#finished
Paul Polakning “Kambagʻallik girdobidan chiqish” kitobida qiziq keyslar alohida e’tiborimni tortdi. Ular ichidan 1981-yillardagi voqeani aytib berishni istadim. Somalidagi kambagʻallar lageriga BMT oziq-ovqat mahsulotlarini har kuni yoki tez-tez tekinga berib turarkan.
Muallif ular orasida yurganida odamlarning quruq (kukunsimon) sutni echkilarga berayotganiga guvoh boʻlib qoladi. Mahalliy aholidan nega bunday qilayotganlarini soʻrashganida nima deb javob berishganini bilasizmi? Sutni yaxshi koʻrishini, echkilarini nima bilandir oziqlantirsa sut berishini aytishgan. Ular qoʻllaridagi narsa aslida sutning boshqacharoq shakli ekanligini bilishmagan.
Ya’ni oziq-ovqat tarqatish bilan shugʻullanayotganlar bu qanday mahsulot, uni nima qiladi, suvga aralashtirsa sutga aylanishi haqida umuman ma’lumot berishmagan. Ma’lumot berish kerakligi, bunday narsadan somaliliklarning xabari yoʻq ekani hech kimning xayoliga ham kelmagan. Nima ekanidan bexabar mahalliy aholi esa uni yemagan, itga bergan, echkiga bergan yoki shunchaki toʻkib tashlashgan.
Vaziyatni joyiga kelib koʻrmagan, ular bilan suhbatlashmagan va ularning dardini his etmagan odamlar (amaldorlar) kambagʻallarga yordam berolmaydi. Oddiy xalq hayotidan uzilganlar bunga qodir emas, deya yuqoridagi keys orqali fikrini asoslaydi.
Bu fikrlar qanchalik asosli ekanligini xalq hayotidan bexabar kishilarning “gazni isinish yoki ovqat qilish uchun sarflagan xalqning kosasi oqarmaydi” yoki “gaz boʻlmasa benzinda yursin moshinalar” deb berilgan bayonotlardan ham bilishingiz mumkin.
Menimcha, Paul Polakning “Kambagʻallik girdobidan chiqish” asarini avvalo amaldorlar oʻqishi kerak. Siz ham oʻqing, aziz doʻstim. Koʻp narsalardagi oʻlchovlaringiz va qarashlaringizni oʻzgartira oladigan kitob ekan.
➡️@qora_yigit
Paul Polakning “Kambagʻallik girdobidan chiqish” kitobida qiziq keyslar alohida e’tiborimni tortdi. Ular ichidan 1981-yillardagi voqeani aytib berishni istadim. Somalidagi kambagʻallar lageriga BMT oziq-ovqat mahsulotlarini har kuni yoki tez-tez tekinga berib turarkan.
Muallif ular orasida yurganida odamlarning quruq (kukunsimon) sutni echkilarga berayotganiga guvoh boʻlib qoladi. Mahalliy aholidan nega bunday qilayotganlarini soʻrashganida nima deb javob berishganini bilasizmi? Sutni yaxshi koʻrishini, echkilarini nima bilandir oziqlantirsa sut berishini aytishgan. Ular qoʻllaridagi narsa aslida sutning boshqacharoq shakli ekanligini bilishmagan.
Ya’ni oziq-ovqat tarqatish bilan shugʻullanayotganlar bu qanday mahsulot, uni nima qiladi, suvga aralashtirsa sutga aylanishi haqida umuman ma’lumot berishmagan. Ma’lumot berish kerakligi, bunday narsadan somaliliklarning xabari yoʻq ekani hech kimning xayoliga ham kelmagan. Nima ekanidan bexabar mahalliy aholi esa uni yemagan, itga bergan, echkiga bergan yoki shunchaki toʻkib tashlashgan.
Vaziyatni joyiga kelib koʻrmagan, ular bilan suhbatlashmagan va ularning dardini his etmagan odamlar (amaldorlar) kambagʻallarga yordam berolmaydi. Oddiy xalq hayotidan uzilganlar bunga qodir emas, deya yuqoridagi keys orqali fikrini asoslaydi.
Bu fikrlar qanchalik asosli ekanligini xalq hayotidan bexabar kishilarning “gazni isinish yoki ovqat qilish uchun sarflagan xalqning kosasi oqarmaydi” yoki “gaz boʻlmasa benzinda yursin moshinalar” deb berilgan bayonotlardan ham bilishingiz mumkin.
Menimcha, Paul Polakning “Kambagʻallik girdobidan chiqish” asarini avvalo amaldorlar oʻqishi kerak. Siz ham oʻqing, aziz doʻstim. Koʻp narsalardagi oʻlchovlaringiz va qarashlaringizni oʻzgartira oladigan kitob ekan.
➡️@qora_yigit