Birburchak

Yaqinda Saramagoning “Koʻrlik” romani kreativ koʻrinishda nashr etilib kitobxonlar orasida mashhur boʻlgandi. Esingizdami oʻsha oppoq kitob?

Men esa sizlarga uning turkcha, sariq rangdagi nashrini koʻrsatmoqchiman. Rasmning oʻn tomonida “Koʻrlik” boʻlsa chap tomonida esa ayni oʻsha muallifning “Koʻrmoq” romanini ushlab turibman. Qiziq a?

Nasib etsa hali ikkisini ham oʻqib chiqib sizlar bilan fikrimni boʻlishaman. Buni kechagi postning davomi desak ham boʻladi. Faqat koʻpaylashib tokni yana oʻchirib qoʻymanglar 😃

➡️@qora_yigit

Kecha maqtangan kitoblarim ichiga ataylab bu kitobni qoʻshmagandim. Chunki bugundan shu asarni oʻqishni boshlashni reja qilgandim. Bir kitobni ikki marta maqtangim kelmagandi. Kamtarmiz-da)

Stefan Sveygni yozish uslubi, ayol qalbini eng ichkarisidan turib yoritib bera olishi bilan ham koʻpchilik sevib oʻqisa kerak. “No’malum ayol maktubi” esa ana shunday “katta” asarlaridan deyishadi. Oʻqib koʻraylik-chi…

➡️@qora_yigit

Turkiyadan juda koʻp kitoblar olib kelganman.

Kazo-kazolarning koʻngliga ozor bermay deb hammasini bittada e’lon qilmayapman.

Nasib etsa shoshilmay, haftada bir-bir e’lon qilib turaman shunaqa qilib.

Hammasi sizlarga ozor bermaslikni judayam istaganimdan 😃

➡️@qora_yigit

Toshkentga kelishing bilan seni sovgʻalar kutib olsa qanday yaxshi. Rahmat ibook.uz 😇

Propagandani kazo-kazolardan kimdir oʻqidimi oʻzi? Yoki oʻzim boshlab beraymi? 🙃

➡️@qora_yigit

Tanlov 🔥

Yangi asr avlodida yangi chiqqan Jek Londonning Oq soʻyloq, Ajdodlar nidosi, Yulduzlararo sargardon nomli kitoblarini 4 kishi yutib olishi mumkin.

🖥Shartlar esa juda oson:
Birburchak kanaliga obuna boʻlasiz. Ushbu tanlov postini 40+ odami boʻlgan guruh yoki kanalga joylaysiz va screnshotini izohda qoldirasiz.

Men sizga raqam beraman. Random orqali 3 gʻolibni aniqlaymiz. Ularga bittadan kitob sovgʻa qilinadi. Qolgan 1 gʻolib esa qatnashuvchilar orasida eng koʻp obunachisi boʻlgan guruh yoki kanalga bu postni joylagan odam boʻladi. Unga ikkita kitob sovgʻa qilinadi.

⚠️MUHIM: Guruh yoki kanalga joylagan postingiz tanlov yakunlanguncha oʻchirilmasligi kerak. Gʻoliblar payshanba oqshomida aniqlanadi!
Hammaga omad. Harakat qilsangiz albatta gʻolib boʻlasiz.

➡️Homiy: Book.uz

➡️@qora_yigit

Bilasiz, chet el kinolari o‘zbekchaga tarjima qilinsa ba’zi joylari madaniyatimizga to‘g‘ri kelmagani sababli kesib tashlanadi. Bu narsa kitob tarjima qilishda ham uchraydi.

Qonunga zid qismlar, madaniyat va mentalitet sababli yoki ba’zi senzuraviy vaziyatlar tufayli kitobning ma’lum qismi kesib tashlanadi. Bu o‘zbek tarjima maktabida tez-tez uchrab turadigan hodisa.

Asosli "chopilgan" joylariga negativ munosabat bildirmasa ham bo‘ladi. Faqat bu "chopib" tashlashlarning ham o‘z madaniyati bor.

Qayerda uzilish bo‘lganini o‘quvchi bilishi kerak. Kitobxon qiziqsa, asliyatdan yoki o‘zi biladigan boshqa tildagi variantidan o‘sha qismini o‘qib olishi mumkin bo‘ladi.

Buning uchun esa kesilgan joyiga maxsus belgi qo‘yib ketilishi kerak. Odatda buni anglatish uchun mana bunday shakldan foydalaniladi.

Murakamining "Norveg o‘rmoni"ni o‘qiyotganimdan xabaringiz bor. Bu kitobda hozircha ikkita joyda bu belgini uchratdim. Va Yangi asr avlodi va asar muharriri Raxshona Ahmedovadan xursand bo‘ldim.

Bu madaniyatni boshqa nashrlar ham qo‘llasa, amal qilsa yaxshi bo‘lardi. Shunda o‘quvchi qayerda nimani yo‘qotayotganini ko‘rish imkoniyatiga ega bo‘lardi. Menimcha, kitobxonning bundan xabardor bo‘lishi juda adolatli.

➡️@qora_yigit

Gruziyadaman. Batumi ham juda yoqimli joy ekan.

Videolarda koʻrib qiziqqanim buyuk sevgi tarixiga aylangan Ali va Nido haykalini tomosha qildim. Ular shunday qurilganki sekin harakatlanib har 10 daqiqada bir butunga aylanadi.

Tabiati, daraxtlari, tor koʻchalari va ulkan dengizi esa alohida mavzu. Imkon qilolsam kitob doʻkonlariga ham kirib koʻrmoqchiman.

➡️@qora_yigit

Kambagʻal bir maza qilaman deb plyajga chiqqanida ahvolni qaranglar-da)

➡️@qora_yigit

#xarid

Bugun yana kitob doʻkonlarini aylandim. Va turk adabiyotining shu ikki durdonasini sotib oldim.

Livanellining “Soʻnggi orol” asari allaqachon oʻzbek tiliga tarjima qilingan. Ihsan Oktay Anarning “Puslu kıtalar atlası”ni esa Huzur nashriyoti tarjima qilmoqda deb eshitgandim.

Bu ikki kitobning ham oʻzbek tilida boʻlishi odamni juda xursand qiladi 😇

➡️@qora_yigit

#hisobot

✔Iyunda oʻqigan kitoblarim va ular haqidagi fikrlarim quyidagilar:

1. 📚”Latte omili” – Devid Bax

2. 📚”Oʻlik uydan maktublar” - F.Dostoyevskiy

3. 📚”Linaning koʻzlari” - Lotin Amerikasi hikoyalari toʻplami

4. 📚”Uzoqlarga ketma” - Turkiya hikoyalari toʻplami

5. 📚“Azal muhri” - Baxtiyor Abdugʻafur

6. 📚"20 yoshimgacha nega bu haqda aytishmagan" - Tina Silig

7. 📚”Lanz” - Flyuren Yekker

8. 📚”Qidiruvdagi qiz” – Luqmon Boʻrixon


✔Iyun oyida Birburchakning YouTube’dagi sahifasi uchun tayyorlangan videolar:

1. ➡️Qarzga olingan umr: https://youtu.be/i5oy-E2sBy0

2. ➡️Yigirma yoshimgacha nega bu haqida aytishmagan?: https://youtu.be/Ib38dgy95N4

3. ➡️Molxona: https://youtu.be/K_A6-InexrQ


✔Iyunda instagramdagi “Birburchak” uchun esa 4 ta reels joylabman. Kitoblar haqidagi reelslar qiziq boʻlsa quyidagi manzil orqali kirib koʻrishingiz mumkin: https://www.instagram.com/birburchak

🗓 Siz oʻtgan oyda qaysi kitoblarni oʻqidingiz? Izohlarda yozib qoldiring.

➡️@qora_yigit