#СЎНГГИ_НАФАСГАЧА
. Мактабни битиргандан буён отасини ёнида кетмон чопаётган Норпошшадан ҳатто катта ёшли қишлоқдошлари ҳам ҳайиқиб туришар, улар чет-четда "Шоқосимнинг тўнғич қизининг ҳар битта билагида тўрттадан йигитнинг кучи бор" дея танглайини тақиллатиб қўйишарди. Ҳақиқатдан ҳам Норпошша отаси ишлайдиган звенога ишга киргандан буён уларнинг ёнига тушадигани топилмади. Планни энг биринчи бажарадиган звено ҳам , ҳар ўн кунликда қизил байроқни қўлдан бермайдиган ҳам шулар эди. Айтишларича колхоз агрономи Ҳамидулла амаки "Қизил деҳқон" нинг учинчи звеносида тўққизта ишчи ва битта трактор бор" деганмиш. Аммо қўйдек юввош бу инсон юқоридаги гапларни қачон айтган, қаерда айтган, умуман олганда айтганми, йўқми бу ҳақда ҳеч ким билмайди. Билишгани шуки, Норпошша омочнинг дастасини отасига тутқазиб, ўзи жабдуқларини елкасига осиб далада ер юмшатгани.
- Нимага куласиз, ака? Устидан кулганингизни Норпошша эшитиб қолсин сизгаям омоч жабдуғини ортиб ер ҳайдаб елкангизни яғирини чиқариб ташлайди,- Хайдаралининг астойдил жаҳли чиққанди
- Эээ, Норпошшани қўй! -деди Ҳаким ўзини қизиқтирган мавзуга гапни буриб,- қани гапир-чи, пўримга қайси қизлар ошиқ экан?!
- Қишлоғимиздаги бўй етган қизларнинг бариси! -дарровда тантанали эълон қилди Ҳайдарали,- бир-иккита унаштиртилган, йигити бор қизлардан ташқариси албатта. Сиз ҳам Барнохонизга эҳтиёт бўлинг! Уям қўлдан чиқиб кетмасин яна!
-Ҳмм, маслаҳат учун раҳмат,-деди Ҳаким қошиғини косага тарақлатиб қўйиб, -тушликка шу шилдираган шўрвадан бошқа овқат йўқ эканми?
У шундай деб ўчоқбоши тарафга овозини баландлатди:
- Ойи, ейишга бошқа нарсангиз йўқми? Биласиз шўрвага унча ҳушим йўқ...
Ўчоқ бошидан Ҳакимнинг онаси Қумрихон кичикроқ лаганда суякли гўштларнинг устига тўғралган пиёз солиб олиб келди:
- Ҳозирча мана буни еб турақол, болам.Олақол. Ичи тўла илик. Нон билан еб ол. Кечга бир тандир қилиб гўштли сомса ёпиб бераман.
#давоми_бор
/8
. Мактабни битиргандан буён отасини ёнида кетмон чопаётган Норпошшадан ҳатто катта ёшли қишлоқдошлари ҳам ҳайиқиб туришар, улар чет-четда "Шоқосимнинг тўнғич қизининг ҳар битта билагида тўрттадан йигитнинг кучи бор" дея танглайини тақиллатиб қўйишарди. Ҳақиқатдан ҳам Норпошша отаси ишлайдиган звенога ишга киргандан буён уларнинг ёнига тушадигани топилмади. Планни энг биринчи бажарадиган звено ҳам , ҳар ўн кунликда қизил байроқни қўлдан бермайдиган ҳам шулар эди. Айтишларича колхоз агрономи Ҳамидулла амаки "Қизил деҳқон" нинг учинчи звеносида тўққизта ишчи ва битта трактор бор" деганмиш. Аммо қўйдек юввош бу инсон юқоридаги гапларни қачон айтган, қаерда айтган, умуман олганда айтганми, йўқми бу ҳақда ҳеч ким билмайди. Билишгани шуки, Норпошша омочнинг дастасини отасига тутқазиб, ўзи жабдуқларини елкасига осиб далада ер юмшатгани.
- Нимага куласиз, ака? Устидан кулганингизни Норпошша эшитиб қолсин сизгаям омоч жабдуғини ортиб ер ҳайдаб елкангизни яғирини чиқариб ташлайди,- Хайдаралининг астойдил жаҳли чиққанди
- Эээ, Норпошшани қўй! -деди Ҳаким ўзини қизиқтирган мавзуга гапни буриб,- қани гапир-чи, пўримга қайси қизлар ошиқ экан?!
- Қишлоғимиздаги бўй етган қизларнинг бариси! -дарровда тантанали эълон қилди Ҳайдарали,- бир-иккита унаштиртилган, йигити бор қизлардан ташқариси албатта. Сиз ҳам Барнохонизга эҳтиёт бўлинг! Уям қўлдан чиқиб кетмасин яна!
-Ҳмм, маслаҳат учун раҳмат,-деди Ҳаким қошиғини косага тарақлатиб қўйиб, -тушликка шу шилдираган шўрвадан бошқа овқат йўқ эканми?
У шундай деб ўчоқбоши тарафга овозини баландлатди:
- Ойи, ейишга бошқа нарсангиз йўқми? Биласиз шўрвага унча ҳушим йўқ...
Ўчоқ бошидан Ҳакимнинг онаси Қумрихон кичикроқ лаганда суякли гўштларнинг устига тўғралган пиёз солиб олиб келди:
- Ҳозирча мана буни еб турақол, болам.Олақол. Ичи тўла илик. Нон билан еб ол. Кечга бир тандир қилиб гўштли сомса ёпиб бераман.
#давоми_бор
/8