Kitoblar ombori

To'xtang, biroz nafas rostlang...

Ehtimol hafta siz uchun og'ir o'tgandir. Zimmangizda ishlar o'ta ko'payib ketgan, vazifalaringiz, qilishingiz kerak bo'lgan ishlarning adog'i yo'q, xayollaringiz esa ag'dar-to'ntar bo'lib yotmoqda. Mas'uliyat, kutilmalar va doimiy ravishda kurashlar ehitmol sizni holdan toydirgan bo'lsa kerak. Bu mutlaqo tabiiy. Ba'zida siz qilayotgan ishlarning hech kim sezmayotgandek, atrofingizdagi odamlar sizdan ko'ra tezroq odimlayotgandek tuyilayotgandir.

Ammo o'zingizga bir tashqi tarafdan nazar tashlang. Siz hamon oldinga intilmoqdasiz, hamon harakat qilmoqdasiz, hamon kurashyapsiz. Bu arzimas narsa emas. Bu aslida katta bir jasorat! Qiyinchiliklar ostida qolib ketgan holatingizda ham siz hamon tik oyoqda turibsiz. Va bu siz o'ylaganingizga qaraganda muhimroq.

Ehtimol o'zingizga nisbatan qattiqqo'ldirsiz, yetarlicha harakat qilmayotgandek his qilarsiz. Ammo bir lahza to'xtab o'zingizga chetdan bir nazar soling. Agar o‘zingizni boshqa birovning o‘rnida ko‘rsangiz, u odam qanchalar og‘ir yuk ko‘tarayotganini, qanchalar qattiq kurashayotganini ko‘rardingiz. Unga bu hayot nomli jangohda juda yaxshi kurashayotganini, dam olishga haqli ekanini aytardingiz. Xo‘sh, nega o‘zingizga ham shunday mehribonlik ko‘rsatmaysiz?

Hech kim, hatto hayotning o‘zi ham mukammallikni kutmaydi. Qo‘lingizdan kelganicha harakat qilishning o‘zi yetarli. Ayni paytda siz o‘zingizning eng yaxshi holatingizdasiz. Garchi sekin ammo bir xil muvozanatda harakat qilayotgan bo'lishingiz ham aslida katta bir natija. Bu aslida faxrlanishga arziydigan yutuqdir.

Zarur bo‘lganda dam oling. Nafas rostlash, to‘xtash, sekinlashish mumkinligini o‘zingizga eslatish uchun bir daqiqa ajrating. Dam olishni ishlab topishingiz shart emas — bu sizning haqingiz. Bir muddat ko‘zlaringizni yuming, yelkalaringizni bo‘shashtiring, bir lahza bosimlardan xoli bo‘lib, shunchaki mavjudligingizni his qilib yashang!

Siz allaqachon uzoq yo‘l bosib o‘tdingiz. Oldinga harakat qilish uchun orada o'zingizga biroz dam berishingiz kerak.

Bu postni o'zim uchun yozdim, ehtimol sizga ham taalluqlidir deb ulashib qo'yyapman.

@kitob_ombori

Tushuntirish mumkinmi yurak tubini –
Izohlash mumkinmi ko‘ngil ichini,
Sharhlash mumkinmi hayotni…
Aslo…
Valdirash mumkin…

(c) Abduvali Qutbiddin

@kitob_ombori

Bitta tanishim kopirayterlik va community managerlik haqida maslahat so'ragandi men ahmoq erinmasdan kaaatta matn yozib jo'natibman. Javobi esa meni rossa jahlimni chiqardi:

"Abdurahmon, chatGPT'dan so'rashni o'zim ham bilaman, menga shaxsiy fikrlaringizni ayting" deydi😒

Huzur to'la iftor tilayman)

Ilm yozishda ayollar matonati

Tarixda yashab o‘tgan Xadiyja Amudiy imom Kamoliddin Damiyriyning “Najmul vahhaj fiy sharhil Minhaj” kitobini qog‘ozga ko‘chirgan. Kitob 10 mujalladdan iborat. U: “Agar biror so‘z tushib qolganini topsangiz, meni ma’zur tutinglar, chunki uni bolam emizikli paytida yozganman”, deb aytgan.

Murtazo Zubaydiyning “Tojul arus min javahiril qomus” kitobidan.

Yana bir ayol Maryam Abdulqodir Abu Nasr Javhariyning mashhur “Sihohul Javhariy-(Tojul lug‘oti va sihohil arabiyyya)” kitobini qog‘ozga ko‘chirgan. U 6 mujalladdir. Ayol: “Kim, men yozgan nusxadan xato topsa, ma’zur tutishini so‘rayman. Chunki o‘ng qo‘limda yozib, chap qo‘limda beshik tebratganman”, deb aytgan.

“Xattul arabiy” kitobidan.

@kitob_ombori

Har yil 8-mart arafasida yo yomgʻir yoki qor yogʻadi.

Chunki hatto tabiat ham bu kuni iztirob chekadi-da😌

Sevib qolganimni qanday bilishim mumkin?

Agar bu savolni Googlega yozsangiz, u sizga turli xil antiqa "maslahatlar"ni chiqarib beradi. Chunki internetda berilayotgan maslahatlarning aksariyati foydasiz va chalg‘ituvchi bo'ladi.

Quyida keng tarqalgan, ammo noto‘g‘ri maslahatlarni ko‘rib chiqamiz:

"U doimo xayolimda."
Bu muhabbat emas, balki shunchaki o‘tkinchi havas yoki bog‘lanish. Haqiqiy sevgi hayotingizni to‘liq egallab olmasligi kerak, balki unga uyg‘unlashishi lozim.

"Unga doimo ehtiyoj sezaman, usiz o‘zimni tasavvur qilolmayman."
Bu ham yuqoridagi fikrga o‘xshaydi. Sog‘lom sevgi sizni o'ziga bog'lab tashlamaydi, aksincha, xotirjamlik beradi.

"U men uchun hamma narsa."
Bu bog‘lanishning haddan tashqari kuchli ekanligini bildiradi. Sog‘lom munosabatda ikki shaxs ham o‘z mustaqilligini saqlaydi.

"Kelajagimni faqat u bilan tasavvur qilaman."
Orzular cheksiz bo‘lishi mumkin. Xuddi men Shveytsariyada echki boqayotganimni tasavvur qilganim kabi. Muhabbat – bu orzularni yaxshi ko'rgan odamingga moslashtirish emas, balki real hayotda ular sari birga harakat qilishdir.

"Men uni yo‘qotishdan qo‘rqaman."
Bu muhabbat emas, balki qo‘rquv va qaramlik. Sog‘lom munosabatda bunday his bo‘lmaydi.

"Men u bilan faxrlanaman, chunki u juda go‘zal/kelishgan/yoqimli."
Bu yaxshi, lekin bu ham muhabbat emas. Siz uni qadrli deb bilishingiz tabiiy, ammo bu faqat tashqi xususiyatlarga bog‘liq bo‘lmasligi kerak.

"Men uni sevaman, chunki u eng yaxshi inson."
Har kim yaxshi bo‘lishi mumkin. Muhabbat esa – bu faqat yaxshi insonni qadrlash emas, balki u bilan birga bo‘lishga ongli qaror qilishdir.

Mavzu qiziqmi? Davom ettiraymi?
Bosing og'a - 🔥

@kitob_ombori

​Erkaklar o‘zidan ustunlarni yoqtirmaydi. Ehtimol, shu tufayli ularning ko‘pchiligi aqlli ayollardan nafratlanib, ahmoq ayollarni sevishsa kerak.

Agata Kristi

@kitob_ombori

Ramazon oyida ro‘zani tutmaslikka ruxsat beradigan uzrlar quyidagilardan iborat:

1. Safar.

Namozni qasr qilib o‘qishga sabab bo‘ladigan safar ro‘zani tutmaslikka ham sabab bo‘ladi. Bunday safarda bo‘lgan odam og‘zini ochishi va keyin qazosini tutib berishi joiz. Agar musofir o‘zi xohlasa, safarda ham ro‘za tutaversa, yaxshi bo‘ladi.

2. Bemorlik.

Ro‘za tutsa halokatga, qattiq mashaqqatga, xastalikning ziyoda bo‘lishiga yoki tuzalishining orqaga surilishiga sabab bo‘ladigan bemorlikka uchragan kishi ro‘zasini ochib, keyin sog‘ayganda qazosini tutib beradi.

3. Homiladorlik.

Agar homilador ayol o‘ziga yoki homilasiga avvalgi tajribalar yoki musulmon tabib gapi asosida zarar yetishini bilib, ro‘zasini ochmoqchi bo‘lsa, bunga ruxsat bor. Keyinroq, imkonini topganda qazosini tutib beradi.

4. Emiziklilik.

Bola emizayotgan ayol ham yuqoridagi homilador ayol uchun zikr qilingan sabablarga ko‘ra ro‘zasini tutmasligi, keyinroq qazosini tutishi joiz.

5. Qarilik.

O‘ta qarib qolgan chol va kampirlarga ro‘za tutmaslikka ruxsat berilgan. Ular ro‘za tutmagan har bir kunlari uchun bir miskinni to‘ydirish bilan fidya beradilar.

6. Kim og‘ir mashaqqat, ochlik va chanqoq tufayli ro‘za tutsa, halok bo‘ladigan, aqli nuqsonga uchraydigan yoki aszolaridan biri ishdan chiqadigan bo‘lsa, ro‘zaning qazosini imkon topganda tutib beradi.

"Hadis va hayot", 9-juz, "Ro‘za"

@kitob_ombori

«Oila haqida hamma narsa» filmida bir go‘zal lavha bor.

Bir ayol onasining tug‘ilgan kunida aytadi:

«Sen doim bizni boshqacha tarbiyalading. Esingdami, yosh qizchalar edik, momoqaldiroq gumburlaganida qo‘rqib ketib, uch qiz yig‘lay boshladik. Sen oldimizga chiqqaningda, yoningga olib, birga yotamiz, deb o‘ylagandik. Yo‘q, sen kiyintirib, bizlarni tashqariga olib chiqding. Momoqaldiroq, chaqmoq nima ekanini tushuntirding. Albatta, ilmiy tomondan.

Shundan so‘ng, biz uchun eng qo‘rqinchli narsa oddiy o‘yinga aylandi. Endi, har chaqmoq chaqqanida, sanashni boshlar, momoqaldiroq gumburlashigacha bo‘lgan vaqtni hisoblab, chaqmoqning qanchalik uzoqligini aniqlashga urinardik.

Sen, istasak, yoningga kirib yotishimiz mumkinlini ham ayting, ammo bu endi shart emasdi. Qo‘rqadigan narsamiz qolmagandi...»

Hayotda ko‘p to‘siqlar uchraydi. Muammolar paydo bo‘ladi, nimadir yetishmaydi. Lekin hammasining, hatto qo‘rquvning ham davosi bilimdir. Uni esa, ustozlar beradi.

@kitob_ombori

Milodiy 1469-sana 3-mayda “Hukmdor” kitobining muallifi Nikollo Makiavelli dunyoga kelgan.
Ko‘pchilik Makiavellini bu olamdagi go‘sht va qondan iborat iblis deb bilishgan. Chunki u yuqoridagi kitobi bilan qirollar uchun istibdod dasturini tuzib bergan. Makavelli siyosatning asosini bilgan va xalqlarni bo‘ysundirish yo‘llarini kitobida ko‘rsatib bergan. Uning atrofida har-xil gaplar ko‘p. Bundan keyin ham davom etadi.

“Hukmdor” kitobi siyosatni o‘rgatadigan kitob. Unda siyosiy axloqqa shunaqangi ta’rif beriladiki, bundan oldin unga hech kim bunday ta’rif bermagan. Kitobning hajmi kichik bo‘lgani bilan ko‘p narsani o‘z ichiga olgan. Aksar nasihatlari podshohlarga, hokimlarga xalqni qanday qo‘lga olish, uni qanday bo‘ysundirish haqidadir. Makiavellining nazdida ideal podshohda sherning kuchi, tulkining ayyorligi bo‘lishi kerak. Hamma narsadan ham ko‘ra manfaatni ustun ko‘rishi lozim!

Din Makiavellining nazdida xalqqa hukmronlik qilish uchun podshohning quroli. Podshoh insonlar ishongan narsani g‘animat bilishi, undan o‘z nufuzi va hukmronligini mustahkamlashda foydalanishi lozim. Ammo o‘zining dini esa shaxsiy manfaati bo‘lmog‘i kerak. Omadli podshohga xalqining muhabbati va tuyg‘ulari kerak emas, balki ko‘zlari ko‘r xalqining itoati kerak xolos!
Kitobni o‘qir ekansiz avvalo asabiylashasiz, qolaversa dunyodagi barcha diktatorlar uni o‘qib chiqqan, yodlab olgan va u bilan xalqini boshqaradi, deya xayol qilasiz.

"Hukumdor" kitobidan iqtiboslar

Podshohning ziyrakligini bilishning birinchi yo‘li uning atrofidagi insonlarni kuzatishdir!

***

Siyosat bilan axloqning o‘rtasida hech qanday aloqa yo‘q!

***

Kishini unvoni ulug‘lamaydi. Balki insonlar uni ulug‘lashadi!

***

Yolg‘onchini aldashing saodatning eng yuqori cho‘qqisidir!

***

Podshoh uchun fuqaro uni sevganidan ko‘ra undan qo‘rqqani afzalroqdir!

***

Insonlar sizga itoat qilishini istasangiz ularga qanday amr qilishni biling!

***

Hakim podshoh iymoni unga zid kelganida uni saqlab o‘tirmaydi!

***

Podshohlar qiyin vazifalarni boshqalarga berib, oson va suyuklilarini o‘zlariga olib qolishlari lozim!

@kitob_ombori

8-mart kelyapti...

Hech kimga sovgʻa berish majburiyatim boʻlmasa ham negadir siqilyapman(

Nasib qilsa bu ramazondan maʼnan tozalanib, bonusiga ozib chiqaman)

Mustaqil fikrga ega bo‘lish, doimiy tarzda o‘z ustida ishlash uchun butun hayot tarzingizni va odatlaringizni o‘zgartirishingiz shart emas. Masalan men kun tartibimni iloji boricha qiziqarli va albatta foydali tuzishga harakat qilaman. Qanday qilib davomli tarzda inson o‘zini shakllantirib borishi kerak degan savolga javob o‘laroq juda sodda tavsiya bermoqchiman.

1. Har kuni kamida bitta kattaroq hajmdagi maqola o‘qing. Mavzusi o‘zingizni sohangizga aloqador bo‘lsa yana-da yaxshi. O‘zim har kuni wikipediada biror mamlakatni tilini kelib chiqishiga oid bitta bo‘lsada maqola o‘qiyman. Yana, qiziqish doiramga ekologiya va kinolarga oid maqolalar o‘qish ham kiradi. Umuman olganda men uchun matnlar bilan ishlash ancha qulay va aynan o‘shalar orqali qabul qilgan ma'lumotlarim yodimda oson qoladi.

2. Podkastlar eshitish ham kunlik odatlarimda biri. Asosan o‘zbek, rus va ingliz tillarida ko‘rib boraman. Oxirgi paytda Lolazor va Fikrat podkastlari qiziq bo‘lyapti. Kamoliddin Rabbimov va Ilyos Safarov sharh beradigan har qanday podkastni qoldirmay ko‘raman/eshitaman. Har kuni o‘rtacha 1 soat vaqt ajrataman.

3. Kitob o‘qish uchun kuniga o‘rtacha 1 soat ajrataman. Mavzular turli xil. Qiziqish va ruhiy holatga bog‘liq. Odatda tong yorishguncha yoki uyquga yotishdan oldin o‘qigan qulay. Ikkala paytda ham atrofingiz va ruhingiz ancha tinchlangan bo‘ladi. Diqqatni buzadiganlar kam bo‘ladi....

@kitob_ombori