sanepidqo'mita Toshkent shahar boshqarmasi
Axborot xizmati

Telegram | Instagram |Web sayt

356 0 8 3

Shaharses.uz | Rasmiy kanal

22 Feb, 07:12

⚡️Noqonuniy joylashgan somsaxona faoliyati to’xtatildi

📌Aholi murojaatlarini o’z vaqtida o’rganish, ularga sifatli xizmat ko’rsatishni ta’minlaydi. Shular jumlasidan, Sanepidqo’mita Toshkent shahar boshqarmasi Mirobod tuman bo’limi mudiri Dilnoza Ahmedova hamda tuman Soliq inspeksiyasi mas’ul mutaxassislari tomonidan Nukus ko’chasida joylashgan somsaxonaning sanitariya holati bo’yicha nazorat tadbirlari olib borildi.

🔹O’rganish davomida hech qanday hujjatlarga ega bo’lmagan, noqonuniy va belgilanmagan joyda, ishchi xodimlarning tibbiy ko’rik guvohnomalarga ega bo’lmasdan faoliyat olib borilishi ma’lum bo’ldi.

🔹Shuningdek, Sanitariya qoida va me'yorlariga mutlaqo amal qilmasdan ishlayotganligi uchun somsa pechlari joyidan oldirilib, tuman bo’limiga yuborildi. Holat bo'yicha mas’ullarga sanitariya qoidalariga oid ko’rsatmalar berilib, tushuntirish o'tkazildi.

Sanepidqo'mita Toshkent shahar boshqarmasi
Axborot xizmati

Telegram | Instagram |Web sayt

264 0 2 2

Shaharses.uz | Rasmiy kanal

21 Feb, 18:04

⚡⚡Intim xizmatlar ko'rsatayotgan SPA saloni faoliyati to'xtatildi

Bu kabi noqonuniy faoliyat fuqarolar hayoti va sog‘lig‘i uchun ulkan xavf tug‘diradi. Shuning uchun har bir kishi shubhali xizmatlardan ehtiyot bo‘lishi, gigiyenik sharoitlari noma’lum bo‘lgan joylarga murojaat qilmasligi lozim.

Sanepidqo'mita Toshkent shahar boshqarmasi
Axborot xizmati

Telegram | Instagram |Web sayt

468 0 8 4

Shaharses.uz | Rasmiy kanal

21 Feb, 14:58

Bozorda iste'molga yaroqsiz tuzlama mahsulotlari savdodan olindi

Aviasozlar dehqon bozorida olib borilgan navbatdagi o'rganishlar davomida iste’molga yaroqsiz bo‘lgan 18 litr tuzlma mahsulotlari savdodan olindi va o‘rnatilgan tartibda brakeraj qilindi.

‼️Qayd etish kerakki, ushbu holat bugun Sanepidqo‘mita Toshkent shahar boshqarmasi Yashnobod tuman bo‘limi mas'ul xodimlari tomonidan bozor rastalarida sotilayotgan mahsulotlar sifati nazoratdan o'tkazildi. Sotuvchilar tomonidan yo'l qo'yilgan kamchiliklar yuzasidan sotuvchilar hamda bozor ma’muriyatiga tushuntirish ishlari olib borildi hamda dalolatnoma rasmiylashtirildi.

✅Shuningdek, shu kabi nazorat tadbiri Sergeli tuman bo'limi tomonidan Sergeli dehqon bozorida o'tkazilgan vaqtida iste'mol uchun xavfli bo'lgan 24 litr miqdoridagi konserva mahsulotlari savdosiga chek qo'yilib, o'rnatilgan tartibda yo'q qilish choralari ko'rildi.

Sanepidqo'mita Toshkent shahar boshqarmasi
Axborot xizmati

Telegram | Instagram |Web sayt

345 0 2

Shaharses.uz | Rasmiy kanal

21 Feb, 13:32

⚡️Bo‘lim xodimlari o‘rtasida “Siyosiy ma’rifat soati” o‘tkazildi

Bugungi kunning eng muhim va dolzarb mavzulari haqida ma’lumot berib boruvchi “Siyosiy ma’rifat soati” haftaning har juma kuni Respublika Ma’naviyat va ma’rifat markazi, Prezident huzuridagi Davlat xizmatini rivojlantirish agentligi hamda O‘zbekiston Mahallalari uyushmasi tomonidan Respublikamizdagi barcha muassasa, tashkilot davlat fuqarolik xizmatchilari uchun taqdim qilinadi

‼️Ayni shu maqsadda muntazam ravishda haftaning har juma kuni tashkil qilinayotgan “Siyosiy ma’rifat soati” doirasida Sanepidqo‘mita Toshkent shahar boshqarmasi hamda tuman bo'limlarida xodimlar ishtirokida "Siyosiy ma'rifat soati" tashkil etilmoqda.

✅Bo‘limi xodimlari bugungi siyosat soati davomida dastlab hafta davomida yurtimiz va xorijda ro‘y bergan ahamiyatga molik voqealar xususan, davlat rahbarining hafta davomida yurtimiz va uzoq-yaqin qo‘shni davlatlarga, xususan, Yaponiya bosh vazirining maxsus maslahatchisi bilan o‘zaro siyosiy-iqtisodiy hayotiga oid manfaatli aloqalarga doir ma’lumotlar bilan tanishdilar.

✅Shu bilan bir qatorda har juma kungi an'anaga rioya qilgan holda "Milliy liboslar" kuni ham tashkil etilib, xodimlar ishxonaga milliy liboslarda kelmoqdalar.

Sanepidqo'mita Toshkent shahar boshqarmasi
Axborot xizmati

Telegram | Instagram |Web sayt

339 0 2 7

Shaharses.uz | Rasmiy kanal

21 Feb, 13:32

303 0 3

Shaharses.uz | Rasmiy kanal

21 Feb, 12:11

⚡⚡Sifatsiz go'sht mahsuloti sotuvdan olindi

Oziq-ovqat mahsulotlarini sotish va saqlashda sanitariya-gigiyena qoidalariga qat’iy rioya qilish lozim. Shuningdek, rangi, ta’mi hidi va tashqi ko‘rinishi o‘zgargan oziq-ovqat mahsulotlarni mutlaqo iste’mol qilmaslik tavsiya etiladi.

‼️Bugun Sanepidqo'mita Toshkent shahar boshqarmasi Mirzo Ulug'bek tuman bo'limi mutaxassislari hamda Veterinariya-sanitariya ekspertiza laboratoriyasi (VSEL) xodimlari bilan birgalikda tumanda joylashgan Navro'z dehqon bozorida o'rganish ishlari amalga oshirildi.

✅O'rganishlar davomida sifatini tasdiqlovchi hujatlarsiz bozorning kirish qismida sotuvga qo'yilgan 59 kg mol go’shti sotuvdan olindi va VSEL laboratoriyasiga tekshiruv uchun yuborildi.

Sanepidqo'mita Toshkent shahar boshqarmasi
Axborot xizmati

Telegram | Instagram |Web sayt

270 0 1

Shaharses.uz | Rasmiy kanal

21 Feb, 10:41

02:43

Video is unavailable for watching

Show in Telegram

⚡⚡Oliy Majlis Senatining to'rtinchi yalpi majlisi o'tkazildi. Unda bir qancha huquqiy masalalar ham muhokama qilindi.

Sanepidqo'mita Toshkent shahar boshqarmasi
Axborot xizmati

Telegram | Instagram |Web sayt

238 0 1

Shaharses.uz | Rasmiy kanal

21 Feb, 08:00

Forward from: Davlat xizmatini rivojlantirish agentligi | АРГОС

00:57

Video is unavailable for watching

Show in Telegram

Коррупция — виждон саратони

Балки у бизнинг ҳамкасбимиз, дўстимиз, оға-инимиздир. Балки улар билан ҳар кун учрашармиз. Биз уларнинг ҳаракатлари ҳақида биламиз, лекин жиммиз...

Бу сукунат — халққа хиёнат, бу — миллат келажагига хиёнат!

Бугун биз собиқ давлат хизматчисининг эркин, озод ҳаётидан панжара ортидаги қора тақдиригача ҳикоя қиламиз.

... Мен бу ишга биринчи марта қўл урдим, кейин яна, яна, яна ва яна... Курси ҳозир меники, у орқали имкон қадар тезроқ ва кўпроқ мўмай даромад топишим керак, деб ўйлардим...

Фильм Кинематография агентлиги, Президент ҳузуридаги Давлат хизматини ривожлантириш агентлиги, Коррупцияга қарши курашиш агентлиги ҳамкорлиги ва тегишли ташкилотлар кўмагида тайёрланган.

❗️Фильмни тўлиқ томоша қилиш учун ҳавола — https://www.youtube.com/watch?v=JRY6UwW_uLU

Каналга уланиш — t.me/argos_uz

207 0 1

Shaharses.uz | Rasmiy kanal

21 Feb, 07:02

⚡️1-sonli tumanlararo perinatal markazida seminar o'tkazildi

‼️Sanepidqo'mita Toshkent shahar boshqarmasi Yangihayot tuman bo'limi mutaxassislari tomonidan 1-sonli tumanlararo perinatal markazida "Oʻta xavfli yuqumli kasalliklar profilaktikasi" mavzusida seminar oʻtkazildi.

Seminar davomida:

Vabo, o‘lat, tif, quturish va boshqa xavfli yuqumli kasalliklar haqida so‘z yuritilib, ularning tarqalish yo‘llari va oldini olish usullari bo‘yicha tushuntirishlar berildi. Shuningdek, ishtirokchilarga shaxsiy va jamoat gigiyenasi qoidalariga rioya qilishning muhimligi ta’kidlandi.

Seminarda qatnashchilar o‘zlarini qiziqtirgan savollarga javob olishdi va profilaktika bo‘yicha foydali tavsiyalar bilan tanishishdi. Tadbir yakunida aholini kasalliklardan himoya qilish uchun sog‘lom turmush tarzini targ‘ib qilish muhimligini qayd etildi.

Sanepidqo'mita Toshkent shahar boshqarmasi
Axborot xizmati

Telegram | Instagram |Web sayt

289 0 1

Shaharses.uz | Rasmiy kanal

21 Feb, 07:02

274 0 1

Shaharses.uz | Rasmiy kanal

20 Feb, 14:47

⚡️ Noma'lum sharoitda tayyorlangan mahsulot savdodan olindi

📌Har bir obyektning sanitar holatini nazorat qilish, yuqumli kasalliklar, ovqatdan zaharlanishlarni oldini olish maqsadida Sanepidqo'mita Toshkent shahar boshqarmasi Bektemir tuman bo'limi mas’ul mutaxassislar tomonidan tumandagi "Oltintopgan" va "Nurli yo‘l" mahallalarida joylashgan oziq-ovqat do’konlarida profilaktik o'rganish ishlari olib borildi.

Profilaktik tadbir davomida:

➖ishchi xodimlarning davriy tibbiy ko'rikdan o'tganligi;
➖mahsulotlarning yaroqlilik muddati va sifati;
➖joylarda qo'l yuvish joylari, oqava suv tizimining sozligi;
➖tozalik tadbirlarining o'z vaqtida olib borilishi;
➖binoda dezinfeksiya tadbirlarini o’tkazish uchun shartnomalarga ega ekanligi bo'yicha o'rganish ishlari amalga oshirildi.

🔰O'rganishlar davomida nomaʼlum sharoitda tayorlangan 18 dona sendvich oziq-ovqat mahsulotlari savdodan olinib, o‘rnatilgan tartibda brakeraj qilindi.

✅Do‘kon egalari va sotuvchilarga kamchiliklarni bartaraf etish uchun kerakli ko'rsatmalar va tavsiyalar berildi hamda amaldagi Sanitariya qoida va me'yorlariga muvofiq faoliyat olib borish yuzasidan tushuntirish olib borilib, ishchi xodimlarga ogohlantirish choralari qo'llanildi.

Sanepidqo'mita Toshkent shahar boshqarmasi
Axborot xizmati

Telegram | Instagram |Web sayt

299 0 2 4

Shaharses.uz | Rasmiy kanal

20 Feb, 14:47

280 0 1 4

Shaharses.uz | Rasmiy kanal

20 Feb, 13:09

#oav_biz_haqimizda

❓Sog'lom hayot kechirish uchun qanday qoidalarga rioya qilish kerak?

📰"Sog'lom avlod" gazetasining navbatdagi sonida Sanepidqo'mita Toshkent shahar boshqarmasi Yunusobod tuman bo'limi mutaxassisi tomonidan tayyorlangan maqola orqali yuqoridagi savolga jabob topish imkoniyatiga egasiz.

Sanepidqo'mita Toshkent shahar boshqarmasi
Axborot xizmati

Telegram | Instagram |Web sayt