Ягона таълим портали | Расмий канали

⚡️​Президент мактаблари сонини 1-2 йилда камида 10 баробарга ошириш керак экан. 10 йилда эса қабул квотасини 100 баробарга ошириш керак

Иқтисодчи Беҳзод Ҳошимов ўзининг Телеграм каналида "Бемаъни лойиҳалар ўрнига юзлаб янги Президент мактабларини қурсак бўлади", - деб ёзмоқда.

Иқтисодчи ёзган фикрларини сизга тўлиқлигича ҳавола қиламиз:

“Президент мактаблари ҳақидаги дискуссиядан ягона қиладиган хулосам — мактаблар сонини бир-икки йилда камида ўн баробарга ошириш керак экан. Ўн йилда эса қабул квотасини юз баробарга ошириш керак.

Бу нарса қимматми? Ҳа, қиммат. Лекин давлат пул кетказаётган бошқа жойлардан иқтисод қилайлик.

Бир Президент мактабини қуриш — 40 миллиард сўм атрофида экан. Бу тахминан 3.5 миллион доллар. Биздек камбағал мамлакат учун катта пулми — албатта. Лекин солиштириш учун Тошкент шаҳридаги бир дона Hyatt меҳмонхонаси учун давлат 200 миллион доллардан кўп харажат қилган эди (ер учун харажатлар ҳисобга олинмаган). Бу 70 та янги Президент мактаби нархи. Худди шундай, яқинда молиявий муаммоларга учраган Тошкент металлургия заводини қуришга 400-500 миллион доллар кетган. Президент мактаблари сонига чақсак рақамлар тушунарли. Бундай зарар келтирувчи юзлаб саноат ва қишлоқ хўжалиги корхоналари мавжуд. Айримлари, ҳозирги келтирилган мисоллар каби — бухгалтерлик даражасида манфий фойда келтиради, айримлари эса, масалан автосаноат каби, мусбат рақамларга чиқиш учун яна бир неча юз миллион долларга истеъмолчиларга зарар келтиради.

Лекин умуман олганда ҳаммаси бюджетимиз ва иқтисодиётимиз учун тешик. Шунинг учун, бошқа харажатларимизга қарасак, юзлаб янги Президент мактабларини қурсак бўлар экан. Нотўғри иқтисодий сиёсатдан пулни тежасак бас.

Мен Президент мактабларини мисол келтиришимнинг сабаби — бугунги кунда уларга кириш кўп мулоҳазаларга сабаб бўлмоқда. Аслини олса, Ўзбекистонга минглаб оддий мактаблар ҳам керак, аксар мактаблар капитал ремонт талабида — бу ҳақида кўп ва хўб гапирилди.

Мен айтмоқчи бўлганим, ҳатто Президент мактаблари даражасидаги “яхши” юзлаб мактаблар қурсак бўлар эди, бемаъни лойиҳаларда бюджет ва аҳолини пулини исроф қилмасак”.

Ўқитувчи | Мактаб таълими каналига обуна бўлинг 👇👇👇

https://t.me/+hA2VoOC8CeQyNjgy
https://t.me/+hA2VoOC8CeQyNjgy

⚡️Мактаб баҳоси ўқишга киришда ҳисобга олинади. Бу тизим қандай ишлайди?

Шу йилги қабулдан бошлаб мактаб ва ўрта махсус муассасалар битирувчиларининг охирги 6 йиллик баҳолари кириш имтиҳонларида ҳисобга олина бошлайди. “5” га ўқиган ўқувчига кириш имтиҳонида тўплаган баллига 5 балл, “3” га ўқиган битирувчига эса 3 балл қўшилади. Лекин олдинги йилларда мактабни битириб кетганларга-чи? Уларга ҳам балл қўшиладими?

Жорий йилги қабулдан бошлаб мактаб битирувчиларининг охирги 6 йилликдаги баҳоларининг ўртача кўрсаткичи кириш имтиҳонларида тўплаган баллига қўшилади. Яъни битирувчининг мактабдаги баҳоси унга ўқишга киришда ёрдам беради.

Бу тизимнинг тартиби, абитуриентларнинг мажбуриятлари, баҳода хатоликлар кузатилса ва айрим саволли жиҳатлари ҳақида Kun.uz мақола тайёрлабди, мақолани батафсил қуйида ўқишингиз мумкин.

Ўқитувчи | Мактаб таълими каналига обуна бўлинг 👇👇👇

https://t.me/+hA2VoOC8CeQyNjgy
https://t.me/+hA2VoOC8CeQyNjgy

#Биласизми
⚡️​Ота-оналарнинг таълим муассасасидаги дарс жараёнига аралашишига йўл қўйилмайди

Ўзбекистон Республикаси Халқ таълими вазирининг 2022 йил 28 июлдаги 246-сонли буйруғига мувофиқ ота-оналар (уларнинг ўрнини босувчи шахслар) таълим муассасасидаги дарс жараёнига аралашиши мумкин эмас.

Томонлар ўртасида юзага келадиган ҳар қандай баҳсли вазиятлар фақатгина мактаб раҳбарияти (директор ва унинг ўринбосарлари) ҳамда мактаб психологи билан дарс жараёнига ҳалақит бермаган ҳолатда ҳал этилиши лозим.

Таълим муассасаси ҳудудида жамоа аъзоларининг ота-оналар (уларнинг ўрнини босувчи шахслар) билан муносабатлари ўзаро ҳурмат ва ҳушмуомалалик тамойилларига асосланиши лозим, бирор бир тараф томонидан бошқасининг шахсиятига камситувчи ҳатти-ҳаракатларнинг содир этилишига йўл қўйилмайди.

Томонлар юқоридаги талабларга риоя этмаган ҳолатларда вазиятни барқарорлаштириш учун маҳаллий ўзини-ўзи бошқариш ва ҳудудий ички ишлар органларига мурожаат этишлари керак.

❗️Эслатиб ўтамиз, Маъмурий жавобгарлик тўғрисидаги кодекснинг 197-5-моддасига кўра таълим муассасаси педагог ходимининг касбий фаолиятига қонунга хилоф равишда аралашиш ёки таълим муассасаси педагог ходимининг хизмат вазифаларини бажаришига тўсқинлик қилиш ҳолатлари учун:

👉 фуқароларга 1 млн 500 минг сўмдан 2 млн 100 минг сўмгача, мансабдор шахсларга эса — 2 млн 100 минг сўмдан 3 млн сўмгача миқдорда жарима солиниши мумкин.

❕Агар худди шундай ҳуқуқбузарликлар маъмурий жазо чораси қўлланилганидан кейин бир йил давомида такрор содир этилган бўлса:

👉 фуқароларга 2 млн 100 минг сўмдан 3 млн сўмгача, мансабдор шахсларга эса — 3 млн сўмдан 4 млн 500 минг сўмгача миқдорда жарима солишга сабаб бўлади.

Ўқитувчи | Мактаб таълими каналига обуна бўлинг 👇👇👇

https://t.me/+hA2VoOC8CeQyNjgy
https://t.me/+hA2VoOC8CeQyNjgy