⚡️
МАКТАБЛАРДА УЧТА ТАЪТИЛ ЎРНИГА УЗАЙТИРИЛГАН ҚИШКИ ТАЪТИЛНИ ЖОРИЙ ЭТИШ ТАКЛИФ ҚИЛИНМОҚДА25 декабрдан 2 февралгача давом этадиган қишки таътилни жорий этиш, биринчи ва сўнгги қўнғироқ кунларини 26 август ва 31 май этиб белгилаш, бошланғич синфларда дарслар давомийлигини 45 дақиқадан 40 дақиқага тушириш таклифи илгари сурилмоқда.
Ўзбекистонлик бир гуруҳ зиёлилар умумтаълим мактабларидаги ўқув йили тақвимини ўзгартиришни таклиф этмоқда. Таклиф ташаббускорларнинг Telegram'да ташкил этган «Илм-фан ва таълим» каналида
эълон қилинган.Ташаббускорлар гуруҳи қуйидаги таклифларни илгари сурган:✅Ўқув йилининг бошланишини 2 сентябрь куни ўрнига 26 август, тугашини эса 25 май ўрнига 31 май деб белгилаш;
✅Ўқувчилар учун амалдаги 4–9 ноябрь, 28 декабрь–10 январь, 21–27 март кунларидаги таътил кунлари ўрнига 25 декабрдан 2 февралгача қишки таътилни жорий этиш;
✅Ёзги таътил вақтининг икки ҳафтага қисқариши муносабати билан ўқитувчилар учун 11–25 январь кунлари давомида икки ҳафталик ҳақ тўланадиган меҳнат таътилини бериб бориш;
✅2-чораклар ҳамда 3– ва 4-чораклар оралиғида қисқа муддатли таътил зарур деб ҳисобланса, 1– ва 3-чоракнинг охирги ўқиш куни машғулотларини ҳамда 2– ва 4-чоракнинг биринчи ўқиш куни машғулотларини тегишли чораклардаги бошқа ўқиш кунларида ўтиш ҳисобига чораклар орасида икки кунлик таътил белгилаш.
Фаолларга кўра, бу таклифни амалга ошириш учун деярли маблағ сарфланмайди аксинча, бир неча ўн миллиард сўм маблағ тежалиши мумкин.
Қайд этилишича, таклиф «Менинг фикрим» жамоавий мурожаатлар порталига ҳам жойланган. Таклифнинг порталда эълон қилиниши масаласи модераторлар томонидан ҳал этилади.
Манба: Kun.uz
Берилаётган ушбу таклиф лойиҳаси билан қуйидаги
ҳавола орқали тўлиқ танишиб чиқишингиз мумкин.
P.S: Ҳа айтганча, юқоридагилар ҳукумат томонидан тасдиқланган қарор ёки фармон эмас. Бу шунчаки лойиҳа таклифи холос. Агар мазкур лойиҳа «Менинг фикрим» жамоавий мурожаатлар порталида 10 мингта овоз йиға олса, ана ундан сўнг Олий Мажлис томонидан кўриб чиқилиши мумкин.Бизнинг канал
👇👇👇
https://t.me/dokument_Zamdirektor