Qamashilik👍

Kecha Qamashi tumani hokimi Xurshid Usmonov, tuman IIB boshlig‘i Nodirbek Rahimov tuman tashkilot rahbarlari ishtirokida tuman markazidan 80 kilometr uzoqlikdagi Qo‘shko‘l qishlog‘ida sayyor qabul o‘tkazdi. Qabul avvalida, qurbonlik qilinib, Qur'on tilovat qilindi.

Shundan so‘ng qishloq aholisi bilan muloqot qilinib, ularning murojaat va takliflariga e'tibor qaratildi. Aholi tomonidan bildirilgan taklif va murojaatlar asosida tegishli ishlarni amalga oshirish bo‘yicha vazifalar belgilandi.

Shuningdek, qishloqdagi maktab, yo‘l-transport infratuzilmasi va kommunal xizmatlarning holati o‘rganildi.

Qabuldan so‘ng, qo‘shko‘lliklar uchun madaniy tadbir o'tkazildi. Tuman madaniyat bo‘limi tomonidan gulxan atrofida konsert dasturi namoyish qilindi. Tuman yoshlar ishlari bo‘limining yoshlarga sovg‘alari berildi.

10-14 yosh toifasida:
1-o’rin — To‘lqinov Azizjon Koson tumani;
2-o’rin — Mannonov Nurmuhammad Kitob tumani;
3-o’rin — Kamolova Charos Qarshi tumani.

15-19 yosh toifasida:

1-o’rin — Temirova Maftuna Qarshi shahri;
2-o’rin — Axmedov Abror Qamashi tumani;
3-o’rin — Toshpulatova Madina Yakkabog‘ tumani.

20-30 yosh toifasida:

1-o’rin — Sa’dullayeva Movlyuda Qarshi shahri;
2-o’rin — Egamnazarov Otabek Koson tumani;
3-o’rin — Eshdavlatova Dilfuza Dehqonobod tumani.

2025-yil 11-fevral kuni Qamashi tumani Yoshlar ishlari bo‘limi mahallalardagi yoshlar yetakchilari bilan birgalikda bir qator tadbirlar o‘tkazdi. Tadbirlar doirasida "Zakovat" intellektual o‘yinlari, "Ibrat Akademy" loyihasining targ‘iboti, xorijdagi yoshlar bilan suhbatlar va mahallaning uyushmagan yoshlar o‘rtasida voleybol musobaqalari tashkil etildi.

Intellektual o‘yinlarda yoshlar o‘z bilimlarini sinashdi, "Ibrat Akademy" loyihasi yoshlar orasida ijtimoiy faollikni oshirishga yordam berdi. Xorijdagi yoshlar bilan suhbatlar yoshlarni global muammolarga qarshi kurashishga undadi. Subsidiya olish orqali o‘zini-o‘zi band qilgan yoshlar o‘z faoliyatlari haqida ma'lumot berdilar.

Sport tadbirlari, xususan, voleybol musobaqalari yoshlar orasida sportga bo‘lgan qiziqishni oshirdi. Tadbirlar yoshlarning bo‘sh vaqtlarini mazmunli o‘tkazish, ularning intellektual va jismoniy rivojlanishini ta'minlashga qaratildi.

2025-yil yanvar va fevral oylarida Janubi-G‘arbiy maxsus harbiy okrug qo‘shinlarida “Chaqiriluvchilar kuni” doirasida muddatli harbiy xizmatga otlanayotgan yoshlar uchun harbiy qism va muassasalarda ochiq eshiklar kuni tashkil etildi. Qamashi tumani Mudofaa ishlari bo'limi hamda Qamashi tumani Yoshlar ishlari bo'limlari hamkorligida tumanning 170 nafar yoshlari ushbu tadbirda ishtirok etib, Vatan himoyachisi bo‘lish sharafi va mas’uliyatini his qilishdi!

Harbiy qism hayoti bilan yaqindan tanishish, jangovar shaylikni o‘z ko‘zi bilan ko‘rish, askarlik burchining yuksak fazilat ekanligini anglash – bu yoshlarning qalbida Vatanga sadoqat, jasorat va g‘urur tuyg‘ularini yanada kuchaytirdi!

Kelajak senga ishonadi, yigit!

Bugun sen qadam qo‘yayotgan yo‘l – buyuk ajdodlar merosidir. Mardlik, fidoyilik va matonat yo‘lida harakat qilish har bir yoshning burchidir!

Har bir millatning o‘ziga xosligi, urf-odatlari va qadriyatlari uning milliy kiyimlarida mujassam bo‘ladi. Milliy libos – bu nafaqat mato va bezaklar, balki ajdodlarimizning asrlar davomida shakllangan go‘zallik, nafosat va madaniyatining yorqin ifodasidir.

Qamashi tumanida haftaning har juma kuni "Milliy liboslar kuni" deb e’lon qilingan! Bugun tumandagi hokimlik va barcha tashkilot xodimlari o‘z ish faoliyatini milliy liboslarda olib borishdi. Bu tashabbus milliy o‘zligimizni anglash, qadriyatlarimizni ulug‘lash hissini singdirishda muhim qadamdir.

Milliy qadriyatlar – ma’naviyatimiz sarchashmasi! Milliy libos bizga nafaqat o‘z tariximizni eslatadi, balki kelajagimizga ishonch-la qadam tashlashga undaydi. U har bir insonning ichki go‘zalligini ochib, milliy faxr, iftixor tuyg‘usini mustahkamlaydi.