Ўқитувчи | Мактаб таълими

⚡️Янги баҳолаш тизими ўқувчиларни ўқишга ва ўқитувчиларни ўз устида ишлашга ундайди

Мактабгача ва мактаб таълими вазири ўринбосари Сардор Раджабов янги баҳолаш тизими ҳақида ўзининг телеграм каналида қуйидагиларни ёзибди:

Ҳозирги кунда ушбу тизимга жуда ҳам кўп эътибор бўляпти. Барча томондан, ота-оналар, ўқувчиларимиз ва ўқитувчилар. Албатта, янгилик ҳар доим ҳам ҳаммага ёқавермайди. Барчамиз ўз қобиғимиздан чиқишни ҳохламаймиз. Кўп маротаба айтилганидек, бу тизим ўқувчиларни ўқишга ва ўқитувчиларни ўз устида ишлашга ундайди. Бизга эса реал ҳолатни кўрсатиб беради.

Бир тарафини алоҳида айтиб ўтмоқчиман, энг биринчиси ушбу тизим жорий қилинган мактабларда ўқувчилар томонидан ўқишга интилиш пайдо бўлди, ота-оналарнинг ҳам тизимга қизиқиши уйғонди. Ота-оналарни ўз фарзандлари ўқишига жалб қила олмас эдик. Бир хил ота-оналар болаларимиз фақат дарс билан машғул бўляпти деб ҳам эътироз билдиришмоқда.

Ушбу тизимни доимий равишда такомиллаштириб бораверамиз.

👉 @yangi_oylikbot - Ойлик ҳисоблаш учун бот.

Ўқитувчи | Мактаб таълими каналига обуна бўлинг 👇👇👇

https://t.me/+fIFNV3-cyDcyYjEy
https://t.me/+fIFNV3-cyDcyYjEy

⚡️10 март (душанба) 5 кунлик иш ҳафтасидагилар учун қўшимча дам олиш куни бўлади, 6 кунликлар учун эмас

Меҳнат кодексининг 208-моддасига биноан, агар байрам кунлари дам олиш кунига тўғри келиб қолса, унда дам олиш куни байрамдан кейинги иш кунига кўчирилади.

Жорий йилда 8 март — Халқаро хотин-қизлар куни шанба кунга тўғри келади. Демак, 5 кунликлар учун дам олиш куни 10 март, душанбага кўчирилади.

✅Шундай қилиб, 5 кунликлар учун 3 кун кетма-кет дам олиш куни бўлади:

➡️ 8 март, шанба — байрам;

➡️ 9 март, якшанба — барча учун одатий дам олиш куни;

➡️ 10 март, душанба — кўчирилган дам олиш куни.

❗️6 кунликлар учун фақат 8 март (шанба) дам олиш куни бўлади, лекин 10 март (душанба) иш куни ҳисобланади.

👉 @yangi_oylikbot - Ойлик ҳисоблаш учун бот.

Ўқитувчи | Мактаб таълими каналига обуна бўлинг 👇👇👇

https://t.me/+fIFNV3-cyDcyYjEy
https://t.me/+fIFNV3-cyDcyYjEy

⚡️Вазир жамғармаси устамаси учун дастлабки синов жараёнлари 25 февраль куни ўтказилади

✅Мактабгача ва мактаб таълими вазирининг тегишли буйруғи билан жорий йилда Вазир жамғармаси ҳисобидан ҳар ойлик устама олиш учун 1-босқич (тест) синов жараёнлари 25 февраль куни ўтказилиши белгиланди.

➖ Тест синовлари белгиланган қуйидаги ҳудудий манзилларда “test.uzedu.uz” платформаси орқали реал вақт режимида онлайн ўтказилади.

▶️ Бунда номзодларнинг ўзи дарс берадиган умумтаълим фани бўйича билим даражаси баҳоланади. Тест синовлари (40 та) учун 100 дақиқа вақт ажратилади. Ҳар бир тўғри жавоб учун 2,5 балл берилади.

❗️Тест синови натижаларига кўра, максимал баллнинг 80 фоизи ёки ундан юқори натижа кўрсатган номзодлар кейинги босқичга йўл олади.

✅Номзод педагоглар ушбу ҳавола орқали ўз ЖШШИР (жисмоний шахснинг шахсий идентификасия рақами)ини киритиб, 1-босқич синови учун тайёрланган намунавий тест саволлари билан танишиши мумкин.

☝️Эслатиб ўтамиз: Мактабгача ва мактаб таълими вазири жамғармаси ҳисобидан жорий йилда ҳар ойлик устама тўланадиган малакали педагог кадрларнинг чекланган сони (йиллик) 1 500 нафар етиб белгиланган.

Якуний натижаларга кўра, энг юқори балл тўплаган малакали педагог кадрларга меҳнатга ҳақ тўлаш энг кам миқдорининг 5,5 баравари миқдорида ҳар ойлик устама тўланади.

👉 @yangi_oylikbot - Ойлик ҳисоблаш учун бот.

Ўқитувчи | Мактаб таълими каналига обуна бўлинг 👇👇👇

https://t.me/+fIFNV3-cyDcyYjEy
https://t.me/+fIFNV3-cyDcyYjEy

⚡️Математика, физика, тарих ва география фанларидан миллий сертификат имтиҳони учун рухсатномалар эълон қилинди

📆 2025 йил 22–23 февраль (шанба-якшанба) кунлари бўлиб ўтадиган математика, физика, тарих ва география фанларидан миллий сертификат имтиҳони учун рухсатномалар эълон қилинди.

📱Тест синовида иштирок этадиган талабгорлар рухсатномани my.gov.uz сайтининг "Менинг аризаларим" бўлимидан олишлари мумкин.

📍Рухсатномада талабгорлар қачон, қаерда тест синовида иштирок этиши кўрсатилган бўлиб, талабгорлардан белгиланган вақтдан кечикмаган ҳолда келиш сўралади.

❗️Талабгорлар тест синови ўтказиладиган биноларга шахсини тасдиқловчи ҳужжат (паспорт ёки ID-карта) асосида 1-сменада 07:30 дан бошлаб (тест синови 09:00 да), 2-сменада 13:00 дан бошлаб (тест синови 14:30 да) киритилади.

☝️Тест синовига кечиккан ёки келмаган талабгорлар учун қўшимча имтиҳон ўтказилмайди.

👉 @yangi_oylikbot - Ойлик ҳисоблаш учун бот.

Ўқитувчи | Мактаб таълими каналига обуна бўлинг 👇👇👇

https://t.me/+fIFNV3-cyDcyYjEy
https://t.me/+fIFNV3-cyDcyYjEy

⚡️III чорак бўйича таълим сифати мониторинги қуйидаги синфлардан олинади

➡️ 3-синф ўқувчиларидан 2 вариантда 30 талик: 1-блок (она тили ва ўқиш саводхонлиги, математика, хорижий тил), 2-блок (математика, табиий фан, она тили ва ўқиш саводхонлиги) ҳар бир фан бўйича 10 тадан тест топшириқлари шаклида ўтказилади.

➡️ 6-синф ўқувчиларидан 2 вариантда 45 талик: 1-блок (она тили ва адабиёти, математика, хорижий тил), 2-блок (Табиий фан, тарих, рус тили), 3-блок (она тили ва адабиёти, табиий фан, информатика), 4-блок (тарих, табиий фан, математика) ҳар бир фан бўйича 15 тадан тест топшириқлари шаклида ўтказилади.

➡️ 7-синф ўқувчиларидан 2 вариантда 45 талик: 1-блок (она тили ва адабиёти, математика, хорижий тил), 2-блок (биология, кимё, рус тили), 3-блок (физика, география, она тили ), 4-блок (тарих, информатика, математика) ҳар бир фан бўйича 15 тадан тест топшириқлари шаклида ўтказилади.

❗️7-синф ўқувчилари учун назорат материаллари тайёрлашда Миллий ўқув дастури асосида яратилган дарсликларнинг таъминланган бўлиши эҳтимоли ҳисобга олинади ҳамда шундай мактаблар учун алоҳида назорат материаллари тайёрланади.

Тест синови бажариш учун 3- синфларда мониторинг ўтказиладиган фанлардан ҳар бир тест саволига 2 дақиқадан (умумий 60 дақиқа), 6- ва 7-синфларда фанлардан ҳар бир тест саволига 2 дақиқадан (умумий 90 дақиқа) вақт берилади (Миллий ўқув дастури асосидаги дарсликлар бўйича ўтказиладиган мониторинг вақти спецификацияларда алоҳида кўрсатилади).

Барча блок фанларини қамраб олиш мақсадида синф ўқувчилари сонига қараб гуруҳлар шакллантирилади.

☝️Эслатма: Ушбу мониторинг тестлари март ойида ўтказилади.

Асос: Халқ таълими вазирининг 2022 йил 11 октябрдаги 313-сонли буйруғи.

Ўқитувчи | Мактаб таълими каналига обуна бўлинг 👇👇👇

https://t.me/+fIFNV3-cyDcyYjEy
https://t.me/+fIFNV3-cyDcyYjEy

#Маълумот_учун
⚡️Ўзбекистонда меҳнат таътилига ҳақ тўлашда энди якшанба кунлари ҳисобга олинмайди

Ишдан бўшашда таътил учун компенсация ҳисоблашда ҳам якшанба кунлари қўшилмайди.

👉 @yangi_oylikbot - Ойлик ҳисоблаш учун бот.

Ўқитувчи | Мактаб таълими каналига обуна бўлинг 👇👇👇

https://t.me/+fIFNV3-cyDcyYjEy
https://t.me/+fIFNV3-cyDcyYjEy

1️⃣2️⃣3️⃣4️⃣5️⃣
⚡️Иш ҳақи, пенсия ва нафақалар 1 мартдан ва 1 августдан 10% га оширилмайди

"Айни пайтда ижтимоий тармоқларда иш ҳақи, пенсия ва нафақаларнинг 2025 йил 1-мартдан ва 1-августдан 10 фоизга оширилиши тўғрисида хабарлар ҳақиқатга тўғри келмаслигини маълум қиламиз.

“Иш ҳақи ва пенсиялар бўйича ҳар қандай расмий маълумотлар тегишли давлат органларининг расмий манбалари орқали эълон қилинади." - дейилади хабарда

👉 @yangi_oylikbot - Ойлик ҳисоблаш учун бот.

Ўқитувчи | Мактаб таълими каналига обуна бўлинг 👇👇👇

https://t.me/+fIFNV3-cyDcyYjEy
https://t.me/+fIFNV3-cyDcyYjEy

⚡️Дуч келган одам ўқитувчига дўқ қилиш уёқда турсин, маданият чегарасидан четга чиқиб гаплашишга ҳақли эмас

“Педагогнинг ҳуқуқлари, шаъни, қадр-қиммати ва ишчанлик обрўси давлат ҳимояси остида бўлади”.

“Педагогнинг мақоми тўғрисида”ги Ўзбекистон Республикаси Қонунининг 3-моддасидан.

Афсуски, ижтимоий тармоқларда дарс вақтида синфхонага бостириб кириш, ўқитувчини ҳақоратлаш, ўқувчилар олдида изза қилиш, ҳатто дўппослаш ҳолатлари тез-тез муҳокама марказига чиқяпти. Яқинда Сирдарёда бўлган ҳолат ҳам шулар жумласидандир.

Зўравонлик ҳолатлари юз берганда тегишлича мурожаат қилиниб, айбдорларга чора кўрилган.

Бу каби ҳолатлар юз берганда ўқитувчи-педагогларимизни ҳимоя қилиш учун керакли юридик, ижтимоий, психологик ёрдам берилади.

Шуни тушуниб олишимиз керакки, мактабга дуч келган одам (дарс вақтида ҳатто ота-она ҳам) истаганича кириб-чиқиш, дарс жараёни ва педагоглар фаолиятига аралашиш, ўқитувчига дўқ қилиш уёқда турсин, маданият чегарасидан четга чиқиб гаплашишга ҳақли эмас. Бундай ҳолатлар аниқланса вазирлик зудлик билан ҳуқуқ-тартибот идораларига мурожаат қилади!

Ҳурматли ўқитувчилар, жонкуяр педагоглар, қадрли жамоамиз, сизнинг фаолиятингиз ҚОНУН билан ҳимояланган, қадр-қимматингизни ҳимоя қилиш учун барча имкониятимизни ишга солишга тайёрмиз.

Ҳилола Умарова, Мактабгача ва мактаб таълими вазири

👉 @yangi_oylikbot - Ойлик ҳисоблаш учун бот.

Ўқитувчи | Мактаб таълими каналига обуна бўлинг 👇👇👇

https://t.me/+fIFNV3-cyDcyYjEy
https://t.me/+fIFNV3-cyDcyYjEy

⚡️Сирдарёда ўқитувчини калтаклаган аёл руҳий касалликлар шифохонасига ётқизилди

Бир неча кун олдин Сирдарё туманидаги 1-мактабда фуқаро Г.Х. дарс вақтида синфхонага бостириб кириб, ўқитувчини
ҳақорат қилиб, унга қўл кўтаргани акс этган юқоридаги видео жамоатчилик ўртасида кескин муҳокамаларга сабаб бўлган эди.

Ҳолат бўйича Ўзбекистон Республикаси Маъмурий жавобгарлик тўғрисидаги Кодекснинг тегишли бандларига кўра маъмурий иш қўзғатилиб, Жиноят ишлари бўйича Сирдарё туман судида кўриб чиқилди.

Судга вилоят руҳий касалликлар шифохонаси томонидан берилган писихиатрик экспертиза хулосаси тақдим этилган. Ушбу экспертиза хулосасида қайд этилишича, фуқаро Г.Х. ақлий заифлик енгил даражаси билан хасталанган ҳамда ҳуқуқбузарликни содир этган вақтда ўз ҳаракатларига жавоб бера олмаган.

Юқоридагиларни инобатга олган ҳолда, суд фуқаро Г.Х.нинг умумий тартибли руҳий касалликлар шифохонасида мажбурий даволаниши юзасидан ҳукм чиқарган. Фуқаро Г.Х. айни вақтда руҳий касалликлар шифохонасига жойлаштирилган.

Мактабгача ва мактаб таълими вазирлиги

👉 @yangi_oylikbot - Ойлик ҳисоблаш учун бот.

Ўқитувчи | Мактаб таълими каналига обуна бўлинг 👇👇👇

https://t.me/+fIFNV3-cyDcyYjEy
https://t.me/+fIFNV3-cyDcyYjEy

⚡️Мактаб ошхоналарида болалар ва ўсмирлар учун рухсат этиладиган ва этилмайдиган озиқ-овқат маҳсулотлари ва таомлари

❓Савол:

Мактаб ошхоналарида ўқувчилар учун қайси озиқ-овқатлар тавсия этилган?

✅Жавоб:

“Умумий ўрта, ўрта махсус, профессионал таълим муассасаларида ўқувчилар овқатланишини ташкил этишнинг санитария қоидалари, нормалари ва гигиена нормативлари” (Адлия вазирлиги томонидан 2021 йилда 32-рақам билан ҳисобга олинган)да бу ҳақида батафсил маълумот келтириб ўтилган.

➡️ Умумтатаълим муассасаларидаги болалар ва ўсмирлар учун истеъмолга тавсия этиладиган асосий озиқ-овқат маҳсулотлари ассортименти;

➡️ Умумтаълим муассасаларида рухсат этилмайдиган озиқ-овқат маҳсулотлари ва таомлари рўйхати.

👉 @yangi_oylikbot - Ойлик ҳисоблаш учун бот.

Ўқитувчи | Мактаб таълими каналига обуна бўлинг 👇👇👇

https://t.me/+fIFNV3-cyDcyYjEy
https://t.me/+fIFNV3-cyDcyYjEy

⚡️Бугун, 14 февраль шоҳ ва шоир Заҳириддин Муҳаммад Бобур (1483-1530) таваллудига 541 йил бўлди

Ҳар кимки, вафо қилса, вафо топқусидир,
Ҳар кимки, жафо қилса, жафо топқусидир,
Яхши киши кўрмагай ёмонлиқ ҳаргиз,
Ҳар кимки, ёмон бўлса, жазо топқусидир.

Бобур тарихда мисли йўқ даражада маданий, дилбар шахслардан бири эди. (Жавоҳарлаъл Неру)

Ўқитувчи | Мактаб таълими каналига обуна бўлинг 👇👇👇

https://t.me/+fIFNV3-cyDcyYjEy
https://t.me/+fIFNV3-cyDcyYjEy

⚡️Ўқув йили якунида республика миқёсида "Энг намунали эко мактаб" танлови ўтказилади

Аввал хабар қилинганидек, Ўзбекистон Республикаси Президентининг “Ўзбекистон – 2030” стратегиясини “Атроф-муҳитни асраш ва яшил иқтисодиёт” йилида амалга оширишга оид давлат дастури тўғрисида"ги Фармони қабул қилинди. Унга кўра:

✅2025-2026-ўқув йилидан:

➡️ республиканинг ҳар бир туманида (шаҳрида) босқичма-босқич инклюзив таълим талабларига жавоб берадиган камида биттадан умумтаълим мактаби фаолияти ташкил этилади;

➡️ янги баҳолаш тизими жорий этиладиган умумтаълим мактаблар сони 3 000 тага етказилади;

➡️ мактабгача таълим ташкилотлари ва умумтаълим мактабларида қўл меҳнати билан яратилган асарлар, ўқувчилар томонидан чизилган расмлар ва ижодий ишларни ўз ичига олган "Экологик бурчаклар";

➡️ мактабгача таълим ташкилотларида "Экологик йўлакчалар";

➡️ мактабларда I ва III чоракнинг сўнггида "Табиатни асрашда менинг ҳиссам" мавзусида туркум тадбирлар ташкил этилади;

➡️ ўқув йили якунида республика миқёсида "Энг намунали эко мактаб" танлови ўтказилади; 

✅2025 йил 1 фералдан:

➡️ умумий ўрта таълим муассасаларида ўзбек тили (давлат тили) фани бўйича дарс берувчи ҳамда Билим ва малакаларни баҳолаш агентлигининг миллий баҳолаш тизимида олинган тегишли даражадаги ўзбек тили ва адабиёти сертификатига эга бўлган педагог кадрларга уларнинг тариф ставкасига нисбатан 50 фоиз миқдорида ҳар ойлик қўшимча устама тўланади;

✅2025 йил 1 майдан:

➡️ "Тоза қўллар" дастури доирасида барча таълим муассасаларининг қўл ювиш жойлари зарур санитария-гигиена воситалари билан таъминланади;

✅2025 йил давомида:

➡️ мактабгача таълим ташкилотлари мавжуд бўлмаган олис ва чекка ҳудудларда мактабгача таълимнинг муқобил шакли бўлган мобиль гуруҳлар фаолияти йўлга қўйилади;

➡️ уйда таълим олаётган ўқувчилар учун электрон ва видео дарсликлар яратилади ҳамда мобиль қурилмалар орқали фойдаланиш учун махсус мослаштирилган платформа яратилади;

➡️ "Рақамли кутубхона" тизимининг китобларга буюртма бериш модули жорий этилади;

➡️ умумтаълим мактаблари табиий фанлар лаборатория жиҳозлари, спорт жиҳозлари ва миллий мусиқа чолғу асбоблари билан таъминланади;

➡️ умумий ўрта таълим муассасалари учун 65 номдаги янги дарсликлар, машқ дафтарлари, ўқитувчи методика китоблари яратилади;

➡️ умумий ўрта таълим муассасаларига 500 нафар хорижий мутахассислар жалб этилади;

➡️ нодавлат умумий ўрта таълим ташкилотлари сони 700 тага етказилади;

✅2025 йил октябрь-декабрь ойларида:

➡️ мактаб ўқувчилари ўртасида гимнастика бўйича "Мактабгача ва мактаб таълими вазири кубоги" спорт мусобақаси ўтказилади.

✅Шунингдек, тегишли вазирлик ва ташкилотлар, маҳаллий ҳокимликлар билан ҳамкорликда:

➡️ мактабдан ташқари таълим ташкилотларининг ўқитувчи-тренерлари ривожланган хорижий мамлакатларга малака ошириш ва стажировкага юборилади;

➡️ интеллектуал ўйинларни ривожлантириш мақсадида таълим муассасаларида шахмат тўгараклари жорий этилади;

➡️ "Бир миллион дастурчи" лойиҳаси доирасида ёшларни нуфузли халқаро компаниялар талабларига мос дастурлар асосида тайёрлаш чоралари кўрилади;

➡️ таълим муассасалари эҳтиёждан келиб чиққан ҳолда чиқинди контейнерлар билан таъминланади.

👉 @yangi_oylikbot - Ойлик ҳисоблаш учун бот.

Ўқитувчи | Мактаб таълими каналига обуна бўлинг 👇👇👇

https://t.me/+fIFNV3-cyDcyYjEy
https://t.me/+fIFNV3-cyDcyYjEy

⚡️Ҳар бир мактабда яккакураш ва жамоавий олимпия спорт турлари бўйича камида 1 тадан тўгарак бўлиши шарт

Бунинг учун Спорт вазирлиги ўз тизимидаги барча спорт мактаблари тренерларини умумтаълим мактабларидаги жисмоний тарбия ўқитувчиларига бириктиради.

Федерациялар ҳар бир туманда биттадан умумтаълим мактабини танлаб, ўз йўналишидаги спорт турига мослаштиради. Уларни малакали мураббий ва спорт инвентарлари билан таъминлайди.

Мактаблар ўртасида олимпия спорт турлари бўйича мусобақалар ташкил қилинади.

Энг яхши натижа кўрсатган ўқувчилар селекция қилиб борилади, мактаблар эса керакли спорт инвентари билан таъминланади.

Натижа кўрсатган жисмоний тарбия ўқитувчилари алоҳида рағбатлантирилади.

👉 @yangi_oylikbot - Ойлик ҳисоблаш учун бот.

Ўқитувчи | Мактаб таълими каналига обуна бўлинг 👇👇👇

https://t.me/+fIFNV3-cyDcyYjEy
https://t.me/+fIFNV3-cyDcyYjEy

#Биласизми
⚡️Мактабга биринчи марта ишга қабул қилинган талабгорлар 1 йил муддатда касбий сертификат ололмаса, улар ишдан бўшатилади

❗️Педагог кадрларни касбий сертификатлаш бўйича давлат хизматлари кўрсатилади.

Ҳукумат қарори (87-сон, 12.02.2024 й) билан “Давлат умумий ўрта таълим ташкилотлари педагог кадрларини касбий сертификатлаш бўйича давлат хизматларини кўрсатишнинг маъмурий регламенти” тасдиқланган.

🔰Унга кўра, педагогик касбга биринчи марта ишга қабул қилинадиган олий маълумотли талабгорлар стажёр-ўқитувчи сифатида фаолият юритади ва улар ишга қабул қилинган вақтдан бошлаб 1 йил муддат давомида касбий сертификатга эга бўлиши талаб этилади.

🏢 Касбий сертификатлаш жараёнига талабгор ўз муддатида жалб этилиши учун у фаолият кўрсатаётган давлат умумий ўрта таълим ташкилотининг раҳбари масъул ҳисобланади.

📝 Талабгор назорат синовида қатнашиш учун сўровномани давлат хизматлари марказларига шахсан бориб ёки ЯИДХП (my.gov.uz)да тўлдирган ҳолда рўйхатдан ўтади.

🚫 Биринчи марта касбий сертификат олиш бўйича назорат синовида иштирок этиш учун талабгордан тўлов ундирилмайди.

🗓 Касбий сертификат олиш учун назорат синови қоида тариқасида, ҳар йили март – май ойларида тест шаклида ўтказилади.

📤 Назорат синови натижаси бўйича 56 ва ундан юқори балл тўплаган талабгор назорат синовидан ўтган ҳисобланади ва электрон шаклдаги сертификат унинг шахсий кабинетига юборилади.

⚠️ Навбатдан ташқари назорат синовида иштирок этиб, етарли балл тўплай олмаган талабгор билан тузилган меҳнат шартномаси меҳнат қонунчилигида белгиланган тартибда бекор қилинади.

👉 @yangi_oylikbot - Ойлик ҳисоблаш учун бот.

Ўқитувчи | Мактаб таълими каналига обуна бўлинг 👇👇👇

https://t.me/+fIFNV3-cyDcyYjEy
https://t.me/+fIFNV3-cyDcyYjEy

⚡️2024/2025 ўқув йили якунигача мактаблар битирувчиларини эгаллайдиган касб-ҳунари бўйича амалий имтиҳондан ўтказиш ва уларга электрон сертификат бериш тартиби жорий этилади

❗️Ҳукумат қарори (78-сон, 11.02.2025 й.) билан “Ўқувчиларни касб-ҳунарга ўқитишда умумий ўрта таълим муассасалари ва тадбиркорлик субъектларининг ўзаро ҳамкорлик қилиш тартиби тўғрисида”ги низом тасдиқланди.

✅Низом ўқувчиларни касб-ҳунарга ўқитишда умумий ўрта таълим муассасалари билан тадбиркорлар ва ҳунармандларнинг ўзаро ҳамкорлик қилиш тартибини белгилайди.

📜 Низом қуйидагиларни назарда тутади:

▪️умумий ўрта таълим муассасалари ва тадбиркорлар ўртасидаги ҳамкорлик йўналишлари;

▪️умумий ўрта таълим муассасалари ўқувчиларни касб-ҳунарга ўқитишни ташкил этиш тартиби;

▪️тадбиркорлар томонидан мактабларда касб-ҳунар тўгаракларини ташкил этиш асослари;

▪️умумий ўрта таълим муассасаларининг бўш турган биноларини тадбиркорларга ижарага беришда умумий ўрта таълим муассасаси ва тадбиркорларнинг мажбуриятлари.

📚 Касб тўгаракларига касбга қизиқиши бўлган 7–11-синф ўқувчилари жалб этилади.

▶️ 2025 йилдан 8-синф ўқувчилари учун саноат, ишлаб чиқариш, хизмат кўрсатиш, агротехнология соҳаларидаги корхона ва ташкилотларга экскурсиялар ташкил этилади.

🎓 2024/2025 ўқув йили якунигача мактаблар битирувчиларини эгаллайдиган касб-ҳунари бўйича амалий имтиҳондан ўтказиш ва уларга электрон сертификат бериш тартиби жорий этилади.

👉 @yangi_oylikbot - Ойлик ҳисоблаш учун бот.

Ўқитувчи | Мактаб таълими каналига обуна бўлинг 👇👇👇

https://t.me/+fIFNV3-cyDcyYjEy
https://t.me/+fIFNV3-cyDcyYjEy

#Эслатма
⚡️Ўқувчиларнинг аттестация учун рўйхатдан ўтиши 1 мартга қадар давом этади

2025 йил январь-июнь ойларида ўтказиладиган педагог кадрлар аттестациясида иштирок этиш учун рўйхатдан ўтиш ва мурожаат юбориш бошланди.

✅Бунинг учун қуйидаги ҳаволалардан бири билан логин-парол ёки ONE ID орқали шахсий кабинетга кирилади ва тегишли маълумотлар киритилади:

➡️ https://pedkadr.uzedu.uz/

➡️ https://pedagog.uzedu.uz/

Педагог кадрлар аттестациясида иштирок этиш учун рўйхатдан ўтиш ва мурожаат юбориш жорий йилнинг 1 мартга қадар давом этади.

👉 @yangi_oylikbot - Ойлик ҳисоблаш учун бот.

Ўқитувчи | Мактаб таълими каналига обуна бўлинг 👇👇👇

https://t.me/+fIFNV3-cyDcyYjEy
https://t.me/+fIFNV3-cyDcyYjEy