Qo‘shkapa MFY zakovat klubi

@eng_yaxshi_maktab_bot school_8688

Tabiatning qonunlari mukammal tuzilgan. Bu jonivorning old tomondagi bir necha tishlari to‘q sariq rangda bo‘ladi. Tish tarkibini tekshirishganida unda temir moddasi borligini aniqlashgan. Mashhur multfilmning bitta yoshi ulug‘ va uch nafar yosh personajlari ham aynan shu jonivorlar edi.
Savol: Qaysi jonivor?
Javob: Qunduz.
Izoh: Qunduzlar dambalar qurishadi. Ular yog‘ochni kemirishlari uchun mustahkam tishlar judayam kerak. “Qunduz amakining hikoyalari” multfilmidagi bosh qahramonlar ham aynan ular.

Oʻtgan asrning 70-yillaridagi filmda bir jarayonni kutilganidek ifodalash uchun rejissor Damir Salimovga taxminan 15 tadan koʻproq tuxum kerak boʻlgan.
Savol: Ushbu jarayon natijasini biz kimda koʻrishimiz mumkinligini yozib bering.
Javob: “Shum bola”.
Qabul: Qoravoy.
Izoh: “Shum bola” filmi rejissyori Damir Ismailovich Salimov aynan Qoravoyning boshida tuxum yorilishi sahnasini 15-martadan koʻp takrorlatgan ekan

Bir yumoristik suratda u asabiylashib o‘ziga-o‘zi: “Men o‘zimni qo‘lga olishim va yig‘ib olishim kerak” deydi. U 1974-yil Erne tomonidan yaratilgan.
Savol: U o‘rnidagi o‘yinchoqni yozib bering.
Javob: Kubik-Rubik. Qabul: Rubik kubi.

Adabiyotdagi U nomli termin arabchadan ergashish, izidan borish degan ma’nolarni anglatadi. O‘zbek yozuvchisining 1968-yilda chiqqan asar personaji UNI do‘kondan topa olmay xunob bo‘ladi.
Savol: O‘sha personaj ismini yozib bering.
Javob: Hoshimjon.
Izoh: U qofiya edi.

Bitmay qolgan ish, inson tanasining bir qismi, peshona teri bilan topilgan pokiza ne’mat, qilgan nojo‘ya ishlar uchun koyish va o‘yinga yolg‘on aralashtirib nohaq o‘ynash.
Savol: Bu tushunchalarning umumiyligi nimada?
Javob: Bular barchasi o‘zbek milliy kurashida ishlatiladigan atamalar: chala, yonbosh, halol, tanbeh, dakki va g‘irrom.

1898-yil tugʻilgan ushbu nemis yozuvchisi 1962-yilda ko‘plab tunlarini Portugaliyada oʻtkazgan. Bu qaysi yozuvchi?
Javob: Erix Mariya Remark
Izoh: "Lissabondagi tun" asariga ishora.

Navoiy ijodining eng hayratomuz taraflaridan biri u zot asarlaridagi ixtirolar, kelajak texnikasi taʼriflaridir. “Farhod va Shirin” dostonidan parchani tinglang:
G‘aroyib ko‘p huvaydo bo‘lg‘usidir,
Bas, anda shakl paydo bo‘lg‘usidir…
Ko‘runib har zamone – ko‘zga bir shakl,
Ko‘z olg‘och – bo‘lg‘usidir … o‘zga bir shakl.
Savol: Navoiy ushbu misralar orqali hozirgi zamondagi nimani taʼriflagan?
Javob: Televizor.

Oskar mukofoti taqdirlash marosimidagi eng qisqa nutq 1967-yil Alfred Xichkokka tegishli.
Savol: Ushbu nutqni inglizcha 2 so‘z yoki o‘zbekcha 1 so‘zda yozib bering.
Javob: Rahmat.
Qabul: Thank you!
Izoh: Biz esa hammaga ishtirok uchun rahmat deymiz

“Kelajakka qaytib” filmining birinchi qismi kinoteatrlarda qo‘yila boshlagach, katta daromad va mashhurlikka erishadi. Buni ijodkorlar kutishmagan edi. Shundan so‘ng film ijodkorlari film yozilgan videokassetalar sotuvga chiqarilayotganda filmning oxiriga montaj qilib ushbu jumlani kiritib ketishadi.
Savol: Ushbu jumlani yozib bering.
Javob: Davomi bor...

Alisher Navoiy hazratlari “Mahbub ul-qulub” asarida:
U - kichik yoshlilarni kattalar duosiga sazovor etadi.
U - yoshlarni ko‘zga ulug‘ qilib ko‘rsatadi.
U - odam tabiatiga insoniylik baxsh etadi, deb ta’rif bergan.
Savol: Hazrat Navoiy U deb nimaga ta'rif bergan?
Javob: Odob. Qabul: Axloq, tarbiya, xulq.

Boburiylar hukmdori Shohjahon Agra shahrida Toj Mahalni o‘zining rafiqasi malika Mumtoz Mahalga bag‘ishlab qurdirgan. Shohjahon Toj Mahalning qarshisida o‘ziga bag‘ishlab shunday maqbara qurdirmoqchi edi, lekin urushlarning ko‘payishi va mablag‘ yetishmasligi natijasida bu fikridan qaytadi. Shohjahon keyinchalik Toj Mahal oldida kam xarajat evaziga Uni qurdirgan. Uni hozirda ham Toj Mahal oldida ko‘rishimiz mumkin.
Savol: Shohjahon nima qurdirgan edi?
Javob: Hovuz.
Izoh: Ikkinchi maqbaraga xarajat yo‘qligidan hukmdor Toj Mahal oldida hovuz qurdirgan va uning yuzida Toj Mahal maqbarasining aksi ko‘rinib turadi.

1917 yilgi sovet plakatida chor Rossiya tuzumini buzmoqchi bo‘lgan odamlar ketma ketlikda ko‘rsatilgan. Birinchi, talaba harakat qilib ko‘ryapti. Keyin, dehqon harakat qilib ko‘ryapti, Ortida ishchi hamda harbiy urinib ko‘ryaptilar. Faqatgina hammasi birgalashibgina ular maqsadlariga yetishdi.
Savol: Chor Rossiyasi nimaning ko‘rinishda tasvirlangan edi?
Javob: Sholg’om
Izoh: esingizda bo‘lsa rus ertaklaridan birida katta sholg‘omni bir oilaviy hatto hayvonlar bilan birgalikda tortib olishadi.

1890-yilda Xosyu tomonidan chizilgan rasmda bog‘dagi olma daraxti bor o‘rindig‘ida bir inson o‘tiribdi. Bu inson boshida shlyapa, egnida qora smoking, bo‘ynida kapalaksimon bo‘yinbog‘ bor. Bu odam tepasiga “u yangi fanning daho va kamtarin asoschisi” deb yozilgan.
Savol: Bu inson kim?
Javob: Isaak Nyuton.

Alisher Navoiyning “Hayrat-ul abror” dostonida “U shohona to‘shagini muallaq havoda soldirar, safarda unga yellar hamrohlik qilar, sehrli uzugi tufayli devu parilar odamlar qatorida amru farmoniga itoatda edi” deb yozilgan.
Savol: Alisher Navoiy qaysi payg‘ambar haqida shunday yozgan?
Javob: Sulaymon.

Alisher Navoiy “Hayrat ul-abror” dostonida Ular barcha falak ziyoratchilari, Ular nafsning barcha chirkinlaridan pokdirlar deb aytadi.
Savol: Navoiy Ular deb nimalarga ta’rif bergan?
Javob: Farishtalar.

Ma’lumotlarga ko‘ra, antik davrlarda yunonlar va qadimgi rimliklar bu jonzotni “ot yo‘lbars” deb nomlashgan va sirk tomoshalarida namoyish qilishgan. Yovvoyi tabiatda u tarqalgan yagona qit’a Afrika bo‘lib, Setse pashshasi chaqishi ta’sir qilmaydigan kam sonli jonzotlardan biridir.
Savol: Ushbu jonzotni yozib bering.
Javob: Zebra.

Qadimda ota-bobolarimiz bir-biri bilan kelisha olmasdan o‘zaro janjalni mushtlashish yo‘li bilan hal qilishga qaror qilishsa, jang boshlanishidan oldin bir ish qilishgan. Kambag‘al ahvoldagi inson uchun bu juda muhim bo‘lgan. Keyinchalik shu jarayon tilimizdagi bir iboraga asos bo‘lgan.
Savol: Ushbu iborani dastlabki ikki so‘zi bir xil harfdan boshlanuvchi uch so‘zda yozib bering.
Javob: To‘nini teskari kiymoq.

Ulardan biri sizni to‘xtashga undaydi, biri esa bir to‘xtab, yana davom etishingizni uqtiradi. Boshqa biri sizdan izoh talab qilsa, yana boshqasi sizdan javob kutadi.
Savol: Ularni ikki so‘z bilan yozib bering.
Javob: Tinish belgilari.

1912-yil 13-noyabr kuni Namanganning Chuqur ko‘cha dahasida yashovchi Mamatxoja va Holambibilarning oilasida qorachadan kelgan o‘g‘il farzand dunyoga keladi. Uning tarjimai holida 1944-yili 9-mart kuni Rossiyaning Kemerova viloyatida vafot etganligi haqida ma’lumot keltirilgan.
Savol: Gap qaysi atoqli o‘zbek adibi haqida bormoqda?
Javob: Usmon Nosir.

U 2 qismdan iborat bo'lib birinchi qismida buyuk sarkardaning tarjimai holi, yurishlari, 27 mamlakatni qanday idora qilganligi haqida gap boradi. Ikkinchi qismida esa asosan farzandlariga pand nasihatlar o'rin olgan.
Savol: Uning nomini ayting.
Javob: Temur tuzuklari

Zakovat bo‘yicha 24-maktab o‘quvchilari o‘rtasida o‘tkazilgan maktab birinchiligining final o‘yini bo‘lib o‘tdi. Quyidagi jamoalar sovrinli o'rinlardan joy olishdi.

🥇 1-o‘rin: 10-"B" sinf
🥈 2-o‘rin: 8-"A" sinf
🥉 3-o‘rin: 9-"A" sinf

Shuningdek, ishtirok etgan barcha jamoalarga rahmat! Musobaqalarimiz davom etadi.

24-maktab o‘quvchilari o‘rtasida o‘tkazilyotgan "Zakovat" bo‘yicha maktab birinchiligining saralash o‘yinlari yakunlandi va quyidagi jamoalar finalga yo'l olishdi.

6-"B" sinf
7-"B" sinf
8-"A" sinf
9-"A" sinf
10-"B" sinf
11-"B" sinf

Ushbu jamoalar finalda o'zaro bahslashadi. Final o‘yini 9-fevral kuni soat 12:00 da 24-maktab binosida o‘tkaziladi.

24-maktab o‘quvchilari o‘rtasida o‘tkazilayotgan "Zakovat" bo‘yicha chempionatning hozirgacha bo‘lgan saralash o‘yinlaridan o‘tib finalga chiqqan jamoalar!


Saralash o‘yinlari:

6-sinflar o‘rtasida

Sana: 30-yanvar
Vaqt: 12:00
G‘olib: 6-"B" sinf

7-sinflar o‘rtasida

Sana: 31-yanvar
Vaqt: 12:00
G‘olib: 7-"B" sinf

8-sinflar o‘rtasida

Sana: 1-fevral
Vaqt: 12:00
G‘olib: 8-"A" sinf

9-sinflar o‘rtasida

Sana: 2-fevral
Vaqt: 12:00
G‘olib: 9-"A" sinf

10-sinflar o‘rtasida

Sana: 3-fevral
Vaqt: 12:00
G‘olib: 10-"B" sinf

11-sinflar o‘rtasida

Sana: 3-fevral
Vaqt: 12:00
G‘olib: 11-"B" sinf

Final o‘yini 9-fevral kuni 12:00 da o‘tkaziladi.

(Barcha maktabimiz o‘quvchilariga yetkazing)