#beshyuztoʻqsonbirinchikun
ter
Senga sim qoqaman, uyalar oqshom,
Gʻiybatimiz qilar azador shafaq.
Oy oʻlgan, tun oʻlgan bu kecha mashʼum,
Tumonli yoʻllarda boshi yoʻq safar.

Tentirab qolasan, tamom muzlaysan,
Supurib tashlaysan soʻnggi yaldoni.
Sen unga baxt tilab juftin izlaysan,
Lekin topolmaysan boshqa Xudoni.

Oxir mavjudlikdan topolmay maʼni,
Qoningda gʻaflatlar qolar joʻshilib.
Yotogʻingga barvaqt qoʻnadi taning,
Butun dunyo esnar senga qoʻshilib.

Koʻzingdan bemavrid chiqadi yoshing,
behol mavridimning tomirin kesib.
Oppoq tushlar aro boʻlar taloshing,
Bunda men yetimman, bunda sen yesir.

Senga sim qoqaman, erta saharda,
Men ketamiz deyman osmonga uchib.
Yashaging keladi horgʻin shaharda
va baxtli boʻlishni istaydi iching.

Dagʻal xayolimda nozikzot beling,
Yashashni istaydi mening ham ichim,
Ichimni oʻldirgim keladi mening,
Muallaq yasharmiz balki, sevgichim?

Oʻzing bir baxt eding, qismating saran,
Sen baxtli boʻlasan oʻzingdan ortiq,
Men esa hali ham oʻlmadim, qara
Bugun qiblagamas, koʻzingga botdim.

Dillarda tugadi soʻzlarning kuchi,
Senga yetgunimcha sogʻinchim uchqur.
Sen bilan osmonga boʻlmaydi uchib,
Lekin yerda baxtli boʻlmoqlik mushkul.
Muallaq yasharmiz balki, sevgilim!?

Kel birga yashaymiz, mayli ijara,
Mayli badbaxtlarga boʻlaylik ermak
Senga sim qoqaman:
–Alo, kechira…
–U endi uydamas…
qaytmasa kerak.
yashaging kelardi horgʻin shaharda…


PyD