Нишон

Нишон туманининг 50 ёшлик тўйига

Нишон, чўл бағрида ястанган макон
Юлғун, саксовулга қўй боққан чўпон.
Замонлар ўзгарди, ўзгарди даврон
У эски нишондир, бу янги нишон.

Жўра Хушназаров табаррук инсон,
Номини ҳурматлаб эслайди Нишон.
Бир боғ барпо қилди, арчазор гулзор,
Қоқ чўлнинг қумидан яралган Нишон.

Ҳайитмурод Фармонов элнинг отаси,
Гапи гап, сўзи сўз, зўр сиёсати.
Сўзларим рост эрур, йўқдир хатоси,
Кўлоб боболарнинг юртисан Нишон.

Мадат Гелдиевдир, раҳбар чорвадор,
Сероб Бойқуловлар чўпон қаҳрамон.
Меҳнати ортидан танилар инсон,
Яздон боболарнинг юртисан Нишон.

Бозорлар қурдирди Ҳайит Жониев,
Бозор ўчар қилсин яшар жойим деб.
Қолсин нишонимга дунё фоний деб,
Жобир полвонларнинг юртисан Нишон.

Чўян Дўлановлар, Шербой Бозорлар,
Омон Шерқуловлар, зўр чорвадорлар.
Мукофот соҳиби азиз инсонлар,
Зиёқул Кўчиевлар юртисан Нишон.

Нишонда довруғли Исмоил Козим,
Чўли Бозоровдир камтарин олим.
Ҳар қанча мақтасак, мақтовга лойиқ,
Зиёқул раислар юртисан Нишон.

Шербой Аҳмедовлар, Пўлат Рахмонлар,
Тойир Ҳазратқулов зўр корчалонлар.
Элмурод Рўзимуродов улуғ инсонлар,
Керкинчак яйловинг кўркамдир Нишон.

Сувон Баратовлар туғма раисдир,
Омонгелди Туропов оқил бошлиқдир.
Мудом раҳбарликнинг юки оғирдир,
Раис Ҳаққуловлар юртисан Нишон.

Сафар Мамашоев раҳбар зиёли,
Ўзидай хокисор кўрди дунёни.
Тавоф қилиб келди Каъбатиллони,
Жарроҳ Халиловлар юртисан Нишон.

Қовундан нав ясаб Ҳакимхон Усмон,
Сафар Холбоевлар донгдор пахтакор.
Сардор Эркаевлар раҳбар шифокор,
Файзи Усмоновлар юртисан Нишон.

Ҳосили мўл бўлди, ошди довонлар,
Оқ пахта олтиндай, қизил карвонлар.
Минбарнинг тўрида Рўзи геройлар,
Норбой Қаҳҳоровлар юртисан Нишон.

Абдурасул Бозоров қурувчи раҳбар,
Чўл узра қурилди Нуристон шаҳар.
Ярқираб турибди мисоли гавҳар,
Инсоннинг қўли гул исботи Нишон.

Ҳар қандай иш бўлса дарров дўндирган,
Борни йўқ қилмаган, йўқни йўндирган.
Бағрини чўллардай кенг қилган,
Эргаш Неъматовлар юртисан Нишон.

Қалам аҳлидандир Иззат Ҳикматлар,
Саломат Турсуну, Шавкат Султонлар.
Жалол Яхшибойлар улуғ устозлар,
Аваз Маматовлар юртисан Нишон.

Ибод Соҳибовлар, Аҳмад Бозорлар,
Меҳнати ҳурматга лойиқ сазавор.
Хизмат қилганларнинг мудом ўрни бор,
Туфли Тўқсоновлар юртисан Нишон.

Ҳамро Гуллиевга Оллоҳ юқтирган,
Савдо - сотиғини шукрини қилган.
Тижорат, зироат илмини билган,
Тадбиркор инсонлар юртисан Нишон.

Шермат Узоқовлар узоқни кўрган,
Меҳнати жўш уриб, дарёдай тўлган.
Бугун фарзандларин роҳатин кўрган,
Бердиёр раислар юртисан Нишон.

Найман ота чўлда, бор қадамжоси,
Мавжуддир тарихи, олтин мероси.
Авайлаб асраган оқил доноси,
Пўлат Хидировлар юртисан Нишон.

Илмли инсонлар элнинг фахридир,
Олимлик - улуғлик, даража доктор.
Мирзаев Баҳодир Тошкентда ректор,
Зиёли инсонлар юртисан Нишон.

Ким қайда туғилар, қай юртда яшар,
Меҳнат қилган жойда азиздир инсон.
Яхши инсонларни унутмас замон,
Озод Асадовлар юртисан Нишон.

Хўжақул Махсумов, Толиб Жабборлар,
Облоёр Боймиров раис деҳқонлар.
Меҳнати Нишонга сингган инсонлар,
Усмон Нормўминлар юртисан Нишон.

Мухтор Ҳайитмуродов гўзал боғ қурди,
Сунъий кўл, фаввора, кичик тоғ қурди.
Оқшом сайр қилган халқни чоғ кўрди,
Тунлари чарақлаб нур сочар Нишон.

Қоракўл қўйлари, Нишон чорваси,
Юрт узра таралди чўл овозаси.
Пири чўпон ота - қўллар дуоси,
Қадим чорвадорлар юртисан Нишон.

Ўрал Кўчиев - у, Араб Қўйлиев,
Тўлқин Намозов ва Тўйчи Кўчиев.
Кўксига медаллар таққан улуғ эл,
Парда Ҳайитовлар юртисан Нишон.

Соат Бўтаёров донгдор чорвадор,
Тўл олиб танилди, энг бахтли инсон.
Шуҳрат медали бор сийлади замон,
Икром раисларнинг юртисан Нишон.

Чўпон- чўлиқларга Санжар бош бўлди,
Дардини тинглади, зўр сирдош бўлди.
Оқил раҳбар бўлди, суҳбатдош бўлди,
Санжар раисларнинг юртисан Нишон.

Мансурхон Турсунов кайвони инсон,
Масжид қураётир, тиним билмас жон.
Ажрини жаннатда топар ҳойнаҳой,
Юртим тинч бўлсин деб дуода Нишон.

✍Муаллиф: Бахтиёр Яхшибоев.

Бизни ижтимоий тармоқларда кузатиб боринг:
Nishontumani.uz |Telegram|Instagram|Facebook|You tube