📣Pastdarg‘om tumani aholisi diqqatiga!!!

📍Ertaga, 15-yanvar kuni tumanning Oltiqahramon mahallasida joylashgan 1-sektor binosida, O‘zbekiston Respublikasi Prezidenti huzuridagi Ijtimoiy inspeksiyaning Samarqand viloyati boshqarmasi boshlig‘i fuqarolar uchun sayyor qabul o‘tkazadi.

Qabul davomida:

✅1. Ijtimoiy himoya sohasiga oid qonunchilik hujjatlari buzilishiga oid;

✅2. Ko‘rsatilayotgan ijtimoiy xizmatlarga bo‘lgan eʼtirozlar;

✅3. Imkoniyati cheklangan hamda nogironligi bo‘lgan shaxslarga oid qonunchilik hujjatlarining buzilish holatlari;

✅4. Nogironligi bo‘lgan shaxslar uchun qulay va to‘siqsiz muhit yaratilishiga oid qonunchilik hujjatlari talablariga rioya etilmayotganligi bilan bog‘liq;

✅5. Ijtimoiy himoyaga muhtoj aholi qatlamlari, jumladan o‘zgalar parvarishiga muhtoj keksalar, voyaga yetmaganlar, tazyiq va zo‘ravonlikdan jabrlangan xotin-qizlar, odam savdosidan jabrlangan shaxslarga ijtimoiy xizmatlar ko‘rsatilishini tartibga solishga oid talablarga rioya etilmayotganligi bilan bog‘liq murojaatlar belgilangan tartibda qabul qilinadi.

💎Shuningdek, bu bo‘yicha zarur huquqiy tushuntirish va tegishli yo‘nalishlar berilishi taʼminlanadi.

✅Qayd etilgan va boshqa masalalarga oid murojaatlari bo‘lgan fuqarolarni sayyor qabulga taklif qilamiz.