Prezidentning 92-sonli qaroriga asosan, Qamashi tumani mahallalaridagi yoshlar yetakchilari tomonidan “Yoshlar balansi”ni shakllantirish bo‘yicha keng qamrovli ishlar olib borilmoqda. Mazkur qarorga muvofiq, yoshlar bilan ishlash samaradorligini oshirish, ularning muammolarini aniqlash va ularga yechim topish maqsadida xatlov jarayonlari boshlandi. Ushbu jarayon doirasida mahalladagi har bir yoshning bandligi, ta’lim olishi, ijtimoiy holati, qiziqishlari hamda bo‘sh vaqtini mazmunli o‘tkazish imkoniyatlari o‘rganilmoqda.

Shu bilan birga, yoshlar yetakchilari tomonidan elektron platformalar yaratilib, u orqali yoshlar haqida to‘liq ma’lumotlar bazasi shakllantirilmoqda. Bu nafaqat yoshlar bilan aloqani mustahkamlash, balki ularning ehtiyojlarini aniq aniqlash hamda davlat va jamoat tashkilotlari bilan hamkorlikda ularga yordam ko‘rsatish uchun muhim ahamiyat kasb etadi.