Qashqadaryo viloyati Qarshi shahrida o‘tkazilgan shaxmat musobaqasi viloyat miqyosidagi eng yirik va qiziqarli sport tadbirlardan biri bo‘ldi. Ushbu musobaqa yoshlarning shaxmatga bo‘lgan qiziqishini oshirish va iqtidorli yoshlarni aniqlash maqsadida tashkil etilgan bo‘lib, unda viloyatning barcha tuman va shaharlaridan kelgan iqtidorli yoshlar o‘z bilim va mahoratlarini sinovdan o‘tkazishdi.

Musobaqada Qamashi tumanidan 22-maktab iqtidorli o‘quvchisi Jumayeva Zarina va 70-maktab vakili Yo‘ldashov Sardor ishtirok etishdi. Natijada, ular musobaqaning eng yaxshi ishtirokchilari sifatida tan olinib, Respublika bosqichiga yo‘llanmani qo‘lga kiritishdi.

Qamashi tumani yoshlari jamoasi g‘oliblarni iliq qutlab, ularning kelgusidagi musobaqalarda ham yuqori natijalar ko‘rsatishiga tilak bildirishdi.