#ҳуқуқий_ахборот

“Зангиота-2” шифохонаси фаолияти тугатилиб, унинг ўрнида давлат муассасаси шаклидаги 500 ўринга мўлжалланган Тошкент шаҳар болалар кўп тармоқли шифохонаси ташкил этилади

Бу борада “Тошкент шаҳар болалар кўп тармоқли шифохонасини ташкил этиш тўғрисида”ги Ҳукумат қарори (446-сон, 24.07.2024 й.) қабул қилинди.

🏢 Қарорга кўра, Болалар шифохонасининг асосий вазифалари қуйидагилар этиб белгиланди:

🔹 18 ёшгача бўлган болаларда зарур тиббий текширувларни ўтказиш, уларга юқори малакали тиббий-консультатив ҳамда ихтисослаштирилган стационар ёрдамини кўрсатиш;

🔹 туман тиббиёт бирлашмаларига амалий-методик ёрдам бериш;

🔹 Тошкент шаҳар тиббиёт муассасалари амалиётига замонавий тиббиёт технологиялари ва бошқарув усулларини жорий этишда кўмаклашиш;

🔹 тиббиёт ходимларини тайёрлаш, қайта тайёрлаш ва уларнинг малакасини оширишда иштирок этиш.

🗓 2024 йил 1 сентябргача Болалар шифохонасининг бино ва иншоотларида зарур қурилиш ҳамда таъмирлаш ишларини ўтказиш орқали уни болаларга тиббий ёрдам кўрсатишга мослаштирилади.

🇺🇿 Бизни кузатиб боринг:

✅ Telegram ‖ 💬 Facebook

🌍 Web_site ‖ 📹 @harbiyprokuratura' rel='nofollow'>YouTube