Табдил додани манзили истиқоматӣ ба фоҳишахона ва фароҳам сохтани шароит барои анҷоми муносибатҳои шаҳвонӣ, ҷиноят ба шумор меравад. Бурунова Мавлуда, сокини 21-солаи н.Рӯдакӣ низ барои ҳамин ҷурм дастгир гардид.
Зимни санҷиш муайян карда шуд, ки номбурда барои содир намудани ҷинояти дуздӣ ва қасдан расонидани зарари вазнин ба саломатӣ Суд шудааст.
Бар замми ин, Бурунова М., дар манзили истиқоматиаш барои алоқаи ҷинсӣ шароит фароҳам оварда, аз ин ҳисоб манфиат ба даст меовард. Нисбаташ маводҳои зарурӣ тартиб дода шуда, мавриди тафтишот қарор дорад.
Ба диққати шаҳрвандон расонида мешавад, ки милитсияи пойтахт ҷиҳати муайян ва ошкорсозии чунин ҷиноятҳо фаъолияти ҳамаҷонибаро ба роҳ мондааст.

@dushanbe_police_tj