Shahriyor Shokir o‘g‘li

Ertaga boradigan manzilimiz Shahrisabz boʻladi.

Bu turdagi vogonlar umumiy vogon deyilar ekan va avvaldan bor boʻlgan vogon turi ekan. Bir koʻrishda gʻalati boʻldim. Ayollar, erkaklar qanday qilib uyida yotgandek yotishi mumkin?! Yotish uchun krovat qoʻyilganmi, demak hech boʻlmaganda, har bir xonacha parda bilan yoʻlakdan ajratilgan boʻlishi kerak. Har holda, aholining asosiy qismi musulmon degan quruq boʻlsa-da nomimiz bor.

Madaniyatli erkaklar va Iffatli, farosatli ayollar umumiy vogonlarda bunday vaziyatda oʻtirib ketishadi, yotib emas. Tabiiy savol: oʻtirib ketayotgan yoʻlovchi uchun krovat nima kerak? Undan koʻra umumiy vogonlar oʻrindiqlar bilan jihozlansa maqsadga va amaldagi jarayonga muvofiq boʻlmaydimi?

@Shahriyor_Shokir

Asosiysi shuki, poyezdlarning egalari, mutasaddilar poyezdlarning ichki koʻrinishini, mebellarini, yotish uchun moʻljallangan joylarni biroz boʻlsa-da tartibga keltirishi, biroz boʻlsa-da "odambashara" qilishi mumkinmi?!

Shu paytgacha poyezdda Toshkentga ketmagan edim. Furkan sayyohning videosini koʻrganimdan keyin kelajakda ham ketmas ekanman degan xulosaga keldim. Nima ahvol bu?

Qadimda xonlar, amirlar, podsholar ham davlatdagi ahvol zoʻr, hamma baxtli yashayapti, deb saroyidan chiqmay oʻtiravergan, boshqa davlatlar esa, aygʻoqchilari, sayohatchilari orqali davlatdagi haqiqiy vaziyatdan xabardor boʻlib turgan. Sultonlarga hammasi yaxshi, deb yetkazadiganlar xalqning dushmani boʻlishadi.

Yangi Oʻzbekiston yangi Oʻzbekiston emas, transport sohasida ikkinchi Hindistonligiga tobora koʻnikib boryapman.

Xalqi yomon, desa, bir tiyinga olmaydi, lekin qaysidir bitta chet ellik yomonlab chiqsa, shu zahoti muammoga yechim oʻylanadi.

Demak, xalqimiz hali xalq emas, olomon ekan.

"Davlat xalq irodasini ifoda etib, uning manfaatlariga xizmat qiladi"

Qaysi xalqning? Haqiqatni gapirib chiqqan odamni olib borib qamab qoʻyganda indamay oʻtirgan xalqningmi? Oʻzi saylagan deputatga, oʻzi saylagan prezidentga soʻzi oʻtmay bir haftalab metan zapravkada navbat kutayotgan xalqningmi? Shu ham xalqmi?!

@Shahriyor_Shokir

Yaqinda yetmish ikkiga kirgan rus qoʻshnim boshqa joyga koʻchdi. Yordamga chaqirgan edi. Yetmish ikki yoshli rus kampirning uyidan bir yarim soat kitob tashidik.

Bir hafta keyin oʻzimning yaqin doʻstim hasharga aytib qoldi. Yangi uyga koʻchayotgan ekan. Uyidan bir yarim soat banka tashidik.

Mirshakar Fayzullayev

@Shahriyor_Shokir

Xalq qonunni qonun himoyachilaridan himoya qilishi kerak. Chunki qonun himoyachilarining oʻzi birinchi navbatda qonunni buzuvchilar boʻladi.

Bugun shoir Shodmonqul Salomning tavallud kuni

Feʼl+lik

Ancha yillardan buyon baʼzi voizlar, din ulamolari, domlalar otdan yasalgan feʼldan yana ot yasashyapti. Falon ishni qilishlik, falon ishdan qaytishlik, oʻylashlik, kelishlik va h.k.

-sh, -ish qoʻshimchasi otdan yasalgan feʼlni shundogʻam harakat nomi qilib otga xoslab turibdi. Hojati yoʻq unga yana ot yasovchi qoʻshimchani qoʻshish(lik).Oʻzbek yilidagi -lik qoʻshimchasi mavhum ot yasovchi qoʻshimcha: ezgulik, yovuzlik, tinchlik kabi.

Bir necha yuz yoki ming odam ana shunday gapirsa nima qilibdi, tilimiz rivojiga, barhayotligiga taʼsiri yoʻq, dersiz. Ushbu holat faqatgina ilmi yuqori boʻlgan qatlam uchungina xos boʻlganda bu gaplarni yozmasdim. Meni bir necha yuz kishi emas, ularni eshituvchi millionlab odamlar tashvishga soladi. Oʻzini aqlli, ilmli qilib koʻrsatmoqchi boʻlgan har qanday odam oʻz nutqida ana shu ortiqchalikdan foydalanayotgani xavotirlantiradi.

Diqqat❗️
Yuqoridagi postda domlalarning ilmiga nisbatan hech qanday gap boʻlgani yoʻq.

@Shahriyor_Shokir