O'ylarim)

***

Yo'q, biz sevishmadik,
Dardlashdik, xolos…
Dardlashish – sevishish degani emas.
Axir o'ylab ko'rgin, azim Toshkan'ga
O'qigani keldik, sevgani emas.

Men senga "sevaman" desam, bu – yolg'on,
Sening ishonganing – eng og'ir xato.
Chunki sof sevgiga bog'langan inson,
Sevaman deyolmas yoriga aslo.

©Xurshid Abdurashid


@Oylarim_cheksiz

Boy bo'lsangu yaxshi noming bo'lsa, ko'rinishing ko'rkam, yaxshi ma'lumotli, ancha aqlli, hatto oqko'ngil bo'lsangu shu bilan birga hech qanday qobiliyating, hech qanday o'ziga xosliging, hatto g'alati bir xususiyatlaring, o'zing to'qib chiqargan bironta fikring bo'lmasa, faqat va faqat "boshqalarga o'xshab" qolsang, shundan alamliroq narsa bormikin jahonda?

© Dostoyevskiy
"Telba"

@Oylarim_cheksiz

Yozuvchi Tohir Malik haqida

1. Taniqli o'zbek adibi va tarjimoni Mirzakalon Ismoiliy Tohir Malikning tog'asi bo'lgan. U ijodi davomida tog'asining: "O'zing yaxshi bilmagan narsani yozma", "Boshqalar yurgan yo'ldan yurma, o'z yo'lingni top”, degan ikki o'gitiga hamisha amal qilgan.

2. U "Shaytanat" asari orqali o'z vaqtida o'zbek adabiyotiga kriminal drama janrini muvafaqqiyatli olib kirgan. Barcha badiiy to'qimalari va bo'yoqlarga qaramasdan, "Shaytanat" oʻzida haqqoniylik kasb etadi.

3. O'zbek adabiyotida fantastika janri rivoji uchun sezilarli hissa qo'shgan. Shu yo'nalishdagi bir qator hikoyalari, qissalari hamda "Qora farishta" (2005) nomli kitobi chop etilgan.

4. Adibning "Amir Temur davri adabiyoti" (1998), "Varaxsha", "Unvoni inson" (1999), "Sohilsiz dengiz" (2000), "Zulmat saltanati" (2001), "Moshtabib" (2002) ssenariylari asosida hujjatli filmlar ishlangan.


@Oylarim_cheksiz

Peter Pan sindromi – bu psixologik tushuncha bo'lib, insonning voyaga yetish va mas'uliyatni qabul qilishdan qochishi bilan ifodalanadi. Ushbu sindromga ega shaxslar odatda kattalar hayotidagi vazifalardan qochadi, bolalarcha yashashni afzal ko'radi va o'zlariga bo'lgan haddan tashqari ishonchsizlik yoki mustaqillikdan qo'rqish hissi bilan ajralib turadi. Bu atama Jeyms Metyu Barrining "Peter Pan" asaridagi hech qachon o'smaydigan boladan kelib chiqqan.


© Misantropiya kanalidan

@Oylarim_cheksiz

***

Sevgilim, men seni sevaman, tamom,
G'amgin ko'zing, hadik to'la ko'zingni.
Sevmoq bu – kunda bir ko'rmoq baxtidir
Ozg'in qo'llaringni, sepkil yuzingni...

© Muhammad Yusuf


@Oylarim_cheksiz

Gabriel Garsia Markes haqida

1. Markes o'zining eng mashhur asari "Yolg'izlikning yuz yili" ni yozish uchun ikki yil davomida o'zini butunlay ijodga bag'ishlagan. U o'sha davrda oila xarajatlarini qoplash uchun mashinasini sotgan. Kitob nashr etilgach, darhol bestsellerga aylanib, Markesning moliyaviy ahvolini to'liq o'zgartirgan.

2. Markes she'riyatni kuchli sevganligini aytgan, ammo o'zi asosan nasrda yozgan. Uning sevimli shoiri Pablo Neruda edi, va u "She'riyat - insoniyatning eng buyuk yutug'i" deb hisoblagan. Bu she'riy mahorat uning prozasida ham sezilib turadi.

3. Markes Ernest Hemingueyni hayotidagi eng katta ilhom manbalaridan biri sifatida ko'rgan. Bir kuni Parij ko'chalarida Hemingueyni ko'rib qolgan, lekin unga yaqinlashishga jur'at qilolmaganini keyinchalik afsus bilan eslagan edi..


@Oylarim_cheksiz

Sen 20 ga kirding, lekin hali ham oilaviy yig'inlarda bolalar bilan ovqatlanasan😂.

Kelgan yangi yil yaxshi yil bo'lsin.

Remark aytishicha, "Tug'ilgan kunlar kishi ruhiyatiga yomon ta'sir qiladi". Biroq men bu ta'sirni yengib o'tishga harakat qilyapman)

20 yosh.
Qachonlardir 20 yoshga kirishim haqida umuman o'ylamagandim. Bu juda uzoq kelajak bo'lib tuyilardi menga. Bir ko'zimni yumib ochdim-u, 20 yil yashab qo'yganimni sezmay qoldim. Vaqt shunaqa tez o'tyaptimi yoki menga shunday tuyilyaptimi, hayronman. Hech narsa oldingidekmas, yoki mening hayotga bo'lgan qarashlarim o'zgargan. 20 yoshim, menga halovat, ko'ngil hotirjamligi, muvaffaqiyatlar va baxt olib kelgin. Umrimning o'tgan 19 yiliga roziman, Allohim. Qolgan umrimni ham o'zing barokatli qilgin.

Psixologiyada "Baader-Meinhof hodisasi" yoki "chastota illyuziyasi" deb ataluvchi qiziqarli fenomen mavjud. Bu hodisada inson biror yangi ma'lumot yoki tushuncha bilan tanishgandan so'ng, uni qisqa vaqt ichida tez-tez uchratishni boshlaydi. Masalan, yangi so'z yoki mashina modelini bilib olganingizdan keyin, uni atrofingizda ko'proq payqaysiz. Aslida, bu narsalar avval ham mavjud bo'lgan, lekin siz ularga e'tibor bermagansiz. Bu hodisa ongimizning yangi ma'lumotlarga nisbatan sezgirligi oshishi bilan izohlanadi.

Bu ikki asosiy omil bilan izohlanadi:

1. Selektiv e'tibor: Yangi ma'lumotga ega bo'lganimizda, ongimiz unga nisbatan sezgirroq bo'ladi va biz uni atrofimizda ko'proq payqaymiz.

2. Kognitiv xatolik: Biz yangi ma'lumotni ko'proq uchratganimizni his qilsak-da, aslida uning chastotasi o'zgarmagan bo'lishi mumkin. Bu ongimizning noto'g'ri talqinidir.

P/s: Menda doim shu hodisa kuzatiladi. Ya'ni hozirgi kunlarimdan olib qarasak, ingliz tilidan biror so'zni yodlaganimdan keyin o'sha so'zni oddiy hayotda juda ko'p uchrata boshlayman. Doim o'ylardim, oldin ham bu so'z ko'p qo'llangan-u, uni men tushunmasdimmi yoki endi ko'p qo'llana boshladimi deb) Qiziq-a? Siz ham bunday hodisani boshdan kechirganmisiz?


@Oylarim_cheksiz

Bugun birinchi marta mushuk ushlab ko'rdim. G'alati hissiyot bo'larkan. Hayvonlardan doim qo'rqqanman va bu qo'rquv abadiy men bilan yashasa kerak deb o'ylayman, bilmadim uni qanday yengish mumkin)

Alber Kamyu haqida qiziqarli va kam uchraydigan ma'lumotlar

1. Kamyu yoshligida futbolga juda qiziqqan va professional darvozabon bo'lishni orzu qilgan. U "Racing Universitaire d'Alger" jamoasida o'ynagan, ammo sil kasalligi tufayli bu faoliyatini davom ettira olmagan. Shu bilan birga, Kamyu futbolni "insoniy birdamlikning eng ulug' ramzi" deb hisoblagan.

2. Kamyu ikki marta turmush qurgan, ammo uning turli ayollar bilan bo'lgan sevgi hikoyalari mashhur. U hatto o'zining birinchi xotini Simon Xye bilan uning opium iste'moli tufayli ajrashgan. Shaxsiy hayoti uning asarlaridagi murakkab insoniy munosabatlarni aks ettiradi.

3. Kamyu Nobel mukofotini olganida, u o'zini bu mukofotga hali loyiq emasdek his qilgan. U mukofotga "Sartr ko'proq munosib edi" degan fikrni bildirgan va hammani hayratda qoldirgan. Biroq, mukofotni baribir qabul qilgan.

4. Kamyu ko'pincha ekzistensialist deb atalsa-da, o'zi bu tamg'ani rad qilgan. Ayniqsa, Sartr bilan ko'p masalalarda kelisha olmagan, hatto do'stliklarining buzilishiga sabab bo'lgan ziddiyatli falsafiy tortishuvlar ham bo'lgan.


@Oylarim_cheksiz

Hozir qiyin bo'lsa-da, bir kun kelib bu og'ir damlar sizni kuchliroq inson qilganini tushunasiz.