SamDAQU tayanch doktoranti Vengriyada ilmiy amaliyotda
#22dec #Amaliyot

Mirzo Ulug‘bek nomidagi Samarqand davlat arxitektura-qurilish universiteti “Geomatika muhandisligi” kafedrasi tayanch doktoranti Malika Aminjanova Vengriyaning Budapesht shahrida joylashgan Budapesht texnologiya va iqtisodiyot universitetida xorijiy stajirovka o‘tamoqda.

Amaliyot dasturi doirasida doktarant geodeziya va geoinformatika sohasiga zamonaviy innovatsion texnologiyalarni joriy etish bo‘yicha tajriba almashmoqda.
🟢Zamonaviy geodezik asbob-uskunalarda ishlash metodikasini o‘zlashtirishda ishtirok etmoqda.
🟢GAT ilmiy laboratoriyalarida raqamli tasvirlarni qayta ishlash va mavzuli xaritalarni yaratish jarayonlarini olib bormoqda.

Shuningdek, Malika Aminjanova o‘z ilmiy tadqiqotlari bo‘yicha Budapesht texnologiya va iqtisodiyot universiteti professorlari bilan hamkorlikda Scopus bazasiga kiritilgan xalqaro ilmiy jurnallarda maqola chop etishni rejalashtirmoqda.

Ushbu ilmiy safar nafaqat universitetlararo hamkorlikni kuchaytirish, balki mamlakatda arxitektura-qurilish sohasida ilg‘or kadrlar tayyorlash tizimini yanada rivojlantirishga xizmat qilishi kutilmoqda.

#SamDAQU #XalqaroHamkorlik #TajribaAlmashish


SamDAQU Axborot xizmati
@samdaqueduuz