SIRLI KITOBXON I Ibragimov Ulug'bek

@sirli_kitobxon

Channel's geo and language: Uzbekistan, Uzbek

Category: not specified

SIRLI KITOBXON I Ibragimov Ulug'bek
Telba-teskari fikrlarim, asarlardan iqtibos va taqrizlar, sevimli filmlarim va podkastlar, she'rlar va shunga o'xshash nimadirlar...
Aloqa 📬: @kitobxon_aloqa_bot (vaqtinchalik o'chiq)

Related channels

Channel's geo and language

Uzbekistan, Uzbek

SIRLI KITOBXON I Ibragimov Ulug'bek

11 Nov, 07:22

O'zbekistonning mafkurasi mavjudmi?

... Hech qaysi mafkura davlat mafkurasi sifatida o'rnatilishi mumkin emas.
(O'zbekiston Respublikasining Konstitusiyasi, 12-modda)

Shu o'rinda savol tug'iladi, xo'sh, davlatimizda hech qanday mafkura o'rnatilishiga yo'l qo'yilmas ekan, davlatning o'z mafkurasi mavjudmi? Avvalo tarixga murojaat qilganimizda, shuni ko'rishimiz mumkinki, o'tgan asr davomida nafaqat yurtimizda, balki ko'plab yurtlarda mafkuraviy kurash kechardi. O'zimizni yurtda esa, XlX asrning 40-50-yillarida shaxsga sig'inish mafkurasi, undan so'ng kommunistik g'oyalarga asoslangan mafkuralarni ko'rishimiz mumkin. Xo'sh, hozirchi? Hozir hech qanday mafkura yo'q, deysizmi? Yo'q, aslo bunday emas. Mafkura har bir davlatda har vaqtda bo'ladi. Ko'p mafkuraviy davlatlar mavjud va faqat bitta mafkura ortidan boradigan davlatlar mavjud. Biz ikkinchi davlatlar sirasiga kiramiz. Bizda davlat mafkurasi hammasidan ustun. Bog'cha borishni boshlashingiz bilan sizga bayramlarda Vatan haqida she'r yodlatishadi, maktabga keldingizmi, maktabda ham shu gap. Musiqa kitobini eng boshi O'zbekiston Madhiyasidan boshlanadi. Alifbe kitobi muqovasida bayroq, o'qish kitoblarini deyarli yarmi Vatan haqidagi she'rlar bilan to'lgan. She'rni yodlasangiz sizni yuqori baholashadi. Siz va bizni shu qorichasiga she'r yodlashimizda ham miyamizda vatanparvarlik mafkurasi shakllanadi. Yuqori sinflarda ham shu gap, Vatan haqida insho yozasiz, vatanparvarlik ruhidagi turli xil tadbirlarga qatnashasiz. Yana bir misol, har ertalab soat 8:00 da maktab, bog'chalarda, soat 6:00 va 24:00 da davlat televediniyalarida madhiya kuylanishi, bularning bari insonlarni mafkuraviy jihatdan Vatanni sevdirish uchun qilingan sa'y-harakatlar.
Bizda vatanparvarlik mafkurasi Yaponiya, Germaniya singari kuchli emas, ammo mavjud. Umuman olganda mafkurani yomon deb ham bo'lmaydi, lekin hukumat bu mafkurani o'z yo'lida ishlatishi mumkin. Mafkuradan propaganda quroli sifatida ham foydalanish mumkin. Bu esa juda yomon oqibatlarga olib kelishi mumkin.

@sirli_kitobxon

65 0 0

SIRLI KITOBXON I Ibragimov Ulug'bek

10 Nov, 09:26

Paulo Koeloning "Alkimyogar" asariga taqriz.

"Barcha orzular amalga oshishi mumkin, agar ularni amalga oshirishga qat'iyatimiz yetarli boʻlsa."
(Uolt Disney)

"Alkimyogar" – "Kichkina shahzoda" va "Chol va dengiz " kesishgan nuqta. Asar nega hayotda hamma ham orzu-istaklariga erisha olmaydi, degan savolga javob olishingizga ko'maklashadi. Paulo Koelo bunga sabab qilib to'rt narsani keltiradi:
• go'daklik paytimizdan boshlab bizga ota-onamiz va kattalar tomonidan qaysidir narsaga intilsak, bu imkonsiz deb to'siq qo'yishlari;
• ko'pchiligimizning sevgi, mehr-muhabbatni orzu yo'lidagi to'siq deb bilishimiz. Aslida bu tuyg'ular orzularimizni amalga oshirishda tayanch vazifasini o'taydi;
• omadsizlik va mag'lubiyatdan cho'chish hissi. Juda ko'p insonlar mag'lubiyatdan qo'rqib, hatto urinib ham ko'rmaydi;
• yuqoridagi uch to'siqni yenganingizdan so'ng eng katta, eng qiyin to'siq bu orzular ijobatidan qo'rquv va noloyiqlik hissi. Ko'pchilikning xatosi, orzusi deyarli amalga oshay deganda o'zini bu orzuga noloyiqman, deb o'ylay boshlashi. Atrofga qarab odamlarning orzulariga yetisholmayotganini ko'rib, o'zini ayblay boshlaydi. Shu nuqtaga yetib kelish uchun qilgan barcha sa'y-harakatlarini unutadi.
Mana shu to'rt to'siqdan o'ta olgan inson Xudoni irodasi bilan albatta o'z orzusi ijobatini ko'radi. Poulo Koelo mana shu bosqich va orzu yo'lidagi boshqa to'siqlardan qanday qilib o'tish kerakligini cho'pon yigit Santyago orqali kitobxonlarga ko'rsatib beradi. "Alkimyogar" ramziy kitob bo'lsada, o'quvchi bu ramzlarni uqib olishi juda oson. Shu o'rinda yozuvchining ramzlardan o'ta o'rinli va mahorat bilan foydalanganligiga o'zingiz asarni o'qish davomida guvoh bo'lasiz.

#taqriz #bookreview

@sirli_kitobxon

106 0 2 1

SIRLI KITOBXON I Ibragimov Ulug'bek

8 Nov, 16:08

Haqiqiy kitobxon kim? Haqiqiy kitobxon Dostoyevskiy, Remark, Kafkalarni bemalol asosli tanqid qila oladiganlardir. Hamma maqtagani uchun bu asarlar kamchiliksiz, mukkamal bo'lmaydi. Sun'iy ravishda o'zingizga kumir yaratmang. Bunga misol qilib aytishim mumkin, O'lmas Temur o'ziga sun'iy ravishda Dostoyevskiyni kumir qilib olgan. Bu yaqqol namoyon bo'ladi. Siz bunaqa vaqtda hech qachon asarni tahlil ham qilmaysiz, kamchiliklarini ko'rsangiz ham ko'z yumib ketasiz, chunki u yozgan asarlarda kamchilik bo'lishi mumkin emas. Bunday yolg'onlardan sizga bir tiyinlik foyda tegmaydi.
Haqiqiy kitobxon kim? Kitoblarni to'xtamay, oqimsiz o'qigan kimsa emas, kitoblarni saralab o'qiydigan inson. Hamma o'qigani uchun Dostoyevskiy, Remark, Kafkalarni o'qish shart emas. Yoki yana bir misol, Mirzohid Muzaffar (Bobil kutubxonasi) tarjima qilgani uchun juda ko'p bookblogerlar "Taxtlar o'yini", "Nyu York Trilogiyasi", "Kirka" asarlarini tavsiya qilishdi. Bu yaxshi albatta, hamkasb hamkasbni qo'llab-quvvatlashi kerak. Ammo bu degani siz, men va qolgan barcha kitobxonlar bu kitoblarni olib o'qishimiz kerak degani emas. Sizga fentezi janri yoqmasa, "Taxtlar o'yini"ni o'qib nima qildingiz?
Haqiqiy kitobxon kim? O'tirib olib, ijtimoiy tarmoqlarda turk adabiyotini kecha-yu kunduz g'iybat qiladigan kimsa emas. Bunday kimsa burnining tagini ko'rolmaydigan, manman kimsadir. To'g'ri, kitoblar saviyasi ma'lum bir darajaga bo'linadi, lekin turk adabiyotini ham to'la-to'kis "axlat"ga chiqara olmaymiz va bunga haqqimiz ham yo'q.
Haqiqiy kitobxon kim? O'z prinsiplari va o'z mustaqil fikriga ega inson!

@sirli_kitobxon

141 0 2 9

SIRLI KITOBXON I Ibragimov Ulug'bek

7 Nov, 19:53

Hayot nima?

• Dostoyevskiy: Bu jahannam.
• Sokrat: Bu sinov.
• Aristotel: Bu aql.
• Nitsshe: Bu kuch.
• Freyd: Bu o'lim.
• Marks: Bu g'oya.
• Pikasso: Bu san'at.
• Gandi: Bu sevgi.
• Shopengauer: Bu azob.
• Bertran Rassell: Bu raqobat.
• Stiv Jobs: Bu ishonch
• Eynshteyn: Bu bilim.
• Stiven Xoking: Bu umid.
• Kafka: Bu faqat boshlanish.

@sirli_kitobxon

263 0 11 2

SIRLI KITOBXON I Ibragimov Ulug'bek

5 Nov, 16:50

Men Dostoyevskiyni ham, Kafkaning ham og'li emasman. Remark ham amakim emas. Men otamning o'g'liman va muhimi kelajakda o'g'limning otasi kim bo'lishi...

172 0 0 4

SIRLI KITOBXON I Ibragimov Ulug'bek

4 Nov, 07:38

...«Aynan qurol-yarog‘ urush olovini yoqadi», degan fikr mudom ta’qib etardi meni. Dunyoda shu qadar ko‘p qurol to‘planganki, oxir-oqibat, ular odamlardan ustun kelib, ularni o‘zaro dushman qilgandi... jang paytida temir qurollardan foydalanish, o‘qqa tutish avjiga chiqsa, bu jarayonda insonning qadr-qimmati qolmas ekan. Odamlar qurollar kuchlaridan jazavaga tushib, bir-birini yo‘q qilishga telbalarcha tashlanishadi. Bunday paytda har qanday odam, bordiyu, ikki yovlashgan tomondagi barcha tirik jon qirilib bitgan taqdirda ham, qurol-yarog‘lar, to butun jahonni yo‘q qilmaguncha urushni to‘xtatmasa kerak, deb o‘ylab qolishi aniq.

📖 "Dushman" hikoyasi
✍🏻 Erix Mariya Remark

#asardan

@sirli_kitobxon

187 0 0 2

SIRLI KITOBXON I Ibragimov Ulug'bek

3 Nov, 19:40

время летит — Rauf & Faik

03:32

178 0 2

SIRLI KITOBXON I Ibragimov Ulug'bek

3 Nov, 19:40

первый поцелуй — Rauf & Faik

04:09

186 0 2

SIRLI KITOBXON I Ibragimov Ulug'bek

2 Nov, 17:25

Chiroyli qiz – badbaxt qiz

Qiziq dunyo, g'alat ma'vo,
Odamlari, men va siz .
Yo'l chetida ajib navo,
Yana bir qiz – badbaxt qiz

E'tibor ham bermas olam,
Bersangiz gunohkorsiz.
Ishonmayman emas odam,
Mana bu qiz – badbaxt qiz.

Nima edi asli niyat,
Kechir, Xudomasda biz...
Qanday to'kar endi savlat,
Baxtiqaro – badbaxt qiz.

Umrga tatigulik rohat –
Badanda noma'lum iz.
Bo'lmasin hech ham arosat,
Sotma nomus, badbaxt qiz.

O'tar husning, o'tar davron
Yo'l chetida turgan qiz,
Mayli sendan qilmam gumon
Chiroyli qiz - badbaxt qiz.

Pathos(

@sirli_kitobxon

213 0 1 3

SIRLI KITOBXON I Ibragimov Ulug'bek

31 Oct, 01:00

Cho'ponlarda ham, dengizchi-yu jahongashta savdogarlarda ham doim intiq bo'lib, sog'inib yashaydigan bir shahri bo'ladi va u yerda, ozod qushday dunyo kezish baxtidan voz kechishga arziydigan hurliqo yashaydi.

Agar bugun men yirtqich hayvonga aylanib, ularga bir boshdan qiron solsam, otarning yarmidan ko'pini nobud qilganimdan keyingina ular nima boʻlayotganini tushunib yetadi, – oʻyladi Santyago. – Ular menga oʻz instinktlaridan ko'ra ortiqroq ishonadi, chunki faqat men ularni qorin to'yg'azadigan joyga olib boraman.

Atrofingda doim bir xil odamlar bo'lsa – xuddi diniy maktabda o'qib yurgan paytdagiday – o'z-o'zidan ular sening hayotingga aralasha boshlaydi. Hayotingga aralashib turib, biroz vaqt o'tgach, uni o'zgartirgilari kelib qoladi. Agar sen ular xohlaganday bo'la olmasang – arazlashadi. Har kim o'zicha bu dunyoda aynan qanday yashash kerakligini aniq biladi.
Biroq hech kim o'zining shaxsiy hayotini negadir yo'lga sola olmaydi. Bu xuddi lo'li kampirning amaliga o'xshaydi, u tushlarni ta'birlaydi, lekin rostga aylantirishga qurbi yetmaydi.

Bu sayyorada bir ulug' haqiqat mavjud: sening kimligingdan va nima qilayotganingdan qat'i nazar, qachonki sen bir nimani chin yurakdan istasang, bunga erishasan, chunki shunday istak olam qalbida ham yaraladi. Va bu sening Yerdagi nasibangdir.
Odamlarga o'z hayotlarining mohiyati juda erta ayon bo'lib qolganday tuyuladi, – dedi qariya va Santyago uning ko'zlaridagi g'amni ilg'adi. – Ehtimol, shuning uchun ham ular bundan juda erta voz kechishar. Nachora, dunyo shunday qurilgan.

Ba'zida hammasini o'z holicha qoldirgani ma'qul.

...kunlari ikki tomchi suvday yakrang odamlar har tong quyosh charaqlab chiqib, turmushiga ro'shnolik bag'ishlayotganini payqashmaydi.

Men xuddi boshqa oddiy odamlardayman: xayolimdagini borga yo'yaman va dunyoni asli qanday bo'lsa shundayligicha emas, balki o'zim xohlaganday ko'raman.

...qalb faqat odamlarga xos xususiyat emas, olamdagi jamiki unsurlarda – u toshmi, giyohmi, hayvon yoki hatto fikrmi – barisida qalb bor.

Odamning og'zidan kirgani emas, balki og'zidan chiqqani yomon...

📖 "Alkimyogar"
✍🏻 Paulo Koelo

#iqtiboslar

@sirli_kitobxon

217 0 3

SIRLI KITOBXON I Ibragimov Ulug'bek

29 Oct, 08:27

Rauf Parfining "Hukmnoma" asariga taqriz

She'r yozish poklanish degani. Poklanishga doim tayyorman.
(Rauf Parfi)

Shoirlik ham mashaqqat. Bu dunyodan millionlab shoirlar o'tgan. Ammo ulardan sanoqlilarigina tarixda o'z nomini qoldira olgan. Rauf Parfi mana shunday shoirlardan biri edi. Uning she'riyati baxt va hayotni madh etmasdi. Uning she'rlari bamisoli qayg'u va o'lim marsiyasi singari edi. Rauf Parfi o'rtamiyonalikni yoqtirmasdi. Doim mukammalikka qarab intilar edi, o'z xatolarini tan olishdan qo'rqmas edi. Rauf Parfini doim bir dard azoblardi – Vatan tuyg'usi. Ammo bu Vatan tuyg'usi boshqa shoir va yozuvchilardan tubdan farq qilardi. U Vatan deb butun Turkistonni madh etardi, o'z she'rlarida butun Turkistonni birlashishga chorlar edi.
Rauf Parfi yolg'on shoirning o'limi ekanligini doim ta'kidlar edi. U Abdurauf Fitrat, Cho'lpon, Abdulla Qodiriy singari yozuvchi-shoirlarni madh etish bilan birgalikda, G'afur G'ulom, Hamid Olimjon, Uyg'un kabi adiblarni qoralashdan qo'rqmas edi. Rauf Parfi she'riyatga soxtalik, yuzakilik bilan qaray olmasdi. Rauf Parfi uchun she'r yozish ibodat qilishga teng jarayon edi. Har bir she'rida haqiqatni, hayotni yozardi.
Rauf Parfining aynan "Hukmnoma" asari haqida so'z yuritsak, bu asar Rauf Parfidan olingan intervyular, adibning shoirlar uchun yozgan matnlari, hikoyalari va tarjimasidan iborat.
Rauf Parfining intervyularda juda ustamonlik bilan javob berishidan bilishimiz mumkinki, Rauf Parfi so'zga chechan, tafakkuri boy inson bo'lgan. Rauf Parfi har bir savolga qisqa va aniq javob berishni qoyilmaqom tarzda bajargan.
Shoirlar uchun yozilgan matnlarda esa ortiqcha maqtov yo'q, kamchiliklar ro'yirost aytilgan. Ayniqsa yosh shoirlar jiddiy tanqid ostiga olingan.
Hikoyalarga kelganda esa fikr bildirishim qiyin, sababi hikoyalar g'oyaviy jihatdan menga juda mujmal tuyuldi. Balki men anglashga ojizlik qilayotgandirman.
Rauf Parfi aytgan bir fikrga qo'shilaman, hozirgi 300 shoirlarning 300 ta she'rini o'qisangiz, uni bitta odam yozganga o'xshaydi. Ko'p shoirlar bir xilikka qo'l urishadi. Uslub bir xil bo'lgani maylikuya, lekin mavzular ham faqat tor doirada - sevgi-muhabbat, estetik zavq. Menimcha yangi davr uchun bizga yangicha ruhdagi shoirlar zarur. Faqat o'z muammolarini yozadigan emas, xalq dardi bilan yashaydigan.
" – Hozir o'z-o'ziga baho berish, o'z-o'zini ko'zko'zlab reklama qilish rusum bo'lgan kunda siz ham o'zingizga bir ta'rif aytsangiz.
Rauf Parfi: Shoirlik eng avvalo, o'zni fosh etish demak. Bir toifa shoirlarimiz ayni chog'da millatning ahvolini ko'ra olmayapti. Ko'r-u kar odamlardek bo'lib, millatimizga xizmat qilmayapti. Ular unvon-u mansablarga erishdi, ammo imon-e'tiqodini boy berdi. Ular hazrat Navoiyni unutdi. Shu nuqtayi nazardan ham bundaylarni shoir hisoblovchilar uchun men mutlaqo shoir emasman".
Rauf Parfi zamonaviy she'riyatimizning eng zabardast vakillaridan biri desak, mubolag'a qilmagan bo'lamiz. Har bir o'zini o'zbek, yo'q, turon diyori farzandiman degan inson Rauf Parfini o'qishi, yodlashi va qalbiga jo etmog'i lozimdir.

#taqriz #bookreview

@sirli_kitobxon

222 0 3 3

SIRLI KITOBXON I Ibragimov Ulug'bek

28 Oct, 07:00

...yaxshi kunlar balki yolg'on kunlardir. Agar kimdir yaxshi yashayotgan bo'lsa, yaxshi kun ko'ryapman degan bo'lsa, yolg'onning ichidadir u.

Muhabbat shunday ulug'ki, Umar Xayyomda shunday so'z bor, sen tanlagan yo'l ul ham emas, bul ham emas, ey bexabar, deydi. Bitta muhabbat yo'li bor. U Allohga boradigan yo'l. Bizning muhabbatlarimiz Allohga bo'lgan muhabbatimizning ko'rinishlaridir deb tushunsak bo'lar, balki.

Freyd deydiki, odamlar noqis jamiyatga achiqma-achchiq aqldan ozadilar. Aqldan ozish – nobop jamiyatga qarshi eng umidsiz isyon.

Hushyor odamning yana bir farqi – uxlayotganda o'layotganini biladi.

O'lim fojia emas. O'limni ko'tarib yurgan odam tirikchilik qilolmaydi. Shuning uchun xiyonat qilolmaydi. Fojia yolg'on bilan to'qnashilganda boshlanadi. Mana bu fojia!

O'limni bilgan, ertaga o'ladigan odam yolg'on gapirmaydi.

Insonning siri ochilsa, Alloh bilan munosabati uziladi. Men falon narsani angladim, bildim, desa – shu onda Alloh bilan uziladi. Alloh bunday kishilarni kechirmaydi. Bunday kishilar o'zlariga bino qo'ygan, to'n bichgan odamlar bo'ladi.

📖 "Hukmnoma"
✍🏻 Rauf Parfi

#iqtiboslar

@sirli_kitobxon

186 0 1 1

SIRLI KITOBXON I Ibragimov Ulug'bek

24 Oct, 08:19

Ruf ramzmi?

"Martin Iden" haqida ko'p o'ylayman. Har bir voqealikni tahlil qilishga urinaman. Shular orasida bir narsa meni ko'p o'ylantiradi. "Martin Iden" avtobiorgafik asar, shunda Ruf mavjudmi yoki bari "Jang klubi" singari sarobmi? Menimcha Jek London hayotida hech qanday Ruf bo'lmagan. Ruf bu ramz. Ammo nimaning ramzi bo'lishi mumkin?
"Elita qatlam" ramzimi? Martin Iden singari hozir ham ko'pchilik yuqori qatlamga intiladi, ularga o'xshashni xohlaydi. Aslida esa "yuqori" tushunchasini o'zi mavjud emas. Hech kim hali cheksizlikka qarab bormabdi va bu imkonsiz ham.
Boshlang'ich orzular ramzimidi? Ba'zan yoshligingizdagi suratga qaraysiz va hozirgi holatigingizga chetdan nazar tashlaysiz. Shunda o'zingizga savol berasiz, shu meni orzuyim edimi? Ko'p hollarda javob – yo'q.
Yoki bo'lmasa nafsning ramzimi? Xohlaysiz, xohlaysiz, erishasiz va jonizga tega boshlaydi. Huzur boshlang'ichda bo'lgani kabi emas.
Ruf ehtimol ramzdir, ehtimol hayotiy shaxs, balki shunchaki yozuvchining ijod mahsuli. Nima bo'lganda ham Martin Iden Rufni rad etadi. Qiziq, uni o'rnida bo'lganingizda nima qilgan bo'lardingiz? Mendan so'rasangiz, menimcha rad etolmasdim. Ehtimol hali Idenchalik tafakkurga ega bo'lmaganim sababdan shunday o'ylayotgandirman.

@sirli_kitobxon

220 0 2 1

SIRLI KITOBXON I Ibragimov Ulug'bek

18 Oct, 20:58

...va sizda ulkan kuch bor!

262 0 0 8

SIRLI KITOBXON I Ibragimov Ulug'bek

16 Oct, 16:55

Frans Kafka:
– Qanaqa kitob o'qiyapsiz?
– "Toshkent - non shahri"...
– Ajoyib kitob. Yaqinda men uni bir oqshomda o'qib chiqdim.
– Menimcha, bu kitob san'at asaridan ko'ra ko'proq hujjatga o'xshaydi.
– Har qanday chinakam san'at - hujjat, guvohnoma. Bunday bolalari bor xalqni, xuddi bu kitobdagiday, yengib bo'lmaydi.
– Biroq gap, harqalay, sonda bo'lmasa kerak.
– Aksincha! Materiyaning ko'rinishi atomdagi elektronlar soni bilan belgilanadi. Ommaning saviyasi sanoqli kishilarning ongliligiga bog'liq.

©️ Chexiyalik musiqachi va adabiyotchi Gustav Yanouxning "Kafka bilan suhbatlar" asaridan parcha.

@sirli_kitobxon

379 0 3

SIRLI KITOBXON I Ibragimov Ulug'bek

14 Oct, 10:12

Ayol – ona, momo, u muqaddas, u buyuk, hammamizdan yuksak. Bugun biz ularni har xil ishga joyladik. Oylik oladigan, tirikchilik qiladigan odamlar qatoriga kiritib qo'ydik. Bizning fojiamiz – ayollarni islomiy yo'lda saqlab qololmadik, asray olmadik. Ayol kishi tarixidan uzildi, islomiy yo'l yo'q edi-da, buzilgan edi-da. Biz ayollarimizni... buzuq yo'lga olib kirdik. Ayol o'z-o'zini hamma inson qatori his qila boshladi. Bu mumkin emas. Hamma inson qatori emasdi ular. Biz ayollarimizni kamsitdik, yer bilan yakson qildik. Natijada erkak kishining hayotiga ayol kishi aralashdi.
Erkaklar bajaradigan ishni ayollar qila boshlashdi. U esa ayol kishini buzdi, erkaklashtirdi. Orada kelishmovchiliklar paydo bo'ldi. So'nggi 200 yil ichida biz to'g'ri ma'nodagi ayol siymosidan uzoqlashdik. Ayolga ayol sifatida emas, odam sifatida qaraydigan bo'ldik. Odam emasdi ular, farishta edi, go'zal insonlar edi. Bu oilaning buzilishiga olib keldi. Sharq odami uchun eng og'ir gunoh – oilaning parokanda bo'lishi. Sharq odami hech qachon o'z-o'zini kechirmaydi. Nahotki deydi u, oilamni tutib qololmadim deydi. Oilani tutib qolish esa mumkin emas bu jamiyatda. Bu muhitda oilani sof, toza saqlab qolish mumkin emas. Oila uchun mo'ljallanmagan jamiyatda yashayapmiz.

📖 "Hukmnoma"
✍🏻 Rauf Parfi

#asardan

@sirli_kitobxon

320 0 0

SIRLI KITOBXON I Ibragimov Ulug'bek

13 Oct, 22:54

Ehtimol hissiyotlarni o'chirish vaqti kelgandir...

#hammaga

262 0 1 6

SIRLI KITOBXON I Ibragimov Ulug'bek

13 Oct, 10:44

Biz agar Uilyam Shekspirni bilmaganimizda edi, ko'p narsani yo'qotgan bo'lar edik. Ahli dunyo Alisher Navoiyni bilmagani uchun ko'p narsani yo'qotdi.
Biz agar Tomas Manni bilmaganimizda edi, ko'p narsani yo'qotgan bo'lar edik. Ahli dunyo Abdulhamid Cho'lponni bilmagani uchun ko'p narsani yo'qotdi.
Biz agar Robindranath Thakurni bilmaganimizda edi, ko'p narsani yo'qotgan bo'lar edik. Ahli dunyo Abdurauf Fitratni bilmagani uchun ko'p narsani yo'qotdi.
Bunday qiyoslarni uzluksiz davom ettirish mumkin. Foydasiz. O'zimiz hali bilmagan narsani dunyo qayerdan bilsin?!

📖 "Hukmnoma"
✍🏻 Rauf Parfi

#asardan

@sirli_kitobxon

293 0 0 3

SIRLI KITOBXON I Ibragimov Ulug'bek

12 Oct, 08:01

Har qanday qoʻzgʻolonni bostirish uchun zoʻravonlik ishlatishga hojat yoʻq. Gitlernikiga oʻxshash usullar endi eskirgan. Shunchaki, shunday kuchli jamoaviy shartlanish yaratish kifoya qiladiki, qoʻzgʻolon gʻoyasi insonlarning ongiga kelmasin, boʻldi. Ideal yoʻl — insonlarni tugʻilganidan boshlab shakllantirib, ularning tugʻma biologik qobiliyatlarini cheklashdir.

Shundan soʻng, biz shartlanishni davom ettiramiz va taʼlimni keskin qisqartiramiz, uni faqat kasbiy koʻnikmalarni egallash zarurati bilan cheklaymiz. Bilimsiz odamning dunyoqarashi cheklangan boʻladi va fikri qancha yuzaki ishlarga band boʻlsa, isyon qilish qobiliyati shuncha kamayadi.

Biz ilm-fanga kirishni tobora qiyin va elitar qilishimiz kerak, odamlar va ilm oʻrtasida jarlik yaratishimiz va ommaga taqdim etilgan maʼlumotlar isyonkorlik mazmuniga ega boʻlmasligini taʼminlashimiz kerak.

Asosiysi, gʻoyasiz boʻlishdir. Bu yerda ham bevosita zoʻravonlikdan koʻra ishontirish kuchidan foydalanish kerak: biz televideniye orqali ommaviy tarzda faqat his-tuygʻular va instinktlarni qamrab oluvchi koʻngilochar dasturlarni uzatamiz.

Onglar foydasiz va beparvo narsalar bilan band boʻladi. Doimiy suhbatlar va musiqa orqali odamlarni fikrlashdan chalgʻitish mumkin. Biz shahvoniylikni inson qiziqishlarining eng yuqori pogʻonasiga qoʻyamiz. Ijtimoiy tinchlantiruvchi vositaning bundan yaxshisi yoʻq. Umuman olganda, biz jiddiy hayot qismini yoʻq qilish, qimmatli narsalarni masxara qilish va yuzakilikni doimiy ravishda qoʻllab-quvvatlash orqali ommaviy eyforiyani inson baxtining mezoniga aylantiramiz va erkinlik namunasi sifatida qabul qilinishini taʼminlaymiz.

Shu tarzda shakllangan inson bilan u qanday boʻlsa shunday munosabatda boʻlish kerak: uni qoʻydek koʻrish va molday nazorat qilish kerak.

Uning aniq fikrlashga boʻlgan loqaydligini oshiradigan har qanday narsa ijtimoiy foyda hisoblanadi va uni uygʻotishi mumkin boʻlgan narsalarni masxara qilish, bostirish va unga qarshi kurashish kerak.

Tizimni shubha ostiga oladigan har qanday taʼlimot buzuvchi va terroristik deb belgilanishi kerak va uni qoʻllab-quvvatlaganlar terrorchi sifatida qabul qilinishi zarur.“

© Gyunter Anders, ”Insonning Eskirishi" 1956-y.

@sirli_kitobxon

254 0 1