Чилонзор тумани прокурори вазифасини бажарувчи Н.Д.Норбаев томонидан тумандаги маҳаллалардаги ҳоким ёрдамчиларига миргациядан қайтган фуқароларни иш билан таъминлаш масаласида огоҳлантириш берилди.

Бундан ташқари, энергия ресурсларидан самарли фойдаланиш бўйича ташкил қилинган штаб йиғилиши ўтказилиб, энергия ресурсларидан фойдаланиш самарадорлигини ошириш, иқтисод қилиш, энергия балансини ишлаб чиқиш, энергоресурслардан оқилона фойдаланишни тизимли йўлга қўйиш юзасидан кўрсатмалар берилди.

Штаб фаолияти давомида газ таъминотига ноқонуний уланиш ҳолатлари аниқланиб, тармоқдан узилиши ва ҳуқуқбузарларга нисбатан жавобгарликнинг муқаррарлиги таъминланди.

Бундан ташқари, куз-қиш мавсумига тайёргарлик дастури доирасида амалга оширилаётган ишлар билан танишилди.

Шундан сўнг, тумандаги 202-сонли мактабни мукаммал таъмирлаш жараёни кўздан кечирилиб, ишни тўғри ташкил этиш юзасидан тегишли масъулларга зарурий кўрсатмалар берилди.

Шу билан бирга, Болалар мусиқа ва санъат мактабининг иссиқлик таъминоти билан таъминланганлик ҳолати ўрганилди.

Шунингдек, “Ижтимоий ҳимоя Ягона реестри”га киритилган шахсларнинг турмуш тарзи ўрганилиб,  уларнинг ижтимоий муаммоларини ҳал этиш, касбга ўқитиш, бандлигини таъминлаш ҳамда камбағалликдан чиқариш бўйича чора-тадбирлар белгиланди.