Birburchak

#kayfiyat

Sen 20 ta, men esa 60 ta kitob oʻqiganman. Ya’ni sen oʻqigan kitoblar soni menikidan 3 barobar kam. 20x3=60. Toʻgʻri hisobladimmi?

Keyin ikkimiz kelishib yana 20 ta kitobni birga oʻqidik. Endi sen 40 ta kitob oʻqigansan, men esa 80 ta. Endi esa sen oʻqigan kitoblar soni menikidan 2 borabar kam. 40x2=80. Toʻgʻri hisobladimmi?

Matematika rostdan ham aniq fanmi? 🤪

🕊Telegram 📱Instagram

Shaxsiy kutubxonamga juda koʻpchilik qiziqadi. “Robinzon Kruzo” degan filmda Jumaboy aytganidek: “Uni koʻrsa hamma oʻoʻoʻoʻoʻ deydi”. Qaysi kitobim javonning qayerida turibdi, yonida qaysi kitob bor yoddan ayta olsam kerak. Oyda bir marta hammasini qaytadan taxlab chiqaman. Asablarim dam oladi, mazza))

Kitoblarni tezroq yigʻish uchun bittada koʻp-koʻp sotib olganman. Bunda eng qoʻl kelgani Asaxiyning yil oxirida taklif etadigan toʻplamlari boʻlgan. Bu yil ham 20 ta eng yaxshi kitoblarni jamlashibdi. Uning ichida menga juda yoqqan “Yalangʻoch iqtisodiyot”, “Mamlakatlar tanazzuli sabablari” va “Katta oʻyin” kabi katta va juda saviyali kitoblar ham bor.

20 ta kitobning narxi 1 mln 99 ming boʻlarkan, ammo toʻplam shaklida olsangiz 899 ming toʻlaysiz. Uyingizgacha tekin yetkazib berishadi. Agar bittada buncha pulim yoʻq desangiz, 899 mingni 6 oyda foizsiz, boshlangʻich toʻlovsiz boʻlib toʻlasangiz ham boʻladi.

Oʻylab, ikkilanib oʻtiradigan narsa emas. Shartta olishni tavsiya qilaman. Chunki chegirma uzoq davom etmaydi.

Toʻplamni sotib olish uchun: asaxiy.uz/u/bestseller-2024

Bu kitobni ancha yillar ilgari oʻqigandim. Menga Remarkni sevdirgan, Remarkni tanishtirgan asar. “Gʻarbiy frontda oʻzgarish yoʻq”…

Uzoq yillardan keyin u bilan qayta uchrashuv belgiladim. Shunday qor yogʻib turgan kunda. Yillarcha koʻrmagan yaqinini uchratsa odam ne qadar hayajonlanadi? Kitoblar bilan ham shunday boʻlishi normalmi? Menimcha, normal. Chunki odam kitoblar bilan ham bir hayot kechiradi, u bilan yashaydi, hayajonlanadi, sevadi, munosabatlarga kirishadi…

Oʻqib boʻlgach, sizlar bilan uchrashuv tafsilotlarini baham koʻraman 😅

🕊Telegram 📱Instagram

“Alloh kimni yaxshi koʻradi?” degan savolga javob topadigan, “Fors nomalari”ni oʻqiydigan va “Hukmdor”larning “Mulohazalar”i haqida bilib oladigan boʻldim.

Nashriyotni avval boshdan kuzatib kelaman. Kitoblaridagi sifat yaxshigina oʻsibdi. Kitoblar bejirim, yengil va pishiq nashr etilibdi. Sovgʻalar uchun @ibook_uz ga katta rahmat. Davomli yangiliklar kutib qolamiz.

Bu kitoblarni esa oʻqib koʻrib, fikrlarimni sizlar bilan baham koʻraman 😇

🕊Telegram 📱Instagram

#finished

Bu kitobni juda zoʻr kitob ekan deyolmayman, lekin…

Lekin unga kitob oʻqishning ahamiyatini tushuntiradigan, kitobxonlik koʻnikmasini shakllantiradigan alifbo kitobi sifatida qarab koʻrsak-chi?

Ha, “Hammasi kitob haqida” kitobi inson hayotida mutolaaning oʻrni naqadar muhim ekanini ham dunyoviy, ham diniy tushuntiradi. Kitobxon boʻlishingiz uchun tavsiyalar beradi. Va har bir tavsiyaning ahamiyatini asoslab beradi.

Agar sizda kitob oʻqish koʻnikmasi boʻlsa, bir oyda hech boʻlmasa bitta kitob tugatsangiz, bu kitobni oʻqishingizning keragi yoʻq. U sizni zeriktiradi.

Lekin siz kitob oʻqishga qiziqasiz, ahamiyatini his etasiz. Ammo bunga nimadir halaqit berayotgandek kirishib ketolmaysiz. Yoki bir kitob tugatasiz va orada 4-5 oy tanaffus boʻladi. Umumuiy olganda, davomiylik yetishmayotgan, ozroq turtki yoki yoʻl-yoʻriq kerakdek boʻlib turgan boʻlsa unda “Hammasi kitob haqida”ni oʻqib chiqsangiz yordami tegadi.

Ya’ni bu kitob kitob oʻqishni doimiy odatga aylantirishga yordam beradigan misoli bir alifbo. Bu koʻnikma sizda boʻlsa, u siz uchun juda zerikarli kitob boʻlib tuyiladi. Agar siz mutolaa koʻnikmasini shakllantirishga bel bogʻlagan boʻlsangiz, unda bu kitobdan koʻp narsalar oʻrganishingiz mumkin.

Oʻzingizni qaysi qatlamdanman deb hisoblashingizga qarab oʻqishingizni maslahat beraman. Zero hech kim oʻzini oʻzichalik bilmaydi va oʻzini aladay olmaydi.

🕊Telegram 📱Instagram

#xarid

Remark asarlari menga juda yoqadi. Shu toʻplamni nihoyat jamladim 😎

Bu sizga nima beradi deganlarga oʻsha gap:

Bu bir nosning kayfidek gap 😅

🕊Telegram 📱Instagram

Turk adabiyoti faqat sariq rangdan iborat emas!

Turk adabiyotini faqatgina sayoz, “sariq” yoki oʻrtamiyona asarlar tashkil qiladi deb oʻylovchilar ham koʻp ekan. Bu fikr oʻzbek tiliga tarjima qilingan turk adabiyotidan kelib chiqqan xulosalar boʻlsa kerak.

“Turk adabiyotidan oʻqishingiz kerak boʻlgan 25 ta eng yaxshi roman” nomli maqolani oʻqib qoldim. Albatta, bu maqoladagi 25 kitob bir turk adabiyotshunosining fikri boʻlib, hamma uchun universal boʻla olmasa-da, anchayin haqiqatga yaqin koʻrinadi. Qaysidir asarlar tartib raqamini almashtirishingiz, qaysilariningdir oʻrniga roʻyxatda yoʻq kitobni qoʻshishingiz mumkin, ammo asosni butkul rad etolmaysiz.

Ana shu eng yaxshi 25 turk romani ichidan 2023-yilgacha faqat bittasigina oʻzbek tiliga tarjima qilingan ekan. U roman ham roʻyxatning eng soʻnggida 25-oʻrinda turibdi. Bu Guntekinning “Choliqushi”si.
Roʻyxatdagi 25 romanning yana biri 2024-yilda tarjima qilinibdi. Bu Sabohiddin Alining “Kuyujaklik Yusuf” asaridir. Bu kitob roʻyxatda 10-oʻrinni egallagan.

Maqola muallifining bir fikri menga juda yoqdi. “Bu roʻyxatni shakllantirayotganimda juda qiynaldim. Bu romanni ham qoʻshsam boʻlardi, bunisini ham kirita olsam edi. Ammo joy 25 ta edi va qaysidir kitoblar roʻyxatdan chetda qolishi tabiiy. Bu romanlar “eng koʻp oʻqilgan”, “eng koʻp sotilgan” yoki “oʻzgacha sevib qabul qilingan” kabi kriteriyalar asosida tanlanmadi. Kitoblarni tarixiy ahamiyati, adabiy jihatdan kuchi hamda oʻzidan keyingi yetishib kelgan yozuvchilar, oʻquvchilarning zehniyatiga koʻrsatgan ta’sirini inobatga olib tanlashga harakat qildim”, deydi maqola muallifi.

Quyida esa sizga ushbu 25 roman roʻyxatini keltiraman:

1. “Kara Kitap”, (1990) Orhan Pamuk

2. "Tutunamayanlar", (1971-72) Oğuz Atay

3. "Saatleri Ayarlama Enstitüsü", (1961) Ahmet Hamdi Tanpınar

4. "İnce Memed 1", (1955) Yaşar Kemal

5. "Aşk-ı Memnu", (1899 -1900) Halid Ziya Uşaklıgil

6. "Anayurt Oteli", (1973) Yusuf Atılgan

7. "Araba Sevdası", (1898) Recâizâde Mahmut Ekrem

8. "Benim Adım Kırmızı", (1998) Orhan Pamuk

9. "Kuyucaklı Yusuf",(1937) Sabahattin Ali

10. "Sevgili Arsız Ölüm", (1983) Latife Tekin

11. "Dokuzuncu Hariciye Koğuşu", (1930) Peyami Safa

12. "Devlet Ana", (1967) Kemal Tahir

13. "Bir Düğün Gecesi", (1979) Adalet Ağaoğlu

14. "Puslu Kıtalar Atlası", (1995) İhsan Oktay Anar

15. "Bir Gün Tek Başına", (1975) Vedat Türkali

16. "Yenişehir'de Bir Öğle Vakti", (1973) Sevgi Soysal

17. "Kiralık Konak", (1922) Yakup Kadri Karaosmanoğlu

18. "Ayaşlı ve Kiracıları", (1934) Memduh Şevket Esendal

19. "Bereketli Topraklar Üzerinde", (1954) Orhan Kemal

20. "Gölgesizler", (1993) Hasan Ali Toptaş

21. "Üç İstanbul", (1938) Mithat Cemal Kuntay

22. "Issızlığın Ortası", (1976) Mehmet Eroğlu

23. "Eylül", (1901) Mehmet Rauf

24. "Sinekli Bakkal", (1935-36) Halide Edib Adıvar

25. "Çalıkuşu", (1922) Reşat Nuri Güntekin

🕊Telegram 📱Instagram

Tanlov!

Shartlar juda oddiy:
✅ Birburchak va The Stranger kanallariga a'zo bo'lasiz;
✅Va shunchaki pastdagi "QATNASHAMAN" tugmasini bosasiz. G'oliblarni telegramning o'zi random orqali aniqlab beradi.
❗️E’tiborli boʻling, kanallarga a’zo boʻlmasangiz gʻolib boʻla olmaysiz.

🏆Gʻoliblarimiz 4 nafar bo'ladi. Gʻoliblarga Ilhom Salimov tarjima qilgan “Londondan muhabbat ila” kitobi beriladi.

Natijalar 20-dekabr kuni 10:00 da e'lon qilinadi.

🔜Xabarni kitobxon tanishlaringizga ham yuborib qo'yishni unutmang. Barchaga omad tilayman!

#finished

Amir Temur haqida koʻp kitoblar, maqolalar oʻqiganman. Film va hujjatli filmlar, videolar tomosha qilganman. Uning nima ishlar qilgani, qaysi yilda kim bilan urushgani hamma joyda aytiladi. Bu ma’lumotlarning ba’zi qismlarini koʻpchilik tarix darsliklaridan oʻqigan.

Ammo aksar kitoblar va videolar orqali Amir Temur shaxsiyati nihoyatda ideallashtirilganini, siz va bizning umuman qoʻlimiz yetmaydigan uzoqlikdagi odamdek, hech qachon u xato qilmaydigandek tasvirlashganini sezganman.

Turk tarixchisi Ahmad Shimshirgilning “Amir Temur” kitobida esa Sohibqironning biz kabi inson ekanini his etib turasiz. Uning ham qoʻrquvlari boʻlgan, u ham xatolar qilgan, janglarda chekinishga majbur boʻlgan paytlari ham kam emas. Bular ham kitobda yutuqli tomonlari bilan birga keltirib oʻtilgan.

Xoʻsh, bu nimaga kerak? Ya’ni uning qoʻrquvlari, xatolari va ayblarining yozilishi Amir Temur shaxsiyatini yomon koʻrsatish uchunmi? Yoʻq, unday emas. Odam sifatida uning ham xatolari, ayblari borligini aytish, yasama va oʻta shishirilgan qahramon yasamaslik kerak. Bu esa hozirgi zamon kishisini demotivatsiyadan qutqarib qoladi. Oʻquvchi va Temur shaxsiyati oʻrtasida qoʻl yetib boʻlmas jarlikni hosil qilmaydi. Muallifning ana shu yondashuvi menga yoqdi.

Keyin Amir Temurning naqadar bosiq, oʻylab ish qiladigan odam boʻlganini menga bu asar yanayam yaqinroqdan, boshqacharoq tomondan koʻrsatib berdi. Koʻp vaziyatlarda, Shomga, Gurjistonga yurishlari chogʻida va Toʻxtamishxon bilan oʻrtadagi nizo vaqtida shoshilib qaror chiqarmasligi, maktublar yuborib qayta-qayta jangning oldini olishga harakat qilgani, aynan ana shunday xarakter egasi ekanligi buyuk imperiya qurishida asosiy rol tutgan boʻlsa kerak.

Sohibqironning bu xarakteri Boyazid bilan jang kelib chiqishida ham seziladi. Oʻsha paytda Temurning davlati Usmonli turklar davlatidan kamida 14 barobar katta, qoʻshini esa kamida 6-8 barobar koʻp edi. Ammo shunda ham qayta-qayta urushning oldini olishga uringani, bu toʻqnashuv kelib chiqishida koʻproq Boyazid xarakterining roli katta ekanini katta turk tarixchisi ham e’tirof etishi Sohibronga hurmatni yanada oshiradi.

Kitobdagi janglar, yillar va katta voqeliklarga atay unchalik toʻxtalmadim. Chunki bu voqeliklarni yuqorida aytganimdek, boshqa kitoblarda ham oʻqishingiz mumkin. Ammo boshqa kitoblarda uchramaydigan yoki juda kam uchraydigan bir jihat bu kitobda koʻproq e’tiborga olingan. Bu Amir Temurning insoniy xarakteri, tuygʻulari va boshqalarga qilgan yaxshiliklari. Va bu yozilgan voqeliklar oʻsha davr tarixiy kitoblari, yilnomalari asosida isbotlab berilgan.

Men tarixga qiziquvchilar uchun bu kitob oʻqilishi lozim boʻlgan kitoblar roʻyxatida turishi kerak deb hisoblayman. Matnda koʻp gaplarni sigʻdirish imkonsizligi bois oʻzingiz oʻqib koʻrishingiz kerak. Yoqimli mutolaa doʻstlar!

🕊Telegram 📱Instagram

Koʻpchilik kitob oʻqishga qiziqadi, ammo buni doimiy odat shakliga aylantirishga qiynaladi. Bu uchun nima qilish kerak degan savolga javob izlashadi.

Bunaqa tavsiyalar odamiga, vaziyatiga qarab farq qiladi. Hamma uchun karra jadvali kabi universal qoʻllanma mavjud emas. Ammo barchaga birdek tushadigan umumiy tavsiyalar bor. Shunday ma’lumotlarni koʻrib chiqish uchun “Hammasi kitob haqida” kitobini oʻqishni boshladim.

Koʻraylik-chi, kitobxon boʻlish uchun qanday tavsiyalar berilgan ekan. Kitobni tugatgach, fikrlarimni sizlar bilan boʻlishaman. Izohlarda siz ham kitobxonlik odatini shakllantiradigan oʻz tajribalaringizni yozib keting. Ajabmas, boshqalarga ham nafi tegsa 🙂

🕊Telegram 📱Instagram

Amir Temur va "Muqaddima"

Bilasiz, bir-necha kun avval Amir Temur kitobini o‘qishni boshlagandim. Kitobda qiziq va katta voqeliklar bob nomiga qo‘yilgan. "To‘xtamishxon bilan jang", "Seyiston safari", "Hindistonga yo‘l", "Boyazid Yildirim", "Anqara jangi", "Xitoy safari" va hokazo kabi…

Ana shu bob nomlari orasida "Amir Temur va Ibn Xaldun" deb nomlangani ham bor ekan. Bu o‘sha, yaqin zamonlardan beri kitobxonlar tilidan tushmay qolgan "Muqaddima" asari muallifi.

Sohibqironning bir qiziq va yoqimli odati e’tiborimni tortdi. Qayerni egallasa, o‘sha yerlik olimlar, sayyidlar, ulamolar va ilmli kishilari bilan suhbat qilarkan. Ularga dasturxon yozib mehmon qilish asnosida suhbatini olarkan.

Amir Temur Shomni fath etganida Ibn Xaldun ham ana shu shaharda bo‘ladi. Qal’adagi ilmli kishilarni mehmon qilish asnosida Amir Temur va Ibn Xaldun tanishib qolisharkan. Ana shu suhbat chog‘ida "Muqaddima" muallifi Sohibqirondan Qohirada qolib ketgan(Misr va Amir Temur saltanati o‘rtasida jang ketayotgan bo‘ladi) kitoblarini topib keltirishda yordam so‘raydi.

Qohirada juda ko‘p nodir qo‘lyozmalari borligini, o‘zi ko‘rgan turli hukmdorlar haqida kitoblar yozib borganini aytadi. Amir Temur unga yordam berishini aytadi.

Nima deb o‘ylaysiz, o‘sha nodir qo‘lyozmalar orasida "Muqaddima" ham bo‘lganmi?
Sohibqiron Ibn Xaldunga kitoblarini topishga yordamlashganmi? Bu savollar agar sizni qiynasa "Amir Temur" asarini o‘qib ko‘ring. Kitobda Ibn Xaldun va Sohibqiron o‘rtasidagi suhbatdan ham parchalar keltirilgan.

Postni "Muqaddima" ishqida yonib yurgan do‘stlaringizga yuborib qo‘yishni unutmang)

🕊Telegram 📱Instagram