Ўзбекистонда ўқитувчиларнинг касбий малакасини ошириш тизимига нейротармоқлар бўйича курслар қўшилди

А. Авлоний номидаги ўқитувчиларнинг касбий малакасини ошириш ва уларни янги методлар асосида ўқитиш Миллий илмий-тадқиқот институти ва Yandex Uzbekistan Ўзбекистондаги информатика ўқитувчилари учун бепул курсларни ишга туширди.

Бу курсларда ўқитувчилар нейротармоқлар ҳақида батафсил маълумот олишади, шунингдек, Python дастурлаш тилининг асослари билан танишишади. Курслар назарий ва амалий машғулотларни қамраб олиб, Python’ни билмаган ҳолда материални ўзлаштириш ва дарҳол ўз ишларида қўллаш имкониятини яратади.

Курс материаллари Yandex мутахассислари томонидан ишлаб чиқилган бўлиб, курсларнинг ўзи А. Авлоний номидаги Миллий илмий-тадқиқот институти томонидан амалга оширилаётган касбий ривожланиш тизимининг бир қисмига айланади.

Курслар бепул бўлиб, уларда қатнашиш вақти чекланмаган, шунингдек, барча қўшимча материаллар иштирокчиларда доимий сақланади. Унда Python бўйича асосий тушунчалардан тортиб, объектга йўналтирилган дастурлаш асосларигача бўлган мавзуларни ўз ичига олган олти бўлим тақдим этилган. Ўқитувчилар ўз иши учун энг долзарб мавзулар ва топшириқларни танлаш имконига эга бўладилар.

Курсларга рўйхатдан ўтиш учун ҳавола орқали қисқа анкетани тўлдириш лозим. Курслар онлайн форматда ўтказилади.

Манба