Bir ayol Abu Hanifa rahmatullohi alayhiga ipak kiyimi sotmoqchi bo'lib keldi. Shunda u kishi:
"Buning bahosi qancha?", dedilar.
"Yuz", dedi.
"Bu yuzdan ko'p turadi", dedilar.
Ayol yuz-yuzdan qo'shib, to'rt yuzgacha yetdi. Abu Hanifa rahmatullohi alayhi esa "Bu undan ko'p turadi", deyishda davom etdilar. Oxiri ayol:
"Meni masxara qilayapsanmi?", dedi.
"Bir kishini olib kel, narx qo'yib bersin", dedilar.
Ayol bir kishini olib keldi. U kishi kiyimni besh yuzga baholadi va Abu Hanifa rahmatullohi alayhi o'sha narxga uni sotib oldilar.

Abu Hanifa rahmatullohi alayhi tijoratda o'ta halol bo'lganlar. O'zlari foyda ko'rayotganda qarshi tarafning ziyon ko'rishini mutlaqo istamaganlar. Bilmagan xaridordan foydalanishdan ko'ra unga maslahat berishni afzal bilganlar.

©️Shayx Muhammad Sodiq Muhammad Yusuf
📓Kifoya