#tafsir #ulamolar

Муҳибуддин Табарий
(«Хулосату сияри саййидил башар» асари муаллифи)

Абул Аббос Аҳмад ибн Абдуллоҳ Муҳиббиддин Табарий (¹) ҳижрий 615 (мил. 1218) йили Маккаи мукаррамада таваллуд топган.
Ёшлигидан Шуайб Заъфароний, Абдураҳмон Аттор, Маждуддин Қушайрий каби кўплаб олимлардан  таълим олган. Ўз навбатида Асириддин Абу Ҳайён, Қутбиддин Халабий, Ҳофиз Димётий, Шамсиддин ибн Муслим каби шогирдларни ҳам етиштирган. У ўз даврининг етук муҳаддиси ва Ҳижоз муфтиси бўлган. 

Китоблари: 
«Ал-аҳкомул кубро»;
«Хулосату сияри Саййидил башар»;
«Ас-симтус самийн фи маноқиби уммахотил мўминин»;
«Ар-риёзун назара фи маноқибил ашара»;
«Захоирул уқба фи маноқиби завил қурба»;
«Ғарийбу жомеъул усул»;
«Ал-кофий фи ғарийбил Қуръон»;
«Мухтасару аворифул маъориф»;
«Ал-маслакун набиҳ фи талхисит танбиҳ» ва бошқалар.

Муҳиббиддин Табарий ҳижрий 694 (мил. 1295) йили Маккаи мукаррамада вафот этган ва «Муалло» қабристонига дафн этилган.

¹. Бу ҳижрий 224-310 йилларда яшаб ўтган машҳур муфассир имом Муҳаммад ибн Жарир Табарий эмас.

@siyratmanba