Шахлои Гулхоча

Ба Шуъбаи ВКД дар ноҳияи Вахш хабари телефонӣ ворид гардид, ки сокинони ноҳияи Вахш Ятимов Эраҷ бо ҳамроҳии падараш Сафаров Раҳим ба қитъаи замини сохтмонаш нотамоми нуқтаи таъмир ва шустушӯи мошинҳо, воқеъ дар шаҳраки Вахш, ки ба шаҳрванд Толибов Муҳамадӣ тааллуқ дорад, ҳозир гардида, даст ба кирдорҳои ҷиноятӣ задаанд.
Онҳо бо кормандони нуқтаи фурӯши сузишворӣ, ки машғули кор буданд, ҷанҷол намуда, дашномҳои қабеҳ зада таҳдиди паррондан кардаанд.

Гурӯҳи оперативӣ-тафтишотӣ ба ҷои ҳодиса ҳозир гардиданд. Аммо, падару писар зуроварӣ ва муқобилият нишон дода, бо кирдорҳои авбошонаашон оромии ҷамъиятӣ ва атрофиёнро дар муддати 55 дақиқа дағалона вайрон намуда, нагузоштаанд, ки кормандони милитсия вазифаи хизматии худро иҷро намоянд.

Падару писар дастгир ва ба мақомоти милитсия дастрас карда шуд.

Ҳамзамон зимни кофтуков аз иншооти дастгиршудагон ашёи шубҳанок, предмети ба сифати силоҳи сард истифодашаванда, чубдаст (бита) ва ниқоб, таппончаҳои гуногун ва норинҷаки таълимӣ дарёфту мусодира карда шуданд.

Ноболиғ Махмаҷонова Рӯзихон, сокини 16-солаи ш.Душанбе, ки ҳамчун шахси бедаракгашта дар ҷустуҷӯ қарор дошт, аз ҷониби кормандони ШВКД-1 дар н.Шоҳмансур пайдо карда шуда, ба волидайнаш супорида шуд.


Вез вести пропавшая 16-летняя жительница г.Душанбе несовершеннолетняя Мамаджанова Рузихон, была найдена и передана родителям со строны сотрудников ОМВД-1 района Шохмансур.
@dushanbe_police_tj

Имрӯз, 21-уми апрел дар шаҳри Анқара, масъалаи бекор кардани низоми раводид байни Тоҷикистон ва Туркия дар доираи машваратҳои консулӣ байни вазоратҳои корҳои хориҷии ду кишвар баррасӣ хоҳад шуд. Дар ин бора сафорати Туркия дар Тоҷикистон ба «Азия-Плюс» хабар доданд.

Тибқи иттилои манбаъ, дар ҷараёни мулоқот ҷонибҳо доираи васеи масъалаҳое, ки ба ҳамкории консулӣ дахл доранд, аз ҷумла созишномаҳои низоми раводидиро баррасӣ хоҳанд кард.
Ҳоло шаҳрвандони Тоҷикистон барои сафар ба Туркия бояд раводид гиранд.

Пештар мақомоти Тукрия гуфта буданд, ки реҷаи раводид бо Тоҷикистон тадбири муваққатӣ аст, вале муҳлати бекор кардани он ҳоло маълум нест.

Бояд гуфт, ки Туркия аз 20-уми апрели соли гузашта барои шаҳрвандони Тоҷикистон низоми равуо тавассути раводидро ҷорӣ кард, аммо сабаби ин иқдомро шарҳ надод, вале таҳлилгарон тахмин мезананд, ки қарор бо баъзе масоили амниятӣ рабт дорад. Дар посух Тоҷикистон ҳам барои шаҳрвандони Туркия низоми раводид ҷорӣ намуд.

Пулро бо скотч баста, баъди ворид ва ба суратҳисоб гузаронидан ба қафо кашида мегирифтанд

Кормандони Шуъбаи кофтукови ҷиноятии Раёсати ВКД дар вилояти Хатлон бо роҳандозии чорабиниҳои оперативӣ-ҷустуҷӯӣ кирдорҳои ҷиноятии ду нафар аз шаҳрвандонро ошкор намуданд, ки дастгиршудагон бо роҳу усулҳои нави ҷиноӣ даст ба ҷинояти дуздӣ задаанд. Дастгиршудагон инҳо мебошанд:

Тошпулотов Сафаралӣ соли таваллудаш 1996, зода ва истиқоматкунандаи ноҳияи Хуросон, пеш ба ҷавобгарии ҷиноятӣ ҷалб гардидааст;
Куганов Алимурод, соли таваллудаш 2002, сокини шаҳри Бохтар.

Боздоштшудаҳо купюраи 100 сомонаи бо скотч печонидашударо ба дастгоҳи қабули маблағҳои пулии терминалҳо ворид карда, баъди гузаштани маблағ ба суратҳисоб купюраи бо скотч басташударо ба қафо кашида мегиранд. Ба ин васила, тариқи электронӣ аз маҳзани терминалҳо дар умум 21 474 (бисту як ҳазору чорсаду ҳафтоду чор) сомониро тасарруф намудаву аз ҷойи ҳодиса ғайб задаанд.

Рустам Ятимов, дарвозабони тими "Ростов"-и Русия ва мунтахаби Тоҷикистон дар ҷараёни бозӣ бо тими "Факел" ҷароҳат бардоштааст. Рақобат рӯзи 20-уми апрел баргузор шуд.
Дар қисми дуюми бозӣ, Рустам Ятимов тӯбро аз ҳаво дошта гирифт, вале ба футболбози дастаи рақиб бархӯрда, бо сараш ба замин зад. Ятимов дар майдони бозӣ аз ҳуш рафт ва танҳо бо кӯмаки пизишкон ба худ омад.
Варзишгари тоҷикро ба бемористон бурданд ва дертар телеграм-канали тими "Ростов" навори Рустам Ятимовро нашр кард. Дар ин видео Ятимов ҳамдастаҳояшро ба ғалаба бар тими "Факел" табрик карда гуфт, рӯзи 26-уми апрел мухлисонро дар бозӣ бо дастаи “Локомотив” интизор аст.
Виталий Кафанов, мураббии тими "Ростов" ба расонаҳои русӣ гуфтааст, мунтазири хулосаи пизишкон дар бораи саломатии Рустам Ятимов ҳастанд.
Рустам Ятимов 26-сол дошта, яке аз футболбозони шинохтаи тоҷик аст. Ӯ аз соли 2019 дарвозабони асосии тими мунтахиби Тоҷикистон мебошад. Ятимов қаблан дар тими “Истиқлол” баромад мекард ва соли 2024 ба тими “Ростов” гузашт.

Писари ягонаи овозхони тоҷик Хосият Қаҳҳорова дар ҷанги Украина кушта шудааст.

Рӯзи 19-уми апрел мо дар саҳифаамон навореро нашр кардем,ки дар он дида мешавад, ду кӯдакро дар хона маҳкам кардаанд.

Раёсати корҳои дохилии Душанбе 20-уми апрел дар хабарномае навишт, волидайни ин кӯдаконро пайдо кардааст. Онҳо Нуралихон Менгибоеви 58-сола ва Шаҳноза Қурбоноваи 32-сола будаанд. Назари ин афрод дар бораи қазия маълум нест.

Дар хабарномаи расмӣ омадааст, ин падару модар дар тарбияи фарзандонашон “бемасъулиятӣ зоҳир намудаанд.”

Пулиси Душанбе гуфтааст, “бо назардошти ҳолати воқеии вазъи зиндагонии номбурдагон” нисбати ин волидайн “чораҳои дахлдор андешида хоҳад шуд.” Аммо мақомот дар бораи вазъи зиндагии ин афрод ва муҷозоти онҳо чизе нагуфтаанд.

Кормандони милитсияи пойтахт Гулов Далер, сокинони 36-солаи ш.Душанбе, ки тавассути нақлиёти худ ба мусофиркашонии кӯдакони хурдсол ба муасисаҳои таълимӣ машғул буд, дар ҳолати мастӣ дастгир намуданд.

Зимни ташхис муайян карда шуд, ки номбурда мунтазам ба истеъмоли воситаҳои нашъадори навъи "Метамфетамин" ба истилоҳ "кристалл" машғул шуда, бо идораи нақлиёт дар ҳолати мастӣ ҷони худ ва дигаронро зери хатар гузоштааст.

Вобаста ба ҳолати мазкур нисбати Гулов Далер маводҳои зарурӣ тартиб дода шуда, мавриди санҷиш қарор дорад.

@dushanbe_police_tj