... eslab ko'r!
Eslab ko'r ne sabab ikki insoni
Haydab chiqardilar qo'shib shaytonni.
Nafs yomon bir qara sho'rlik sichqonni,
Yetaklab bormoqda qopqon jim yotar.

Ey do'stim, sheriksiz chiqmagil ovga,
Ne ham qila olarding bir o'zing yovga.
Har inson muhtojdir boshqa birovga.
Yoysiz qolsa kor yo'q kamon jim yotar.

Zakiy ko'zlar uchun yorug'dur kech ham,
Xaddini bilgaydir oshmaydi hech ham.
Aqlli sayyodlar shoshmaydi hech ham.
O'ljasi o'tlaydi, arslon jim yotar.

Ey inson bas yetar o'ynading, kulding,
Dunyoning eng sirli o'yinin bilding.
Shovqun siron qilma uch kunga kelding,
Birovning uyida mehmon jim yotar.

© Hayrullo Xamidov