TerDPI rasmiy telegram sahifasi

@TerDPI

Channel's geo and language: Uzbekistan, Uzbek

Category: Education

Termiz davlat pedagogika institutining ilmiy-tahliliy hamda maʼnaviy-maʼrifiy telegram kanaliga xush kelibsiz!
https://t.me/Azizbek_Xasanov_Baxtiyarovich
https://instagram.com/terdpi_rasmiy
Murojaat bot: https://t.me/TerDPI_rektoriga_murojaat_bot

Related channels | Similar channels

Channel's geo and language

Uzbekistan, Uzbek

TerDPI rasmiy telegram sahifasi

5 Oct, 13:11

📣📣📣📣📣

🤩“Qatag‘on qurbonlarining hayoti va faoliyatiga bag‘ishlangan ilmiy maqolalar, yozma mulohazalar” tanlovining institut bosqichi o‘tkaziladi!

🤩 Termiz davlat pedagogika institutida talaba-yoshlarning tarixiy xotiraga bo‘lgan e’tiborini kuchaytirish, qatag‘on qurbonlarining hayoti va faoliyatini chuqur o‘rganish hamda ilmiy-ijodiy izlanishlarini qo‘llab-quvvatlash maqsadida mazkur tanlovning institut bosqichi tashkil etiladi.

🗓 6-oktabr kuni institut talaba-yoshlari o‘rtasida o‘tkaziladigan tanlovda qatag‘on qurbonlarining hayoti va faoliyatiga bag‘ishlangan ilmiy maqolalar hamda yozma mulohazalar namoyish etiladi.

🏆 Tanlov yakunida munosib ishtirokchilar aniqlanib, I, II va III darajali diplomlar hamda pul mukofotlari bilan taqdirlanadi.

⚖️ Tanlov ishtirokchilarining ishlari belgilangan mezonlar asosida adolatli va shaffof tarzda baholanadi.

🤩 Barcha ishtirokchilarni tanlovda faol qatnashishga chorlaymiz!

✍️ TerDPI matbuot xizmati

✅ Facebook 🌐 Veb sayt 📹 Youtube 🌐 Instagram ✅ Telegram

112 0 3

TerDPI rasmiy telegram sahifasi

4 Oct, 19:50

Forward from: Edu.uz

ПФ-213.pdf

661.8Kb

Prezidentning “Oʻzbekiston Respublikasi Taʼlim va ilm-fan vazirligini tashkil etish toʻgʻrisida”gi Farmoni

Taʼlim va ilm-fan vazirligi quyidagi sohalarda yagona davlat siyosatini amalga oshiradi hamda ularni rivojlantirish va tartibga solish boʻyicha respublika ijro etuvchi hokimiyat organi hisoblanadi:
✅ maktabgacha taʼlim va tarbiya;
✅ umumiy oʻrta va oʻrta maxsus taʼlim;
✅ kasbiy taʼlim;
✅ oliy taʼlim;
✅ oliy taʼlimdan keyingi taʼlim;
✅ kadrlarni qayta tayyorlash va ularning malakasini oshirish;
✅qoʻshimcha va norasmiy taʼlim.

Maktabgacha va maktab tatlimi vazirligi hamda Oliy taʼlim,
fan va innovatsiyalar vazirligining huquqlari, majburiyatlari
va shartnomalari, shu jumladan, xalqaro shartnomalari boʻyicha
huquqiy vorisi hisoblanadi.

Facebook | Instagram | YouTube | Telegram

967 0 5 3

TerDPI rasmiy telegram sahifasi

4 Oct, 17:20

Forward from: Edu.uz

#Tanlov2026

ENG FAOLLAR ANIQLANADI! TANLOVGA MARHAMAT!

✏️Sizning tashkilotingiz milliy malaka tizimini rivojlantirish, zamonaviy kasbiy standartlarni joriy etish yoki malakali kadrlar tayyorlashga munosib hissa qo‘shyaptimi? Unda bu tanlov — SIZ UCHUN!

🇺🇿 Ta’lim sifatini ta’minlash milliy agentligining Milliy malaka tizimini rivojlantirish instituti “Milliy malaka tizimi ishtirokchilari Respublika tanlovi”ni e’lon qiladi!

Tanlov quyidagi nominatsiyalar bo‘yicha o‘tkaziladi:

🔹 “Eng faol kasbiy malakalarni rivojlantirish bo‘yicha tarmoq kengashi”
🔹 “Eng faol ish beruvchi tashkilot”

👍 Tanlov — ilg‘or tajribangizni namoyish etish, samarali tashabbuslaringizni ommalashtirish va faoliyatingizni respublika miqyosida e’tirof ettirish uchun imkoniyat!

⏰ Tanlovda ishtirok etish uchun ariza va tegishli hujjatlar 2026-yil 12-oktyabrdan 28-oktyabrga qadar qabul qilinadi. Ariza topshirishni so‘nggi kunga qoldirmang! Tanlov g‘oliblari diplom hamda qimmatbaho sovg‘alar bilan taqdirlanadi!

📌 Tanlov nizomi

👍 Tanlovda g‘oliblik uchun o‘z imkoniyatingizni sinab ko‘ring!

➡️Batafsil

Facebook | Instagram | YouTube | Telegram

1.4k 0 6 1

TerDPI rasmiy telegram sahifasi

4 Oct, 17:16

Forward from: Kelajak soati

Kelajak soati 5-mavzu Taqdimot.pdf

8.0Mb

“Kelajak soati” darsining 5-mavzusi taqdimoti

Mavzu: Jadidlar. Tugallanmagan hikoya

Dars ssenariysi

1-kontent: “Jadidlarimiz orzusi ushalmoqda”
2-kontent: “Buvim Cho‘lponning jiyani edi”
3-kontent: “Orzular yo‘lidagi 8 talaba”
4-kontent: “Toshkentdagi birinchi spektakl premyera qilingan bino haqida eshitganmisiz?”

Bizni kuzatib boring:
Instagram | Telegram | Youtube | Facebook

1.2k 0 3

TerDPI rasmiy telegram sahifasi

3 Oct, 21:51

Forward from: Edu.uz

"Ta’lim sohasidagi bugungi yangilanishlarning asosiy mazmun-mohiyati nimada?" degan savol tug‘ilishi tabiiy.

Prezidentimizning ikki vazirlikni birlashtirishdan ko‘zlagan asosiy g‘oyasi quyidagilardan iborat:

– Ta’lim va ilm-fan vazirligi barcha bog‘cha, maktab, professional va oliy ta’lim muassasalari faoliyatini tashkil etishi va ularning operatsion jarayonlari uchun mas’ul bo‘lishi, ta’lim faoliyatiga qo‘yiladigan talablarni belgilashi, akkreditatsiyalash va litsenziyalash bilan shug‘ullanishi kerak;

– Ta’lim sifatini ta’minlash milliy agentligi o‘quv dasturlari, qo‘llanmalar va metodik materiallarni ishlab chiqadigan o‘ziga xos laboratoriya vazifasini bajarishi, ularni amaliyotga joriy etishi, natijalarini kuzatishi va aniqlangan kamchiliklar asosida takomillashtirib borishi kerak. Bu ishlar Prezidentimiz belgilab bergan "o‘zbek maktabi bitiruvchisining portreti"ga tayangan holda olib boriladi;

– Prezident Administratsiyasi va uning huzurida tashkil etiladigan alohida ishchi guruh yangi vazirlikning tuzilmasini ishlab chiqadi, ish jarayonlarini qayta ko‘rib chiqadi, ularni takomillashtirish yuzasidan takliflar tayyorlaydi hamda islohotning umumiy strategiyasini belgilaydi;

– oliy ta’limda davlat aralashuvini keskin qisqartirish, oliygohlar mustaqilligini kengaytirish va nodavlat sektor uchun imkoniyatlar yaratish lozim, qaysi oliygoh sifatli ta’lim berayotganini esa erkin raqobat va bozor talabi ko‘rsatishi kerak.

Facebook | Instagram | YouTube|Telegram

1.2k 0 7 1

TerDPI rasmiy telegram sahifasi

3 Oct, 20:06

🇺🇿 “O‘ZBEK TILI – QALBIM TARJIMONI” TANLOVINING INSTITUT BOSQICHI!

📚 Termiz davlat pedagogika institutida ona tili o‘zbek tili bo‘lmagan, ammo o‘zbek tilini sevib, uni o‘rganayotgan xorijlik talabalar o‘rtasida “O‘zbek tili – qalbim tarjimoni” tanlovining institut bosqichi o‘tkaziladi.

🎯 Tanlovning asosiy maqsadi — xorijlik talabalarning o‘zbek tiliga bo‘lgan qiziqishini yanada oshirish, o‘zbek tili va milliy madaniyatimizni targ‘ib qilish, shuningdek, yoshlarning ijodiy qobiliyatlarini qo‘llab-quvvatlashdan iborat.

🔹 Tanlovda kimlar ishtirok etishi mumkin?
Ona tili o‘zbek tili bo‘lmagan, Termiz davlat pedagogika institutida kunduzgi shaklida tahsil olayotgan xorijlik talabalar.

📝 Tanlov ishtirokchilari quyidagi topshiriqlarni bajaradilar:

1- shart: Tanishtirish: Tanishtirish shartida ishtirokchi o‘zi haqidagi maTumotlami 3-5 daqiqalik
videolavha shaklida ko‘rik-tanlovdan kamida uch kun oldin taqdim etadi. Bunda
ishtirokchi o‘zi haqidagi ma’lumotlarni o‘zbek adabiy tili me’yorlariga amal qilgan
holda bayon etishi lozim, umumiy 100 ball;
2- shart: Esse yozish - O‘zbekiston tarixi, madaniyati, o‘zbek xalqi qadriyatlari,
ijtimoiy hayotiga oid va boshqa shu kabi mavzular tavsiya qilinadi. Ishtirokchi
mazkur mavzulardan bittasini tanlab, lotin yozuviga asoslangan o‘zbek alifbosida
200 ta so‘zdan kam bo’lmagan hajmda esse yozadi.
Esseni yozish uchun 90 daqiqa vaqt ajratiladi, umumiy 100 ball.

🏆 Institut bosqichi yakunlari bo‘yicha faol va iqtidorli ishtirokchilar saralab olinadi hamda tanlovning keyingi bosqichida ishtirok etish imkoniyatiga ega bo‘ladilar.

📅 Institut bosqichi: 5-oktabr.

📌 Tanlovda ishtirok etish istagida bo‘lgan talabalar o‘z fakultetlaridagi yoshlar bilan ishlash bo‘yicha mas’ullarga murojaat qilishlari mumkin.

✍️ TerDPI matbuot xizmati

✅ Facebook 🌐 Veb sayt 📹 Youtube 🌐 Instagram ✅ Telegram

1.8k 1 14 5

TerDPI rasmiy telegram sahifasi

3 Oct, 19:57

Forward from: Prezident matbuot kotibi | Sherzod Asadov

O‘zbekiston Respublikasi Prezidentining farmoni bilan Maktabgacha va maktab ta’limi vazirligi hamda Oliy ta’lim, fan va innovatsiyalar vazirligi yagona Ta’lim va ilm-fan vazirligi sifatida qayta tashkil etildi.

Ushbu islohotning asosiy maqsadi mamlakatimizda ta’lim, tarbiya va ilm-fanning yaxlit tizimini zamon talablari asosida tashkil etish, ta’lim sifati va samaradorligini oshirish hamda inson kapitalini rivojlantirish bo‘yicha ishlarni yangi darajaga olib chiqishdan iborat.

Shuningdek, ta’limning barcha turlari o‘rtasidagi o‘zaro uzviylik va bardavomlikni ta’minlash, maktabgacha ta’limdan tortib oliy ta’limgacha barcha bosqichlarni hamda ilmiy faoliyatni qamrab olgan yagona samarali boshqaruv tizimini joriy qilish, uning jamoatchilik oldida hisobdorligini oshirish ko‘zda tutilgan.
—
Указом Президента Республики Узбекистан Министерство дошкольного и школьного образования и Министерство высшего образования, науки и инноваций реорганизованы в единое Министерство образования и науки.

Целями данной реформы являются организация единой системы образования, воспитания и науки в стране на основе современных требований, выведение на новый уровень работы по повышению качества и эффективности образования и развития человеческого капитала.

Предусматривается обеспечение взаимной интеграции и преемственности между всеми видами образования и внедрение единой эффективной системы управления, охватывающего все этапы от дошкольного до высшего образования, а также научную деятельность, и повышение подотчетности системы перед общественностью.

Facebook|Instagram|X

893 0 4 3

TerDPI rasmiy telegram sahifasi

3 Oct, 15:08

⭐️⭐️⭐️⭐️⭐️

🇩🇪 „Deutsch lernen, Deutschland entdecken“
„Nemis tilini o‘rganish, Germaniyani kashf etish“

🤩 Termiz davlat pedagogika institutida 3-oktabr — Germaniyaning Birlashuv kuni (Tag der Deutschen Einheit) munosabati bilan talabalar o‘rtasida foto, video va insholar tanlovi o‘tkaziladi.

📚 Tanlovda ishtirokchilar Germaniya, nemis tili va madaniyatiga oid ijodiy ishlarini taqdim etishlari mumkin.

Tanlov shartlari:
📸 Foto — ishtirokchining o‘zi tomonidan olingan bo‘lishi;
🎬 Video — ishtirokchining o‘zi tomonidan tayyorlangan va montaj qilingan bo‘lishi;
📝 Insho — nemis tilida mustaqil ravishda, ishtirokchining o‘zi tomonidan yozilgan bo‘lishi shart.

⚠️ Boshqa manbalardan olingan, ko‘chirilgan yoki muallifligi ishtirokchiga tegishli bo‘lmagan ishlar tanlovga qabul qilinmaydi.

📩 Ijodiy ishlarni Telegram orqali @BONUJON_2002 akkauntiga yuborish so‘raladi.

🎁G‘oliblar qimmatbaho va esdalik sovg‘alari bilan taqdirlanadi. Tanlov g‘oliblari 2026-yil 9-oktabr kuni e’lon qilinadi.

✍️ TerDPI matbuot xizmati

✅ Facebook 🌐 Veb sayt 📹 Youtube 🌐 Instagram ✅ Telegram

2k 1 19 9

TerDPI rasmiy telegram sahifasi

3 Oct, 10:48

Forward from: Edu.uz

#Xalqaro_anjuman

📚 “Ma’rifat fidoyisi” va “Islohotlar bilimdoni” xalqaro ilmiy-amaliy konferensiyasiga taklif etamiz!

Oliy ta’lim, fan va innovatsiyalar vazirligi huzuridagi Talaba va o‘quvchilarning ijtimoiy faolligini oshirish markazi hamda “Izlanuvchilar.uz” ilm-fan matbuot markazi hamkorligida tashkil etilayotgan xalqaro ilmiy-amaliy konferensiyaga maqolalar qabuli 10-oktyabrga qadar davom etadi.

🏛 Anjuman oflayn shaklda tashkil etiladi.

Anjumanda:
👩‍🏫 professor-o‘qituvchilar,
🎓 talabalar va magistrantlar,
🔬 ilmiy izlanuvchilar,
📚 o‘quvchilar,
🌟 bo‘lajak stipendiatlar
va turli soha vakillari ishtirok etishlari mumkin.

🌍 Anjumanning afzalliklari

✅ Ilmiy faoliyatingizni xalqaro darajada namoyish etish
✅ Ilmiy portfoliongizni boyitish
✅ Magistratura, doktorantura va grant dasturlari uchun ilmiy portfolio shakllantirish
✅ “Yil talabasi” tanlovida ilmiy faoliyat sifatida foydalanish imkoniyati
✅ Davlat va nomdor stipendiyalar uchun ilmiy portfolio to‘plash
🏅 Beruniy davlat stipendiyasi
🏅 Ibn Sino davlat stipendiyasi
🏅 Navoiy davlat stipendiyasi
🏅 Turli xalqaro grant va stipendiya dasturlari uchun ilmiy portfolio
🌍 Xalqaro ilmiy platformalarda joylashtirish va indekslash imkoniyati:
🌐 Zenodo — Shveytsariya
🌐 OpenAIRE — Yevropa Ittifoqi
🌐 Academia.edu — AQSh
🎁 HAR BIR ISHTIROKCHIGA:
🎖 Esdalik ko‘krak nishoni
📖 Xalqaro ilmiy-amaliy konferensiya to‘plami
📜 Sertifikat
📄 Maxsus guvohnoma
✉️ Qabul xati

🌐 Maqolalar qabul qilinadigan tillar:

🇺🇿 O‘zbek | 🇬🇧 Ingliz | 🇷🇺 Rus | 🇰🇿 Qozoq | 🇰🇬 Qirg‘iz | 🇹🇷 Turk | 🇩🇪 Nemis

☑️ Har bir maqola tahrir hay’ati tomonidan ko‘rib chiqiladi. Belgilangan talablarga mos keladigan ilmiy ishlar konferensiya to‘plamiga nashr uchun tavsiya etiladi.

📌 Konferensiyada ishtirok etish uchun ro‘yxatdan o‘tish va maqolani belgilangan muddatda yuborish talab etiladi.
📩 Ro‘yxatdan o‘tish va batafsil ma’lumot uchun:
👉 @bunyodkor_avlod

Facebook | Instagram | YouTube | Telegram

1.3k 0 12 1

TerDPI rasmiy telegram sahifasi

3 Oct, 09:53

Forward from: Edu.uz

“Talaba — yugur” musobaqasining respublika final bosqichi tashkil etildi

Talaba-yoshlarni sog‘lom turmush tarziga keng jalb etish, ularning sport bilan shug‘ullanishini rag‘batlantirish maqsadida oliy ta’lim muassasalari talabalari o‘rtasida “Talaba — yugur” sport musobaqasi tashkil etib kelinmoqda.

📌 Musobaqalar yiliga ikki mavsumda:
— “Kuzgi” mavsum — oktabr-noyabr oylarida;
— “Bahorgi” mavsum — mart-may oylarida o‘tkaziladi.

📊 “Kuzgi” mavsum doirasida:
🔹 10 ta hududda musobaqalar o‘tkazildi;
🔹 21 127 nafar talaba-o‘quvchi musobaqaga jalb etildi;
🔹 812 nafar professor-o‘qituvchi va xodim ishtirok etdi;

Batafsil: https://gov.uz/edu/news/view/227498

👉 На руском
👉 In English

Facebook | Instagram | YouTube|Telegram

1.3k 0 2 5

TerDPI rasmiy telegram sahifasi

3 Oct, 08:05

🤩RUMIY MEROSI — QALBLARGA EZGULIK VA KOMILLIK SABOG‘I

🏢“Milliy tiklanish” demokratik partiyasi Surxondaryo viloyat Kengashi tashabbusi hamda Termiz davlat pedagogika instituti Tillar fakulteti hamkorligida buyuk shoir va mutafakkir Jaloliddin Rumiy tavalludiga bag‘ishlangan ma’naviy-ma’rifiy tadbir o‘tkazildi.

✅📚Unda institut professor-o‘qituvchilari va talabalari, xalq deputatlari viloyat Kengashi deputatlari, iqtidorli yoshlar hamda partiya xodimlari ishtirok etdi.

🤩Tadbir davomida Rumiyning boy ma’naviy merosi, insonparvarlik, bag‘rikenglik va komillik g‘oyalari haqida fikr almashildi. Yoshlar o‘rtasida mutafakkirning hayoti va ijodiga bag‘ishlangan intellektual o‘yin tashkil etilib, faol ishtirokchilar partiyaning esdalik sovg‘alari bilan taqdirlandi.

✍️ TerDPI matbuot xizmati

✅ Facebook 🌐 Veb sayt 📹 Youtube 🌐 Instagram ✅ Telegram

1.6k 1 8 7

TerDPI rasmiy telegram sahifasi

3 Oct, 07:49

⚡️⚡️⚡️⚡️⚡️⚡️⚡️

🏆Termiz davlat pedagogika instituti xalqaro UI GreenMetric World University Rankings 2026 reytingida 2 016 ta oliy ta’lim muassasasi orasidan 801-o‘rinni egalladi.

📊 Institutning umumiy natijasi 6 230 ballni tashkil etdi.

🌐 Mazkur natija institutda ekologik barqarorlik, yashil infratuzilma, energiya samaradorligi, chiqindilarni boshqarish, suv resurslaridan foydalanish, transport, ta’lim va boshqaruv yo‘nalishlarida amalga oshirilayotgan ishlarning xalqaro reytingda e’tirof etilganini ko‘rsatadi.

📌 Ma’lumot uchun:
UI GreenMetric World University Rankings — Indoneziya universiteti (Universitas Indonesia) tomonidan tashkil etilgan xalqaro reyting bo‘lib, oliy ta’lim muassasalarining barqaror rivojlanish va ekologik mas’uliyat sohasidagi faoliyatini baholaydi.

🗒️ 2026-yilgi reytingda universitetlar 7 ta asosiy yo‘nalish — infratuzilma, energiya va iqlim o‘zgarishi, chiqindilar, suv, transport, ta’lim hamda boshqaruv va raqamlashtirish mezonlari asosida baholangan.

✍️ TerDPI matbuot xizmati

✅ Facebook 🌐 Veb sayt 📹 Youtube 🌐 Instagram ✅ Telegram