SamDAQU │ Rasmiy kanal

Talabalar kiber jinoyatchilikka qarshi kurash bo‘yicha amaliy mashg‘ulotlarda ishtirok etmoqda
#21feb #Amaliyot

Mirzo Ulug‘bek nomidagi Samarqand davlat arxitektura-qurilish universiteti Talabalar dekanati tyutorlari tashabbusi bilan talaba yoshlar Kiber OneIT dasturlash maktabiga tashrif buyurdi.

Mazkur tashrif davomida Kiber OneIT maktabida 100 dan ortiq dasturlar haqida batafsil darslar o‘tkazildi. Dasturlar talabalarga kiber jinoyatchilikka qarshi kurash, axborot xavfsizligi hamda zamonaviy kompyuter texnologiyalaridan oqilona foydalanish bo‘yicha muhim bilim va ko‘nikmalarni berdi.

Darslar davomida talabalarga IT texnologiyalaridan to‘g‘ri maqsadlarda foydalanish va raqamli savodxonlikni oshirish borasida kerakli tushunchalar yetkazildi. Ushbu tashrif yoshlar ongida kiberxavfsizlik va zamonaviy dasturlash texnologiyalarini chuqur o‘rganish borasida yangi bilimlar hosil qilishga xizmat qildi.

#SamDAQU #KiberOneIT


SamDAQU Axborot xizmati
@samdaqueduuz

Dekan va talaba-yoshlar uchrashuvi: Ochiq muloqot
#21feb #OchiqMuloqot

Mirzo Ulug‘bek nomidagi Samarqand davlat arxitektura-qurilish universitetida Arxitektura fakulteti 1-bosqich talabalari bilan “Dekan va yoshlar” uchrashuvi bo‘lib o‘tdi.

Samimiy va ochiq muloqot tarzida o‘tgan uchrashuvda fakultet dekani Dilnoza Kamalova talabalar bilan bevosita suhbat olib bordi. Unda universitet va fakultet tomonidan yoshlar uchun yaratilgan imkoniyatlar haqida ta’kidlanib, ulardan samarali foydalanish bo‘yicha tavsiyalar berildi.

🟢 Uchrashuv davomida quyidagi mavzular muhokama qilindi:
✅ Universitet ichki tartib-qoidalariga rioya qilish va darslarga o‘z vaqtida kelish,
✅ Talabalarning tashabbuslari va takliflarini qo‘llab-quvvatlash,
✅ Fakultetda talabalar bilan doimiy muloqot olib borish an’anasini davom ettirish,
✅ O‘quv jarayonida yuzaga kelayotgan muammolarni bartaraf etish.

Talaba-yoshlar o‘z ilk taassurotlari, takliflari va savollari bilan o‘rtoqlashib, fakultet rahbariyatidan barcha savollariga batafsil javob oldilar.

Mazkur uchrashuv fakultetda ochiq muloqot va talabalarni qo‘llab-quvvatlash tamoyili doirasida tashkil etilgan bo‘lib, kelgusida bunday uchrashuvlar muntazam o‘tkazilishi rejalashtirilgan.

#SamDAQU #TalabalarMuloqoti #OchiqMuloqot


SamDAQU Axborot xizmati
@samdaqueduuz

Ramantik munosabatlar: Muhabbat san’ati
#PsixologMinbari

Aziz yoshlar! Bugun siz bilan muhabbat va romantik munosabatlar haqida samimiy suhbatlashamiz.

Romantik munosabatlar – hayotning eng zavqli, ammo ba’zan eng murakkab qismidir. Ba’zida sevgi sizni yettinchi osmonga ko‘taradi, ba’zida esa qiyin holatlar va murakkab qarorlar oldida qoldiradi. Muhim jihat shundaki, haqiqiy muhabbat – bu faqat his-tuyg‘ular emas, balki ongli tanlov va harakatdir.

💡 Sog‘lom va mustahkam munosabatlar uchun sinalgan tavsiyalar:
🟢 Avvalo, o‘z qadriyatlaringizni belgilang va shaxsiy o‘sishga intiling. Boshqa insonni chinakam sevish va qabul qilish uchun avvalo o‘zingizni qadrlashingiz lozim.
🟢 Muhabbat – bu jarayon. Bir-biringizni yaxshiroq tanib olishga vaqt ajrating. Birinchi qarashda sevgi mavjud bo‘lishi mumkin, lekin mustahkam munosabatlar vaqt va sabr talab qiladi.
🟢 Ochiq va samimiy suhbatlashing. Fikr va his-tuyg‘ularingizni muloyimlik bilan ifoda eting, muammolarni esa birgalikda muhokama qiling.
🟢 Har bir insonning shaxsiy maydoni va erkinligi bor. Munosabatlarda hamma narsa o‘zaro ishonch va hurmat asosida bo‘lishi kerak.

Esda tuting! Sog‘lom munosabatlar sizni yanada yaxshi insonga aylantiradi, cheklamaydi. Muhabbat – bu majburiyat emas, balki ongli tanlov. O‘z qadri-qimmatingizni asrang va munosib insonni kutishdan qo‘rqmang!

Sardor OTAYOROV
Mirzo Ulug‘bek nomidagi Samarqand davlat arxitektura-qurilish universiteti psixologi

📸 Foto: Axborot xizmati tomonidan sun’iy idrok yordamida tayyorlandi.

#SamDAQU #PsixologMaslahati #AxborotXizmati


SamDAQU Axborot xizmati
@samdaqueduuz

“Shashlik time” musobaqasi o‘tkazildi
#21feb #Musobaqa

Mirzo Ulug‘bek nomidagi Samarqand davlat arxitektura-qurilish universitetida Talabalar dekanining yoshlar ishlari bo‘yicha o‘rinbosari Nazorbek Axmedov hamda Talabalar dekanati tyutorlari Ikrom Davurov, Surayyo Januzakova, Zoyir Umirzakov va Aziz Dehqonov tashabbusi bilan “Iqtisodiyot va boshqaruv” fakulteti talaba-yoshlari o‘rtasida “Shashlik time” musobaqasi tashkil etildi.

Mazkur tadbir milliy an’analarni davom ettirish, yoshlarning ota-bobolarimizdan meros bo‘lib qolgan boy qadriyatlarni asrab-avaylash maqsadida o‘tkazildi.

Musobaqa davomida fakultetning pazanda qizlari milliy taomlar tayyorlab, yigitlar esa qo‘lbola shashlik pishirish mahoratini namoyish etdilar. Hakamlar hay’ati uchun g‘oliblarni aniqlash oson bo‘lmadi.

Yakuniy natijalarga ko‘ra, barcha jamoalar g‘olib deb topildi!

G‘oliblar 21-mart – “Navro‘z” umumxalq bayramida universitet rahbariyati tomonidan diplom va esdalik sovg‘alar bilan taqdirlanadilar.

#SamDAQU #MilliyQadriyatlar #ShashlikTime


SamDAQU Axborot xizmati
@samdaqueduuz