Макон ва замон янгиликлари

*  Бугун

    ХАЛҚЛАР ДЎСТЛИГИ
           НАМОЙИШИ

     Давлатлараро дўстлик алоқалари доирасида, фашизм устидан қозонилган Ғалабанинг 80 йиллигига бағишланиб, Сирдарё вилоят мусиқали драма театрида бугун Россия Федерацияси Олтой ўлкаси филармонияси томонидан  концерт дастури намойиш этилди.
     Аншлаг, денг, аншлаг!
     Бутун зал, балконлар томошабинлар билан лиқ тўлди, рус ашула ва рақсларининг ҳар бир намойишлари гулдурос қарсаклар билан олқишлаб турилди.
     Дарвоқе, чет ва ўрта йўлакларга фойедаги узун ўриндиқларни олиб келиб, жой етмаган кишиларга берилгани гувоҳи бўлдик.
     Ҳамкасабамиз Дилором Исмадиёрова айтганича борми, дейман, театр зали яқин ўтган йиллар ичида бунчалик дарёдек тўлиб-тошмаган-ов!
      Уруш тугаганига 80 йил тўлиши баҳона уюштирилган концертга уруш фахрийси, юз ёшли Ўскан бобо Ҳожиманов ҳам иштирок этди. Меҳмон бошловчи аёл, дастур аввалида иккита мусиқа ва рақсли бадиий чиқишдан сўнг, ўз тилида, албатта, томошабинлар орасида уруш фахрийси қатнашаётганини эълон қилди. Олтой ўлкаси губернатори ўринбосари ва у билан биргаликда, ўлка Маданият вазири, мезбон масъуллар билан, Ўскан бобога гуллар ва эсталик совғасини топширишди.
      Дарвоқе, махсус композицияга уйғун равишда бир неча марта вилоятимиз санъаткорлари қўшиқ ва рақсларига ўрин берилганлиги мақтовлидир.
      Фурқат Тошматов олган суратлар ва вилоят телевидениеси кўрсатувини кутинг ва кўринг, ҳайратимизга сиз ҳам шерик бўласиз!
Дарвоқе, Инобат Султон олган суратлардан ва видеотасвирдан ҳам фойдаландик.

🌱🙏🌱🙏🌱              
  
Раҳмат , Сирдарёлик -  азиз устозлар .
             
         Сени истаб келганга яхшилик қилгин .
       Сенинг яхшилигин бу оламни кезар, кӯргил .
              
Авлиё Аҳмад .
     
Муборак Рамазон кунларида Мирзаобод туманидаги ,, Оқ олтин " хӯжалигида яшовчи биринчи гуруҳ ногирони қадрдон шифокорим Жуматулло ака Холматовни зиёрат этиш учун бордик.
Жуматулло ака кӯп йиллардан буён оғир қанд касалига учрагани ва икки кӯзи ожиз бӯлиб кӯрмай қолгани ва хасталик оқибатида бир оёғидан ҳам айрилиб қолганини кӯриб ,жуда қаттиқ хаяжонландим. Бир вақтлар бизнинг меҳрибон ва донишманд шифокоримиз бӯлган Жуматулло акамизни  бу аҳволда кӯриш камина учун оғир иш эди .Озроқ  ҳаяжонланиб бир оғиз ширин сӯз айтиб унинг хаста кӯнглини овутиш ва мададкор бӯлиш  учун иккиланиб ,анча вақт сукут сақлаб ӯтиришимга тӯгри келди . Таниқли  шифокор Жуматулло  Холматовни  ҳаёт синовлари олдида руҳан ва жисмонан тетиклиги ҳамда сабр бардошли эканлигини кӯриб , ӯзимдаги  ҳис ҳаяжонларим аста= секин бир оз босилди .  Унинг шу аҳволда ҳам узоқ яқиндан уни истаб келган  беморларни қабул қилаётганлигини ва кӯплаб  инсонларга мафаати тегаётганлигини кӯриб ,   метин  иродаси ва  жасоратига  жуда қойил қолдим .Анча вақт  ӯзаро қалбдан ӯртамиздаги  ширин хотираларимизни  эслаб суҳбатлашиб ӯтирдик . Менга  қувват бӯлиб бирга борган  Спорт фахрийси  Ботирали ака  Холдоров ҳам бизнинг бу суҳбатимизда баҳраманд бӯлиб , шифокор Жуматулло акани кучли хотираси ва иродасига тан бериб , охири ӯзининг дил сӯзларини у ҳам айтди .Қалбимдан шу чоғда бир вақтлар шифокорим  бӯлган Жуматулло ака Холматов тӯғрисида бир мақола ёзишга  қарор қилдим.
Уйга қайтиб келиб баҳоли қудрат бир мақола ёзиб  ,, Янги Сирдарё" газетаси таҳририятига олиб бордим .
Бугун шукроналар бӯлсинки ,,Янги Сирдарё  " газетасида ушбу мақоламни ӯқиб , жуда хурсанд бӯлдим .Ва кӯз олдимда  гуёки шифокор Жуматулло ака Холматовнинг   истараси иссиқ нурли қиёфаси  ва оқ халатда кӯзи ожиз бӯлсада беморларни қабул қилаётганлиги  намаён бӯлди . Унинг хурсанд ва очиқ чеҳрасини кӯргандек бӯлиб , оҳиста кӯнглим  мисоли  тоғдек кӯтарилди.  Бугун эрта тонгда Дӯстлик канали соҳилида пиёда юриш машғулотимиз   чоғида ӯзимни енгил ҳис этиб , ёнимдаги  яхши  суҳбатдош дӯсти азизлар  Шомурод Бекмурадов  ва Муҳаммадали Ҳасановларга ҳам тӯлқинланиб  биринчи гуруҳ ногирони бӯлса ҳам ушбу ҳаётда ӯз ӯрнини йӯқотмасдан ,ҳаёт синовлари билан мардановар  курашаётган таниқли шифокор Жуматулло ака тӯғрисида сӯзлаб бердим .  Яна бир сӯз=да,  кӯп йиллар вилоятимизда бош нервпатолог  бӯлиб ишлаган , камтарин ва олийжаноб  инсон олий тоифали  шифокор,  Жуматулло ака Холматов  ӯтган йили ӯзининг муборак 70=ёшини оила даврасида нишонлабди . Балки олдинроқ бу мақолани ёзганимда вилоятимиз улуғлари ҳам  бу юбилейдан хабардор бӯлишиб , унинг хонадонига  бир бора ташриф буюришарми=ди деб ӯйлаб , бир оз ӯзимни гуноҳкордек ҳис этдим . Аслида оддий камтарин беғубор комил инсон Жуматулло ака Холматов айрим ӯзимизнинг оғаларимиздек юксак мукофотлар ва шон шуҳратни умуман гадоси эмас . Аммо унинг ҳам босиб ӯтган шарафли йӯли ва  кӯнгил аталмиш марваридддек  соф нозик  кичик хаста қалби бор=да . Вақт бир жойда тӯхтаб турмаслиги аниқ . Салкам   20 = йилдан буён оғир хасталикни бошидан кечираётган аммо ҳаёт остонасида ҳамон ӯзининг куч ва метин иродасини  намаён этиб ӯз ҳаёт мактабини яратаётган бундайин олийжаноб инсонлар сафимизда борлиги бизлар учун аслида  намуна ва қаҳрамонлик белгисидир .
       Бугун ушбу мақолани ӯқиб  ,,Янги Сирдарё " газетаси таҳририятига ва устоз ижодкорларимизга раҳматлар айтишни истадим. Камтарин бош муҳаррир Баҳром Боймурадов , таниқли устоз ижодкорларимиз Муҳаммадали Аҳмад ,  Ҳасан Абдувоҳидов  ва Ӯзбекистонда хизмат кӯрсатган журналист, қадрли  Холида Пардабоеваларга  ӯз миннатдорчилигимни изҳор этаман .
     Азиз қалби дарё устозларимизга  ижодий бардавомлик ва саломатлик билан  хотиржамлик ҳамда кӯп даврлар ижод ва маьнавият бӯстонида ,   бизларга доимо йӯлбошчи бӯлиб юришларини истаймиз .

✍✍✍✍Камолхон
Убайдуллаев .

🌱💦🌱💦🌱💦🌱💦