Kuz...ko‘ylagi eskirgan ayol,
Yashab-yashab esi kirgan ayol.
Omonatgina turgan ayol,
Sokingina o‘y surgan ayol.
Xazonlarni supirgan ayol,
Armonlarni supirgan ayol,
Yolg‘onlarni supirgan ayol.
Yuragida sher naʼra tortib,
Saman otlar gupirgan ayol.
Har kun yerga boshini egib,
Maysalarga bukilgan ayol.
Qurib qolgan labidan betin
Salovotlar to‘kilgan ayol.
O‘zgaradi seni deb qonun,
Tun tugamay nahor keladi.
Bir sen uchun, faqat sen uchun
Kuzdan keyin Bahor keladi.

Mehrinoz

@shomuz   -  Yo‘limiz  bir!