ИЖТИМОИЙ ТАРМОҚЛАРДА ХУЛҚИМИЗ ҚАЙ ДАРАЖАДА?
Абу Дардо розияллоҳу анҳудан ривоят қилинган ҳадиси шарифда шундай дейилади. Набий соллаллоҳу алайҳи васаллам марҳамат қилдилар:''Қиёмат кунида мўминнинг тарозусида гўзал хулқдан кўра оғирроқ бирон-бир нарса бўлмайди''. Чунки, гўзал хулқ жаннатда Расулуллоҳ соллаллоҳу алайҳи васалламга яқин бўлишга сабаб бўладиган жиҳатларнинг энг улуғидир. Бу ҳақида Жобир розияллоҳу анҳудан ривоят қилинган ҳадиси шарифда Расулуллоҳ соллаллоҳу алайҳи васаллам шундай дедилар: ''Албатта, сизларнинг менга муҳаббатлироқларингиз ва қиёмат кунида менга яқин бўладиганингиз, хулқи гўзал бўлганларингиздир''. Танамизга бир ўйлаб кўрсак, Расулуллоҳ соллаллоҳу алайҳи васалламга яқин бўлишдан ўзга бахт, саодат борми? Алалхусус, қиёмат кунида. Чунки у кунни қандайин оғирлигини биламиз. Мана шундай оғир кунда сизга далда бериб турадиган энг яқинингиз Ҳабибимиз соллаллоҳу алайҳи васаллам бўлсалар, бундан ортиқ бахт бўлиши мумкинми?! Шунинг учун, барчамиз бел боғлаб, хулқимизни гўзал қилайлик. Ўзгалар биздан озор топмасин. Қалбимизни турли иллатлардан поклаб, яхшилик, гўзаллик уруғини экайлик. Токи, Роббимиз ҳузурига борганимизда, ҳижолатда қолмасдан, жаннат сари одим ташлайлик.
Бугунги кунда интернет оламига назар солсак, хулқимиз қай даражада аянчли эканига гувоҳи бўлишимиз мумкин. Ҳусни хулқ мавзусига ижтимоий тармоқлардаги мулоқотларимизда жуда муҳтожмиз. Айниқса, айрим ёшлар ҳаётда ўзларини одобли тутсаларда, ижтимоий тармоқларда мутлақо ўзгача хулқда бўлишлари ачинарли ҳол. Ўзаро ёзишма ва мулоқотларда бировларни ҳақорат қилиш, камситиш, инсонларни ғийбат қилиб, обрўсизлантириш оддий ҳолга айланмоқда. Аслида, шариатимизга кўра “Ал-мактуб – кал-махтуб” яъни, “Ёзилган сўз – айтилган гап билан баробар” деган қоида бор. Қолаверса, инсонда самимият бўлмаслиги унда нифоқнинг аломати борлигидан дарак беради. Шунинг учун мусулмон киши ҳар-бир гап-сўзини ўйлаб ёзиши, ғийбат ва бўҳтон ҳамда ўзгаларга қўполлик ва зулмдан жуда эҳтиёт бўлиши зарур. Аллоҳ барчамизни ислоҳ қилсин!
Абу Дардо розияллоҳу анҳудан ривоят қилинган ҳадиси шарифда шундай дейилади. Набий соллаллоҳу алайҳи васаллам марҳамат қилдилар:''Қиёмат кунида мўминнинг тарозусида гўзал хулқдан кўра оғирроқ бирон-бир нарса бўлмайди''. Чунки, гўзал хулқ жаннатда Расулуллоҳ соллаллоҳу алайҳи васалламга яқин бўлишга сабаб бўладиган жиҳатларнинг энг улуғидир. Бу ҳақида Жобир розияллоҳу анҳудан ривоят қилинган ҳадиси шарифда Расулуллоҳ соллаллоҳу алайҳи васаллам шундай дедилар: ''Албатта, сизларнинг менга муҳаббатлироқларингиз ва қиёмат кунида менга яқин бўладиганингиз, хулқи гўзал бўлганларингиздир''. Танамизга бир ўйлаб кўрсак, Расулуллоҳ соллаллоҳу алайҳи васалламга яқин бўлишдан ўзга бахт, саодат борми? Алалхусус, қиёмат кунида. Чунки у кунни қандайин оғирлигини биламиз. Мана шундай оғир кунда сизга далда бериб турадиган энг яқинингиз Ҳабибимиз соллаллоҳу алайҳи васаллам бўлсалар, бундан ортиқ бахт бўлиши мумкинми?! Шунинг учун, барчамиз бел боғлаб, хулқимизни гўзал қилайлик. Ўзгалар биздан озор топмасин. Қалбимизни турли иллатлардан поклаб, яхшилик, гўзаллик уруғини экайлик. Токи, Роббимиз ҳузурига борганимизда, ҳижолатда қолмасдан, жаннат сари одим ташлайлик.
Бугунги кунда интернет оламига назар солсак, хулқимиз қай даражада аянчли эканига гувоҳи бўлишимиз мумкин. Ҳусни хулқ мавзусига ижтимоий тармоқлардаги мулоқотларимизда жуда муҳтожмиз. Айниқса, айрим ёшлар ҳаётда ўзларини одобли тутсаларда, ижтимоий тармоқларда мутлақо ўзгача хулқда бўлишлари ачинарли ҳол. Ўзаро ёзишма ва мулоқотларда бировларни ҳақорат қилиш, камситиш, инсонларни ғийбат қилиб, обрўсизлантириш оддий ҳолга айланмоқда. Аслида, шариатимизга кўра “Ал-мактуб – кал-махтуб” яъни, “Ёзилган сўз – айтилган гап билан баробар” деган қоида бор. Қолаверса, инсонда самимият бўлмаслиги унда нифоқнинг аломати борлигидан дарак беради. Шунинг учун мусулмон киши ҳар-бир гап-сўзини ўйлаб ёзиши, ғийбат ва бўҳтон ҳамда ўзгаларга қўполлик ва зулмдан жуда эҳтиёт бўлиши зарур. Аллоҳ барчамизни ислоҳ қилсин!